Hagayi 1:2 - IBHAYIBHELI ELINGCWELE

² Usho kanje uJehova Sebawoti, uthi: “Laba bantu bathi: ‘Akukabi yisikhathi sokuza, isikhathi sokwakha indlu kaJehova.’ ”

IsiZulu 2020

² Usho kanje uSimakade Wamabandla, uthi: “Laba bantu bathi: ‘Asikafiki isikhathi sokuba kwakhiwe kabusha indlu kaSimakade.’ ”

Contemporary Zulu Bible 2024

² Usho kanje uJehova Sebawoti, uthi: “Laba bantu bathi: ‘Asikafiki isikhathi, isikhathi sokwakhiwa kwendlu kaJehova.

Hagayi 1:2 Referans Kwoze

U-Ezra 4:23

Lapho impinda yencwadi yenkosi u-Aritahishashita isifundiwe phambi kwawoRehumi noShimshayi umbhali nabangane babo, bashesha baya eJerusalema kubaJuda, babathiya ngezikhwepha nangamandla.

UNehemiya 4:10

UJuda wathi: “Amandla abathwalayo aphelile; amabibi maningi; asisenakuluvusa ugange.”

UmShumayeli 11:4

Oqaphela umoya akayikuhlwanyela; obheka amafu kayikuvuna.

UmShumayeli 9:10

Konke isandla sakho esikufumanayo ukukwenza, kwenze ngamandla akho, ngokuba akukho msebenzi, namcabango, nakwazi, nakuhlakanipha endaweni yabafileyo, lapho uya khona.

UNumeri 13:31

Kepha amadoda ayenyuke naye athi: “Asinakwenyuka, sihlasele labo bantu, ngokuba banamandla kunathi.”

IzAga 29:25

Ukwesaba abantu kubeka ugibe, kepha owethemba uJehova uyalondeka.

IzAga 22:13

Ivila lithi: “Kukhona ingonyama ngaphandle; ngiyakubulawa phandle esigcawini.”

Hagayi 1:1

Ngomnyaka wesibili kaDariyu inkosi ngenyanga yesithupha ngosuku lokuqala lwenyanga lafika izwi likaJehova ngesandla sikaHagayi umprofethi kuZerubabele indodana kaSheyalitiyeli, umbusi wakwaJuda, nakuJoshuwa indodana kaJehosadaki, umpristi omkhulu, ngokuthi:

Hagayi 1:3

Kwase kufika izwi likaJehova ngoHagayi umprofethi, lathi:

2 AmaKhosi 12:7

Inkosi uJehowashi yayisibiza uJehoyada umpristi nabanye abapristi, yathi kubo: “Anilungisi ngani izimfa zendlu na? Ngalokho ningabe nisathatha imali yabangane benu, kepha niyinikelele izimfa zendlu.”

UmShumayeli 3:3

isikhathi sokubulala nesikhathi sokuphilisa, isikhathi sokudiliza nesikhathi sokwakha;