UNumeri 24:6 - IsiZulu 2020

⁶ Endlalekise okwemfunda, nanjengezivande eziseceleni komfula, njengenhlaba etshalwe nguSimakade, nanjengemisedari ngaseceleni kwamanzi.

IBHAYIBHELI ELINGCWELE

⁶ Elulekile njengezigodi, njengamasimu ngasemfuleni, njengemihlaba ayitshalile uJehova, njengemisedari* ngaseceleni kwamanzi.

Contemporary Zulu Bible 2024

⁶ Njengezigodi zendlalekile, njengezivande ngasemfuleni, njengezihlahla zenhlaba eyatshalwa nguJehova, nemisedari ngasemanzini.

UNumeri 24:6 Referans Kwoze

AmaHubo 1:3

Ufana nesihlahla esitshalwe ngasemifuleni yamanzi, esithela isithelo saso ngesikhathi esifaneleyo, esimaqabunga aso angabuni. Uyaphumelela kukho konke akwenzayo.

U-Isaya 58:11

USimakade uyokuhola njalo, anelise okuntulayo ezindaweni ezomileyo, aqinise amathambo akho. Uyakuba njengensimu eniselweyo nanjengomthombo wamanzi, omanzi awo engashi.

AmaHubo 104:16

Imithi kaSimakade iyasuthisa, imisedari eLebhanoni ayitshalileyo,

UJoweli 3:18

“Kuyothi ngalolo lusuku izintaba ziconse iwayini elimnandi, amagquma agobhoze ubisi, imihosha yonke yakwaJuda igeleze amanzi. Kuyakuqhuma umthombo endlini kaSimakade oyakunisela isigodi iShithimi.

UHezekeli 47:12

Ngasosebeni lomfula ngapha nangapha, kuyakumila zonke izinhlobo zemithi ethela izithelo, amaqabunga ayo awayukubuna, nezithelo zayo aziyukuphela; iyakuthela zinyanga zonke, ngokuba amanzi asuka endlini engcwele agelezela kuzo; izithelo zayo ziyakuba ngukudla, kuthi amaqabunga ayo abe ngawokuphilisa.”

UJeremiya 31:12

Bayakufika behlabelela ngokujabula, esicongweni seZiyoni bayakuthakasa ngenxa yokuhle abazokuphiwa nguSimakade; okusanhlamvu, iwayini, amafutha, amazinyane ezimvu namankonyane ezinkomo; umphefumulo wabo uyakuba njengensimu eniseliweyo, bangabe besaba nosizi nanini.

UJeremiya 17:18

Mabajabhiswe abangizingelayo, kodwa mina mangingadunyazwa; behlisele ngosuku lwenhlekelele, ubabhubhise ngokubhubha okuphindiweyo.

U-Isaya 41:19

Ngiyakutshala umsedari ehlane, umtholo, umbomvana, nomnqumo, ngibeke kwahlongasibi umsayiphuresi, umthidari nomkhoba kanyekanye,

IsiHlabelelo seziHlabelelo 6:11

Ngehlele esivandeni samantongomane ukuyobona izithelo eziluhlaza esihosheni, nokubona ukuthi ngabe umvini usuqhakazile namahananadi asekhahlele.

AmaHubo 45:8

Zonke izingubo zakho ziqholwe ngemure nenhlaba nekhasiya. Imiqangala evela ezigodlweni zophondo lwendlovu iyakwethabisa.

UGenesise 13:10

ULothi wabheka, walibona lonke ithafa eliseJordani kuze kube seZowari ukuthi lalivunde njengensimu kaSimakade, nanjengeGibhithe. Lokho kwenzeka uSimakade engakalibhubhisi iSodoma neGomora.

UNumeri 24:5

“Mahle kangakanani amathende akho Jakobe, namadlangala akho, Israyeli!