IsiHlabelelo seziHlabelelo 5:1 - IBHAYIBHELI ELINGCWELE

¹ Sengingenile ensimini yami, dadewethu, makoti wami; ngiyabutha imure* lami namakha ami, ngiyadla amakhekheba ami kanye nezinyosi zami, ngiyaphuza iwayini lami kanye nobisi lwami. Yidlani, bangane, niphuze, nisuthe ngothando.

IsiZulu 2020

¹ Sengingenile esivandeni sami, dadewethu, makoti wami! Sengiyibuthile imure yami namakha ami, sengiwadlile amakhekheba ami noju lwami, ngaphuza iwayini lami nobisi lwami. Yidlani bangani, niphuze, niphuze neneliseke, zithandwa.

Contemporary Zulu Bible 2024

¹ Ngangena ensimini yami, dadewethu, makoti wami; Ngabutha imure lami namakha ami; Ngadla amakhekheba ami nezinyosi zami; Ngaphuza iwayini lami kanye nobisi lwami; dlani, oh bangane! phuzani, yebo, phuzani kakhulu, zithandwa.

IsiHlabelelo seziHlabelelo 5:1 Referans Kwoze

IsiHlabelelo seziHlabelelo 6:2

Othandiweyo wami wehlele ensimini yakhe, ezindimeni zamakha, ukuba aluse ensimini, akhe iminduze.

IsiHlabelelo seziHlabelelo 4:16

Vuka, moya wasenyakatho, uze wena Ningizimu, uphephethe ensimini yami, ukuze amakha ayo athaphuke; othandiweyo wami makangene ensimini yakhe, adle izithelo zayo ezinqabileyo.

IsAmbulo 22:17

UMoya nomlobokazi bathi: “Woza!” Nozwayo makathi: “Woza!” Nowomileyo makeze; othandayo makathabathe amanzi okuphila ngesihle.

IzAga 9:5

“Wozani nidle isinkwa sami, niliphuze iwayini engilivubeleyo.

IzEnzo 11:29

Abafundi base bezimisela ukuba yilowo nalowo kubo athumele njengamandla akhe okokusiza abazalwane abakhe eJudiya.

Johane 3:29

Onomlobokazi ungumyeni, kepha umhlobo womyeni omiyo emuzwa uthokoza nokuthokoza ngezwi lomyeni. Le ntokozo yami isiphelele.

NgokukaLuka 12:4

“Kepha ngithi kinina bahlobo bami: Ningabesabi abawubulala umzimba, bengenakwenza okunye emva kwalokho.

U-Isaya 66:14

Niyakukubona, izinhliziyo zenu zijabule, amathambo enu ahlume njengohlaza; isandla sikaJehova siyakwaziwa ukuthi sisezincekwini zakhe, athukuthelele izitha zakhe.

U-Isaya 65:13

Ngalokho isho kanje iNkosi uNkulunkulu, ithi: “Bhekani, izinceku zami ziyakudla, kepha nina niyakulamba; bhekani, izinceku zami ziyakuphuza, kepha nina niyakoma; bhekani, izinceku zami ziyakuthokoza, kepha nina niyakujabha;

U-Isaya 61:11

Ngokuba njengokuba umhlaba uveza ihlumela lawo, nanjengensimu ehlumisa okutshalwe kuyo, kanjalo iNkosi uJehova iyakuveza ukulunga nodumo phambi kwezizwe zonke.

U-Isaya 58:11

UJehova uyakukuhola njalo, asuthise umphefumulo wakho ezindaweni ezomileyo, aqinise amathambo akho; uyakuba njengensimu eniselweyo nanjengomthombo wamanzi, omanzi awo angaphuthi.

U-Isaya 51:3

Ngokuba uJehova uyakuliduduza iSiyoni, aziduduze zonke izindawo zalo ezichithekileyo, enze ihlane lalo libe njenge-Edene, noqwathule lwalo lube njengensimu kaJehova; injabulo nentokozo kuyakufunyanwa khona, ukubonga nezwi lokuhlabelela.

IsiHlabelelo seziHlabelelo 8:13

Wena ohlala emasimini, abangane balalela izwi lakho; ake ungizwise lona.

Kwabase-Efesu 5:18

Ningadakwa yiwayini, kuvela kulo umhumheko, kodwa nigcwaliswe ngoMoya,

Mathewu 25:40

“Isiyakuphendula iNkosi, ithi kubo: ‘Ngiqinisile ngithi kini, njengokuba nikwenzile komunye walaba bafowethu abancane, nikwenzile kimi.’

U-Isaya 53:11

Ngokuhlupheka komphefumulo wayo iyakukubona, yaneliswe. Ngokwazi kwayo inceku yami, elungileyo, iyakulungisisa abaningi, ithwale izono zabo.

U-Isaya 23:18

Intengo yalo nenzuzo yalo iyakuba ngcwele kuJehova; ayiyikunqwabelwa, ilondolozwe, ngokuba intengo yalo iyakuba ngeyabahlala phambi kukaJehova, ukuze badle basuthe, babe nezingubo ezinhle.

U-Isaya 5:1

Mangihlabelele ngothandiweyo wami, isihlabelelo sothandiweyo wami ngesivini sakhe. Othandiweyo wami wayenesivini egqumeni elivundile kakhulu;

IsiHlabelelo seziHlabelelo 8:1

Sengathi nga unjengomfowethu owancela amabele kamame! Uma bengikufumana phandle, bengiyakukwanga ngingadelelwa muntu.

IsiHlabelelo seziHlabelelo 6:11

Ngehlela ensimini yamantongomane ukuyobona uhlaza lwesigodi, nokubona uma imivini iqhakazile, namapomegranati* uma ekhahlele.

AmaHubo 16:3

Abangcwele abasemhlabeni, abayizikhulu, yonke intokozo yami ikubona.

AmaHubo 147:11

UJehova uyathokoza ngabamesabayo, abathemba umusa wakhe.

AbAhluleli 14:11

Kwathi lapho bembona, baletha abayeni abangamashumi amathathu ukuba babe naye.

AbAhluleli 14:20

Kepha umkaSamsoni wanikwa kumngane wakhe owabe ngomunye wabayeni bakhe.

IzAga 24:13

Ndodana yami, yidla izinyosi, ngokuba zimnandi, noju oluhle emlonyeni wakho.

UmShumayeli 2:5

ngazenzela izivande namahlathi, ngatshala khona imithi enezithelo zezinhlobo zonke,

IsiHlabelelo seziHlabelelo 1:13

Othandiweyo wami ungumshuqulu wemure* kimi, olele phakathi kwamabele ami.

IsiHlabelelo seziHlabelelo 4:8

Woza umuke nami eLebanoni, makoti wami, umuke nami eLebanoni, wehle esiqongweni sase-Amana, nasesiqongweni saseSeniri naseHermoni, simuke emihumeni yezingonyama, nasezintabeni zezingwe.

UGenesise 37:25

Bahlala phansi ukuba badle isinkwa; baphakamisa amehlo abo, babona; bheka, kwafika ihele labakwa-Ishmayeli livela kwaGileyadi, linamakamela alo ethwele inhlaka nebhalisamu* nemure,* likwewusela eGibithe.