UMikha 1:6 - IsiZulu 2020

⁶ Ngiyakwenza iSamariya libe yindunduma yemvithi yasendle, libe yindawo yokutshala imivini. Ngithululele amatshe alo esigodini, ngivumbulule izisekelo zalo.

IBHAYIBHELI ELINGCWELE

⁶ “Ngiyakwenza iSamariya libe yizihlephu zasendle nendawo yokutshala izivini, ngiqulele amatshe alo esigodini, ngambule isisekelo salo.

Contemporary Zulu Bible 2024

⁶ Ngalokho ngiyakwenza iSamariya libe yinqwaba yensimu nanjengezitshalo zesivini; ngiyakuphonsa amatshe alo esigodini, ngembule izisekelo zalo.

UMikha 1:6 Referans Kwoze

UHezekeli 13:14

Ngiyakulubhidliza ugange enalugudula ngomcako, ngiluthele othulini, kwambuleke nesisekelo salo. Luyakuwa, nina enikulo niqedwe nya, niyakukwazi ukuthi Mina nginguSimakade.

UMikha 3:12

Ngakho-ke ngenxa yenu iZiyoni liyakulinywa libe yinsimu, neJerusalema libe yindunduma yencithakalo, intaba yendlu ibe yizindawo eziphakemeyo zamahlathi.

IsiLilo 4:1

Hawu, laze lafiphala igolide, igolide elihle seligqwalile! Amatshe endlu engcwele, asesakazeke kuwo wonke amakhona emigwaqo.

2 AmaKhosi 19:25

“ ‘Awuzwanga yini kwakudala ukuthi ngakuhlela kwasemandulo na? Ngakunquma; manje sengikufikisile ukuba ubhubhise imizi ebiyelweyo, ibe yizinqwaba.

Mathewu 24:2

Waphendula wathi kubo: “Anikuboni yini konke lokhu na? Ngiqinisile ngithi kini: akuyukushiywa lapha itshe phezu kwelinye elingayikudilizelwa phansi.”

UHabakuki 3:13

Uphumele ukusindiswa kwabantu bakho, ukusindiswa kogcotshiweyo wakho; uphohloza umholi endlini yababi, umhlubule kusukela phansi kuze kube sentanyeni. Sela

U-Amose 5:11

“Ngakho-ke ngenxa yokuthi nicindezela abampofu, nithathe kubo ngenkani okusanhlamvu, noma ningakha izindlu ngamatshe abaziweyo, kodwa aniyukuhlala kuzo, noma ningatshala izivini ezinhle, kepha aniyukuliphuza iwayini lazo.

Hoseya 13:16

ISamariya liyakuba necala, ngokuba limhlubukile uNkulunkulu walo; bayakufa ngenkemba, izingane zabo ziphahlazwe, abakhulelweyo baqaqwe.”

UJeremiya 51:37

IBhabhele liyakuba yizindunduma zamatshe, indawo ehlala amakhanka; incithakalo nento enximfelwayo, kungabi bikho ohlala khona.

UJeremiya 51:25

“Bheka, ngimelene nawe ntaba ebhubhisayo,” kusho uSimakade, “wena obhubhisa umhlaba wonke; ngiyakwelula isandla sami ngikushaye, ngikugingqagingqe emadwaleni, ngikuphendule intaba eshisiweyo.

UJeremiya 9:11

“Ngizakulenza iJerusalema libe yindunduma yamatshe, nendawo yamakhanka; imizi yakwaJuda ngiyenze ibe yincithakalo, kungahlali muntu kuyo.”

U-Isaya 25:12

Izinqaba eziphakemeyo ezingangeni zakhe ziyobhidlizwa, ziyakuwiselwa phansi zidicilelwe emhlabathini, ngisho othulini imbala.

U-Isaya 25:2

Ngokuba umuzi uwuphendule imvithi, umuzi obiyelweyo waba yincithakalo; umuzi wabafokazi awuseyiwo umuzi, awusoze wakhiwa kabusha nanini.

2 Samuweli 17:13

Uma ebalekela emzini, wonke u-Israyeli uyakuphonsa izintambo kulowo muzi, siwuhudulele emfuleni, kungabe kusafunyanwa khona netshe nje elilodwa.”

U-Isaya 17:1

Isiphrofetho ngeDamaseku. “Yazini ukuthi iDamaseku liyoshatshalaliswa, lingabe lisaba ngumuzi, libe yinxiwa nencithakalo.

UJeremiya 31:5

Uyobuye utshale izivini ezintabeni eSamariya; abatshali bayozitshala, babuye badle izithelo zazo.

2 AmaKhosi 18:9

Kwathi ngonyaka wesine, uHezekiya, inkosi ebusa kwaJuda, okwakungunyaka wesikhombisa wokubusa kukaHosheya, indodana ka-Ela, inkosi yakwa-Israyeli, uShalimaneseri, inkosi yase-Asiriya wakhuphuka, walivimbezela iSamariya.

2 AmaKhosi 18:10

Ngasekupheleni kweminyaka emithathu walinqoba iSamariya; kwakungunyaka wesithupha uHezekiya ebusa kwaJuda, kungunyaka wesishiyagalolunye uHosheya ebusa kwa-Israyeli.

U-Amose 6:8

INkosi uSimakade izifungile, kusho uSimakade uNkulunkulu Wamabandla, uthi: “Ngiyakwenyanya ukuzigqaja kukaJakobe, ngiyazizonda izigodlo zakhe; ngiyakuwukhaphela umuzi nokukuwo.”