AmaHubo 1:2 - IBHAYIBHELI ELINGCWELE

² kepha okuthokoza kwakhe kusemthethweni kaJehova, ozindla ngomthetho wakhe imini nobusuku.

IsiZulu 2020

² kodwa othokoza ngoMthetho kaSimakade, azindle ngawo imini nobusuku.

Contemporary Zulu Bible 2024

² Kepha okuthokoza kwakhe kusemthethweni kaJehova; futhi uzindla ngomthetho wakhe imini nobusuku.

AmaHubo 1:2 Referans Kwoze

UJoshuwa 1:8

Le ncwadi yomthetho mayingasuki emlonyeni wakho, kepha wozindla ngayo imini nobusuku ukuba uqaphele ukwenza njengakho konke okulotshwe kuyo, ngokuba lapho uyakuhlahlamelisa indlela yakho, uphumelele kahle.

AmaHubo 119:92

Uma umthetho wakho ubungesiyo intokozo yami, ngabe ngibhubhele ekuhluphekeni kwami.

AmaHubo 119:11

Enhliziyweni yami ngiyalonda izwi lakho, ukuze ngingoni kuwe.

KwabaseRoma 7:22

ngokuba ngiwenamela umthetho kaNkulunkulu ngokomuntu ongaphakathi,

UJeremiya 15:16

Amazwi akho afunyanwa, ngawadla; amazwi akho aba ngukujabula kimi nokuthokoza kwenhliziyo yami, ngokuba ngibizwa ngegama lakho, Jehova Nkulunkulu Sebawoti.

AmaHubo 119:35

Ngihambise endleleni yemiyalo yakho, ngokuba ngiyathokoza ngayo.

AmaHubo 112:1

Haleluya! Ubusisiwe umuntu omesabayo uJehova, othokoza kakhulu ngemithetho yakhe.

AmaHubo 104:34

Ukuzindla kwami makube mnandi kuye; mina mangithokoze kuJehova.

AmaHubo 40:8

Ngiyathanda ukwenza intando yakho, Nkulunkulu wami, nomthetho wakho usenhliziyweni yami.”

AmaHubo 119:1

Babusisiwe abaqotho endleleni, abahamba ngemithetho kaJehova.

1 kaJohane 5:3

Ngokuba ukuthanda uNkulunkulu yilokhu ukuba sigcine imiyalo yakhe; nemiyalo yakhe ayinzima,

UJobe 23:12

Angichezukanga emyalweni wezindebe zakhe; ngizibekele amazwi akhe kunezimiso zami.

1 kuThimothewu 4:15

Nakekela lezo zinto, ume kuzo, ukuze ukuqhubeka kwakho kuqhame kubo bonke.

AmaHubo 119:72

Umthetho womlomo wakho muhle kunezinkulungwane zegolide nezesiliva.

NgokukaLuka 2:37

engumfelokazi waze waba neminyaka engamashumi ayisishiyagalombili nane, engasuki ethempelini, ekhonza ngokuzila nangokukhuleka ubusuku nemini.

2 kuThimothewu 1:3

Ngiyambonga uNkulunkulu engimkhonzayo kusukela kokhokho ngonembeza omhlophe, njengalokhu ngikukhumbula ngokungaphezi emikhulekweni yami ubusuku nemini,

1 kwabaseThesalonika 2:9

Ngokuba niyakhumbula, bazalwane, ukukhandleka nokushikashikeka kwethu; sisebenza ubusuku nemini, ukuze singasindi noyedwa kinina, sanishumayeza ivangeli likaNkulunkulu.

NgokukaLuka 18:7

UNkulunkulu kayikubezwela yini abakhethiweyo bakhe abakhala kuye imini nobusuku, ababekezelele, na?

AmaHubo 88:1

Jehova Nkulunkulu wensindiso yami, ngikhala imini nobusuku phambi kwakho.

UGenesise 24:63

U-Isaka waphuma ntambama ukuyozindla endle; waphakamisa amehlo akhe, wabona; bheka, kweza amakamela.

U-Ezra 7:10

ngokuba u-Ezra wayebhekise inhliziyo yakhe ukufuna umthetho kaJehova, nokwenza nokufundisa izimiso nezahlulelo kwa-Israyeli.