UGenesise 1:3 - IBHAYIBHELI ELINGCWELE

³ UNkulunkulu wathi: “Makube khona ukukhanya,” kwaba khona ukukhanya.

IsiZulu 2020

³ UNkulunkulu wathi: “Makube khona ukukhanya.” Kwaba khona ukukhanya.

Contemporary Zulu Bible 2024

³ UNkulunkulu wathi: Makube khona ukukhanya, futhi kwaba khona ukukhanya.

UGenesise 1:3 Referans Kwoze

2 kwabaseKorinte 4:6

Ngokuba uNkulunkulu owathi: “Akuvele ukukhanya ebumnyameni, kukhanye,” nguyena owakhanyisa ezinhliziyweni zethu ukuba kukhanye ukwazi inkazimulo kaNkulunkulu ebusweni bukaKristu.

Johane 1:5

ukukhanya kukhanya ebumnyameni, kepha ubumnyama abukwamukelanga.

U-Isaya 45:7

yimi engenza ukukhanya nengidala ubumnyama, ngenza ukuthula, ngidala okubi; nginguJehova owenza konke lokho.

U-Isaya 60:19

Ilanga alisayikuba ngukukhanya kuwe emini, nenyanga ayisayikukukhanyisela ngokukhazimula ebusuku; uJehova uyakuba ngukukhanya okuphakade kuwe, uNkulunkulu wakho abe ludumo lwakho.

1 kaJohane 1:5

Nanti izwi esalizwa kuye, sinishumayeza lona lokuthi uNkulunkulu ungukukhanya, ubumnyama abukho kuye nakanye.

Kwabase-Efesu 5:8

Ngokuba kade naningubumnyama, kepha manje ningukukhanya eNkosini; hambani njengabantwana bokukhanya,

Johane 1:9

Kwakungukukhanya okuqinisileyo okukhanyisa wonke umuntu, okwase kuza ezweni.

Johane 3:19

Ukwahlulela kuyilokhu ukuba ukukhanya kufikile ezweni, kepha abantu bathanda ubumnyama kunokukhanya, ngokuba imisebenzi yabo ibimibi.

AmaHubo 33:6

Ngezwi likaJehova izulu lenziwa, namabandla onke ngomoya womlomo wakhe.

AmaHubo 148:5

Makuthathe kudumise igama likaJehova, ngokuba wayaleza, kwadaleka.

AmaHubo 97:11

Ukukhanya kuhlwanyelelwe olungileyo, ukujabula kuhlwanyelelwe abanhliziyo ziqotho.

AmaHubo 33:9

Ngokuba wakhuluma, kwaba khona; wayaleza, kwema khona.

1 kaJohane 2:8

Futhi nginilobela umyalo omusha owona uyiqiniso kuye nakini, ngokuba ubumnyama buyadlula nokukhanya kweqiniso sekuyakhanya.

Kwabase-Efesu 5:14

Ngalokho uthi: “Phaphama wena oleleyo, uvuke kwabafileyo, uKristu uzakukukhanyisa.”

AmaHubo 104:2

ogqoka ukukhanya njengengubo, oweneka izulu njengendwangu;

UJobe 38:19

“Iphi indlela eya lapho kuhlala khona ukukhanya, nobumnyama-ke, iphi indawo yabo,

1 kuThimothewu 6:16

yena yedwa onokungafi, ehlala ekukhanyeni okungenakusondelwa kukho, ongazange abonwe muntu, nongebonwe; makube kuye udumo namandla aphakade. Amen.

AmaHubo 118:27

UJehova unguNkulunkulu, usikhanyisele; hlobisani umkhosi ngamahlamvu kuze kube sezimpondweni ze-altare.

UJobe 36:30

Bheka, uyasakaza ukukhanya kwakhe ngakuye; uyasibekela ubuphansi bolwandle.

Johane 11:43

Esekhulume lokho wamemeza ngezwi elikhulu, wathi: “Lazaru, phuma.”

Mathewu 8:3

Wayeselula isandla, wamphatha, wathi: “Ngiyathanda; hlambuluka.” Wayesehlambuluka masinyane ochokweni lwakhe.

UGenesise 2:4

Lokhu kungumlando wokudalwa kwezulu nomhlaba ekudalweni kwakho mhla uJehova uNkulunkulu ewenza umhlaba nezulu.