UDuteronomi 24:14 - IBHAYIBHELI ELINGCWELE

¹⁴ “Awuyikucindezela inceku eqashiweyo empofu neswelayo, noma ingowabafowenu noma ingowabafokazi abasezweni lakini phakathi kwamasango akho;

IsiZulu 2020

¹⁴ “Awuyukuyicindezela inceku eqashiweyo, empofu nentulayo, noma ngabe ingumfowenu noma ingumfokazi osezweni lakini emzini wakho.

Contemporary Zulu Bible 2024

¹⁴ Ungacindezeli isisebenzi sosuku esimpofu nesiswelayo, kungakhathaliseki ukuthi sivela kubafowenu noma sivela kubafokazi abasezweni lakini phakathi kwamasango akho.

UDuteronomi 24:14 Referans Kwoze

UMalaki 3:5

“Ngiyakusondela kini ukwahlulela, ngibe ngufakazi osheshayo ngabalumbi, nangeziphingi, nangabafunga amanga, nangabacindezela abaqashwa ngenkokhelo yabo, nabafelokazi, nezintandane, nabachezukisa abafokazi, bengangesabi mina,” usho uJehova Sebawoti.

IzAga 14:31

Ocindezela ompofu usola uMenzi wakhe, kepha onomusa koswelayo uyamdumisa.

IzAga 22:16

Ocindezela ompofu ukuba azandisele nophayo isicebi bayakuba ngabokuswela kuphela.

U-Amose 4:1

Yizwani leli zwi, nina zinkomo zaseBashani enisentabeni yaseSamariya, enicindezela abaphansi, enichoboza abampofu, enithi emakhosini enu: “Lethani, siphuze.”

NgokukaLuka 10:7

Hlalani kuleyo ndlu, nidle, niphuze abanipha khona; ngokuba isisebenzi sifanele inkokhelo yaso. Ningangenisi ezindlini ngezindlu.

U-Amose 2:7

Bazondelela amakhanda abampofu ukuba abe sothulini lomhlabathi, bachezukisa indlela yabathobileyo; indoda noyise baya entombininye, ukuze balihlambalaze igama lami elingcwele,

U-Amose 8:4

Yizwani lokhu nina enigwinya abampofu, nenichitha abaswelayo bezwe,

UHezekeli 22:7

Bathukile kuwe uyise nonina, bacindezela abezizwe phakathi kwakho, bona phakathi kwakho izintandane nabafelokazi.

1 kuThimothewu 5:18

Ngokuba umbhalo uthi: “Ungayifaki isifonyo inkabi ebhulayo,” futhi: “Isisebenzi siyifanele inkokhelo yaso.”

ULevitikusi 19:13

“ ‘Ungamcindezeli umakhelwane wakho, ungamphangi; inkokhelo yomqashwa ayiyikuhlala kuwe ubusuku bonke kuze kuse.

UDuteronomi 15:7

“Uma kukhona kuwe ompofu, omunye wabafowenu, phakathi kwelithile lamasango ezweni lakini uJehova uNkulunkulu wakho akunika lona, awuyikuyenza lukhuni inhliziyo yakho, ungamvaleli umfowenu ompofu isandla sakho,