AmaHubo 33:17 - IBHAYIBHELI ELINGCWELE

¹⁷ Ihhashi liyize ekusindiseni, alihlangulisi ngobukhulu bamandla alo.

IsiZulu 2020

¹⁷ Ihhashi lempi liyize ekunqobeni, alisindisi ngamandla alo amakhulu.

Contemporary Zulu Bible 2024

¹⁷ Ihhashi liyize ekuphepheni, futhi ngamandla alo amakhulu ngeke asindise muntu.

AmaHubo 33:17 Referans Kwoze

IzAga 21:31

Ihhashi lilungiselwa usuku lokulwa, kepha ukusindiswa kungokukaJehova.

AmaHubo 20:7

Abanye izinqola, abanye amahhashi, kepha thina sibonga igama likaJehova uNkulunkulu wethu.

AmaHubo 147:10

Akathokozi ngamandla ehhashi, akajabuleli imilenze yomuntu.

Hoseya 14:3

I-Asiriya aliyikusisindisa, asisayikukhwela amahhashi, singasasho kuyo imisebenzi yezandla zethu ukuthi ngonkulunkulu bethu, ngokuba intandane iphiwa umusa kuwe.”

U-Isaya 30:16

Kodwa nasho nathi: ‘Qha, siyakubaleka ngamahhashi,’ ngalokho niyakubaleka: ‘Sikhwele anejubane,’ ngalokho abanixoshayo bayakuba nejubane.

UmShumayeli 9:11

Ngabuye ngabona phansi kwelanga ukuthi ukujaha akuyi ngabanejubane, nokulwa ngamaqhawe, nesinkwa ngabahlakaniphileyo, nengcebo ngabaqondileyo, nomusa ngabanokwazi, ngokuba bonke bahlangabezana nesikhathi nethuba.

AbAhluleli 4:15

UJehova wamngquzula uSisera nazo zonke izinqola zakhe nempi yakhe yonke ngosiko lwenkemba phambi kukaBaraki; uSisera wehlika enqoleni yakhe, wabaleka ngezinyawo.

UDuteronomi 20:1

“Nxa uphuma impi ukuhlasela izitha zakho, bese wubona amahhashi, nezinqola, nabantu abaningi kunawe, ungabesabi, ngokuba uJehova uNkulunkulu wakho unawe, yena owakukhuphula ezweni laseGibithe.

AmaHubo 20:8

Bayathoba, bawe; kepha thina siyavuka, sime.

U-Isaya 31:1

Wo kubona abehlela eGibithe ukuba basizwe khona, bencike emahhashini, bethemba ezinqoleni, ngokuba ziningi, nakubo abamahhashi, ngokuba benamandla; kepha ababheki koNgcwele ka-Israyeli, noJehova abamfuni.