IzEnzo 21:34 - IBHAYIBHELI ELINGCWELE

³⁴ Kepha abanye esixukwini bamemeza okunye, abanye okunye; yathi ukuba ingenakulazi iqiniso ngenxa yomsindo, yayala ukuba ayiswe ekamu.*

IsiZulu 2020

³⁴ Abanye esixukwini babememeza besho lokhu, nabanye besho lokhuya, ayangakwazi ukuthola iqiniso ngenxa yomsindo, yase iyala ukuba ayiswe enkanjini.

Baasraak Zulu New Testament Bible

³⁴ Abanye phakathi kwesixuku bamemeza okunye, abanye okunye, kepha engakwazi ukuqiniseka ngenxa yesiyaluyalu, wayala ukuba ayiswe ekamu.

Contemporary Zulu Bible 2024

³⁴ Abanye phakathi kwesixuku bamemeza okunye, abanye okunye, kepha engakwazi ukuqiniseka ngenxa yesiyaluyalu, wayala ukuba ayiswe ekamu.

IzEnzo 21:34 Referans Kwoze

IzEnzo 23:10

Kwathi sekuvele isiyaluyalu esikhulu, induna yenkulungwane yesaba ukuba uPawulu angadwengulwa yibo, yayala impi ukuba yehle imhlwithe phakathi kwabo, imyise ekamu.*

IzEnzo 19:32

Khona-ke abanye bamemeza okunye nabanye okunye; ngokuba ibandla layaluza nje, nabaningi babengazi ukuthi babuthanele indabani.

IzEnzo 23:16

Kepha indodana kadadewabo kaPawulu yezwa ngokumqamekela kwabo, yafika yangena ekamu,* yambikela uPawulu.

IzEnzo 22:24

induna yenkulungwane yayala ukuba angeniswe ekamu,* yathi akahlolwe ngenduku, ukuze iqonde ukuthi kungasiphi isici bememeza kanje ngaye.

IzEnzo 21:37

Esezakungeniswa ekamu* uPawulu wathi enduneni yenkulungwane: “Ngivunyelwe ukuba ngisho utho na?” Yona yathi: “Uyasazi isiGreki na?

IzEnzo 22:30

Kwathi ngangomuso ifuna ukwazi iqiniso lalokho amangalelwe ngakho ngabaJuda, yamkhulula, yayala ukuba abapristi abakhulu nomphakathi wonke ubuthane, yamehlisa uPawulu phambi kwabo.

IzEnzo 25:26

Anginanto eqinisekileyo ngaye engingayilobela inkosi; ngakho ngimlethile phambi kwenu, ikakhulu phambi kwakho, nkosi Agripha, ukuze kuthi sekuhloliwe, ngibe nakho engingakuloba.

IzEnzo 23:32

Kepha ngangomuso ashiya izinkweli ukuba zihambe naye; wona abuyela ekamu;*