ULevitikusi 24:11 - IsiZulu 2020

¹¹ Yahlambalaza igama likaSimakade, yaliqalekisa; yalethwa kuMose. Unina waleyo ndodana kwakunguShelomithi, indodakazi kaDibhiri, wesizwana sakwaDani.

IBHAYIBHELI ELINGCWELE

¹¹ indodana yowesifazane wakwa-Israyeli yahlambalaza iGama, yathuka; yalethwa kuMose. Igama likanina lalinguShelomiti indodakazi kaDibiri, owesizwe sakwaDani.

Contemporary Zulu Bible 2024

¹¹ Indodana yowesifazane wakwa-Israyeli yahlambalaza, yathuka iGama leNkosi. Bamyisa kuMose; igama likanina lalinguShelomoti, indodakazi kaDibri, wesizwe sakwaDani.

ULevitikusi 24:11 Referans Kwoze

U-Isaya 8:21

Bayodabula ezweni bexakekile, futhi belambile. Ekulambeni kwabo bayovutha bhe ulaka, bayethuke inkosi yabo noNkulunkulu wabo, baphenduke babheke phezulu.

UJobe 2:5

Ake welule isandla sakho uthinte amathambo akhe nenyama yakhe, uzobona uyakukuthuka bukhoma.”

UEksodusi 20:7

Ungaliphathi ngeze igama likaSimakade uNkulunkulu wakho, ngokuba uSimakade akayukumyeka angamjezisi oliphatha ngeze igama lakhe.

UEksodusi 18:26

Zehlulela abantu ngezikhathi zonke. Amacala anzima zaziwedlulisela kuMose. Zonke izindaba ezilula zehlulelwa yizo.

UEksodusi 18:22

Makube yibona abehlulela abantu ngezikhathi zonke; balethe kuwe zonke izindaba ezinkulu, kodwa amacala amancane mawanqunywe yibo, ukuze bawenze ube lula umthwalo wakho, bathwalisane nawe.

UEksodusi 3:15

UNkulunkulu wabuye wathi kuMose: “Uyakusho kubantu bakwa-Israyeli uthi: ‘USimakade uNkulunkulu woyihlo, uNkulunkulu ka-Abhrahama, uNkulunkulu ka-Isaka, noNkulunkulu kaJakobe ungithumile kini.’ Leli yigama lami kuze kube phakade, engiyakukhunjulwa ngalo ezizukulwaneni ngezizukulwane.

IsAmbulo 16:21

Abantu bahlaselwa yisichotho esikhulu esasisinda ngangethalenta, sivela ezulwini. Abantu bahlambalaza uNkulunkulu ngenxa yenhlupheko yesichotho, ngokuba yayinkulu kakhulu.

IsAmbulo 16:11

Kepha bahlambalaza uNkulunkulu wezulu ngenxa yobuhlungu nezilonda zabo, kodwa abaphendukanga emisebenzini yabo.

1 kuThimothewu 1:13

nakuba ngangikade ngingohlambalazayo, nozingela amakholwa, nohluphayo. Kepha ngahawukelwa, ngokuba ngangikwenza ngokungazi nangokungakholwa.

KwabaseRoma 2:24

Ngokuba igama likaNkulunkulu liyahlanjalazwa phakathi kwabezizwe ngenxa yenu, njengokuba kulotshiwe.

Mathewu 26:65

Umphristi omkhulu waklebhula izingubo zakhe, wathi: “Usehlambalazile; sisabadingelani ofakazi na? Nani senizizwele ngezindlebe zenu ehlambalaza.

AmaHubo 74:22

Vuka, Nkulunkulu, uyimele indaba yakho, khumbula ukuthi uklolodelwa yiziwula usuku lonke.

AmaHubo 74:18

Simakade, khumbula lokhu, isitha sisethukile, nesizwe esinobuwula silihlambalazile igama lakho.

UJobe 1:22

Sekwenzekile konke lokhu uJobe akazange one, akamthelanga ngehlazo uNkulunkulu.

UJobe 1:11

Kepha-ke ake welule isandla sakho uthinte konke anakho, ubone ukuthi akazukukuqalekisa yini, ebusweni bakho.”

UJobe 1:5

Kwakuthi lapho sezedlule izinsuku zedili, uJobe athumele awangcwelise. Wayevuka ekuseni, anikele ngeminikelo yokushiswa ngokwenani lawo, ethi: “Hleze izingane zami zonile, zamqalekisa uNkulunkulu ezinhliziyweni zazo.” Wenza kanjalo uJobe zonke izinsuku.

2 AmaKhosi 19:22

Weyise bani, wathuka bani na? Uliphakamisele bani izwi, uwabhekisele bani amehlo akho phezulu na? Ongcwele ka-Israyeli!

2 AmaKhosi 19:10

‘Niyokuthi kuHezekiya, inkosi yakwaJuda: “Ungavumi uNkulunkulu wakho omethembayo akukhohlise ngokuthi iJerusalema aliyukunikelwa esandleni senkosi yase-Asiriya.”

2 AmaKhosi 19:6

U-Izaya wathi kuzo: “Niyakusho kanje enkosini yenu, nithi: ‘Usho kanje uSimakade, uthi: “Ungawesabi amazwi owezwileyo, izinceku zenkosi yase-Asiriya ezingithuke ngawo.

2 AmaKhosi 18:37

U-Eliyakimi, indodana kaHilikiya owayengamele isigodlo, uShebhina, umbhali, noJowa, indodana ka-Asafa, umqophi, babuyela kuHezekiya izingubo zabo beziklebhulile, bamlandisa amazwi ayekhulunywe nguRabi Shake.

2 AmaKhosi 18:35

Ngobani phakathi konkulunkulu bamazwe abake bophula izwe labo esandleni sami, ukuba nicabange ukuthi uSimakade angalophula iJerusalema esandleni sami na?”

2 AmaKhosi 18:30

futhi uHezekiya makanganenzi nethembe uSimakade, nithi: “USimakade uyakusophula nokusophula, nalo muzi awuyukunikelwa esandleni senkosi yase-Asiriya.” ’

1 AmaKhosi 21:13

Amadoda amabili, abantu ababi, angena, ahlala phambi kwakhe; afakaza ngaye lawo madoda amabi, athi: “UNabothi uthukile uNkulunkulu nenkosi.” Base bemkhiphela ngaphandle komuzi, bamkhanda ngamatshe, wafa.

1 AmaKhosi 21:10

nibeke amadoda amabili, abantu ababi, phambi kwakhe, afakaze ngaye ngokuthi: ‘Uthukile uNkulunkulu nenkosi,’ bese nimkhiphela phandle, nimkhande ngamatshe, afe.”

2 Samuweli 12:14

Noma kunjalo-ke, ngenxa yaleso senzo wenze ukuba izitha zikaSimakade zimhlambalaze, ngakho umntwana ozozalwa uzokufa.”

UEksodusi 22:28

“Awunakumthuka uNkulunkulu, noma uqalekise umholi wabantu bakini.

ULevitikusi 24:10

Indodana yowesifazane wakwa-Israyeli noyise ongowaseGibhithe yaphuma yaya phakathi kwabakwa-Israyeli. Indodana yowesifazane wakwa-Israyeli yaxabana nomuntu wakwa-Israyeli enkanjini.