IsiHlabelelo seziHlabelelo 5:15 - IBHAYIBHELI ELINGCWELE

¹⁵ Imilenze yakhe iyizinsika zetshe elimhlophe ezisekelwe ezinyaweni zegolide elihle; ukubukeka kwakhe kunjengeLebanoni, kukhethekile njengemisedari.*

IsiZulu 2020

¹⁵ Imilenze yakhe iyizinsika zemabuli ezibekwe phezu kwezisekelo zegolide loqobo. Isiqu sakhe sifana neLebhanoni, sinjengemisedari ekhethekileyo.

Contemporary Zulu Bible 2024

¹⁵ Imilenze yaso iyizinsika zetshe elimhlophe ezibekwe phezu kwezisekelo zegolide elicwengekileyo; ukubonakala kwakhe kunjengeLebanoni, kuhle njengemisedari.

IsiHlabelelo seziHlabelelo 5:15 Referans Kwoze

1 AmaKhosi 4:33

Wakhuluma ngemithi kusukela kuwo umsedari* oseLebanoni kuze kube kulo ihisopi* elimila odongeni; wakhuluma nangezinkomo, nangezinyoni, nangezilwanyana ezinwabuzelayo, nangezinhlanzi.

1 kuThimothewu 3:16

Kuvunyiwe ukuthi inkulu imfihlakalo yokukhonza uNkulunkulu yokuthi: Owabonakaliswa enyameni, walungisiswa emoyeni, wabonwa yizingelosi, washunyayelwa ezizweni, wakholeka ezweni, waphakanyiselwa enkazimulweni.

IzEnzo 2:28

Wangazisa izindlela zokuphila; uyakungigcwalisa ngokujabula ebusweni bakho.’

Mathewu 28:3

Ukubonakala kwayo kwakunjengonyazi, nesambatho sayo sasimhlophe njengongqoqwane.

Mathewu 17:2

Waphenduka esinye isimo phambi kwabo; ubuso bakhe bakhanya njengelanga, izingubo zakhe zaba mhlophe njengokukhanya.

UZakariya 9:17

Yeka ubuhle balo! Yeka ukubukeka kwalo! Amabele abo ayakuhlumisa izinsizwa zalo, newayini elisha izintombi zalo.

Hoseya 14:7

Bayakubuya, bahlale emthunzini wakhe, babuye baphile njengamabele, bakhahlele njengomvini, igama lakhe lodumo libe njengomvini waseLebanoni.

IsiHlabelelo seziHlabelelo 7:4

Intamo yakho injengoMbhoshongo woPhondo lweNdlovu; amehlo akho angamachibi aseHeshiboni ngasesangweni laseBati Rabimi; impumulo yakho injengombhoshongo waseLebanoni obhekene neDamaseku.

IsiHlabelelo seziHlabelelo 4:11

Izindebe zakho, makoti wami, ziyaconsa izinyosi; uju nobisi kukhona phansi kolimi lwakho, nephunga lezambatho zakho linjengephunga laseLebanoni.

IsiHlabelelo seziHlabelelo 2:14

Juba lami elisemifantwini yamadwala nasekusithekeni kweziwa, mangibone ubuso bakho, ngizwe izwi lakho, ngokuba izwi lakho limnandi, nobuso bakho buhle.

AmaHubo 92:12

Olungileyo uyahluma njengesundu, uyakhula njengomsedari* eLebanoni.

AbAhluleli 13:6

Owesifazane wayeseya ukubika endodeni yakhe, ethi: “Kufikile kimi umuntu kaNkulunkulu, isimo sakhe sasinjengesimo sengelosi kaNkulunkulu, sesabeka kakhulu; angimbuzanga ukuthi uvelaphi, naye akangitshelanga igama lakhe.

UEksodusi 26:19

Wenze izinyawo ezingamashumi amane esiliva phansi kwamapulangwe angamashumi amabili, izinyawo ezimbili phansi kwepulangwe linye, zibe ngezemisuka yalo yomibili, nezinyawo ezimbili phansi kwelinye ipulangwe, zibe ngezemisuka yalo yomibili,

AmaHubo 80:10

Izintaba zambozwa ngumthunzi wawo, nemisedari* kaNkulunkulu ngamagatsha awo.

UHezekeli 17:23

ngilitshale empakameni yentaba yakwa-Israyeli, liveze amagatsha, lithele izithelo, libe ngumsedari* omuhle, kuhlale phansi kwamagatsha onke izinyoni zezinhlobo zonke, zihlale ethunzini lamagatsha alo.

UHezekeli 31:8

Imisedari* yasensimini kaNkulunkulu yayingenakuwusitha, imisayipuresi* yayingafani nezingatsha zawo, nemipelatani* yayingenjengamagatsha awo, futhi kwakungekho nowodwa umuthi ensimini kaNkulunkulu ofana nawo ngobuhle.

AmaHubo 92:13

Batshaliwe endlini kaJehova, bamila emagcekeni kaNkulunkulu wethu.

IsiLilo 4:7

Abakhulu balo babehlambulukile kunongqoqwane, babe mhlophe kunobisi; imizimba yabo yayibomvana kunekorali,* isimo sabo sasinjengesafire.*