ULevitikusi 19:26 - IsiZulu 2020

²⁶ “ ‘Aniyukudla lutho olunegazi, aniyukwenza imilingo, noma nihumushe izimpawu.

IBHAYIBHELI ELINGCWELE

²⁶ “ ‘Aniyikudla lutho olunegazi, ningenzi imilingo, ningahloli imihlola.

Contemporary Zulu Bible 2024

²⁶ Ningadli igazi;

ULevitikusi 19:26 Referans Kwoze

2 AmaKhosi 17:17

Badabulisa amadodana namadodakazi abo emlilweni, babhula, benza imilingo, bazithengisela ukwenza okubi emehlweni kaSimakade, ukuchukuluza ulaka lwakhe.

2 iziKronike 33:6

Wawadabulisa amadodana akhe emlilweni esigodini sendodana kaHinomu, wahlola imihlola, wenza imilingo, wenza amalumbo wabuye wavumela abanamadlozi nabathakathi, wenza nokunye okubi okuningi phambi kukaSimakade, waze wachukuluza ulaka lukaSimakade.

2 AmaKhosi 21:6

Wadabulisa indodana yakhe emlilweni, wahlola imihlola, wabhula, wavumela abanamadlozi nabathakathi. Wenza okubi okuningi phambi kukaSimakade, wachukuluza ulaka lwakhe.

UDuteronomi 12:23

Qaphelani kuphela ukuba ningalidli igazi, ngokuba igazi lingumphefumulo. Aniyukuwudla umphefumulo kanye nenyama.

ULevitikusi 7:26

Aniyukulidla igazi, noma ngelenyoni noma ngelenkomo kunoma yiyiphi yezindlu zenu.

ULevitikusi 3:17

“ ‘Lokhu kuyakuba yisimiso esiphakade ezizukulwaneni zenu ezindaweni enihlala kuzo sokuthi aniyukuwadla amanoni negazi.’ ”

UJeremiya 10:2

Usho kanje uSimakade, uthi: “Ningayifundi indlela yabezizwe, ningashaywa wuvalo ngezibonakaliso esibhakabhakeni, ngokuba abezizwe bayazesaba.

UMalaki 3:5

“Ngiyakusondela kini ukuzokwehlulela. Ngiyakushesha ngifakaze ngimelane nabalumbi, iziphingi, abafunga amanga, nababamba umholo womqashwa ngokungafanele, bacindezele abafelokazi nezintandane, babaphathe kabi abafokazi, futhi nami bangangesabi,” kusho uSimakade Wamabandla.

UDaniyeli 2:10

AmaKhaledi aphendula phambi kwenkosi, athi: “Akukho muntu emhlabeni ongaboniswa indaba yenkosi, ngokuba akukho nkosi, nanduna, nambusi owake wabuza indaba enjalo nakwesisodwa isanusi, nothwebulayo, namaKhaledi.

1 Samuweli 15:23

Ngokuba ukwambuka kunjengesono sokubhula, nenkani ifana nobubi nokukhonza izithombe. Ngokuba ulilahlile izwi likaSimakade, naye ukulahlile, awusezukuba yinkosi.”

UEksodusi 8:7

Kepha nosomlingo benza kanjalo ngemilingo yabo, bakhuphulela amasele eGibhithe.

UEksodusi 7:11

UFaro wayesebiza amadoda ahlakaniphileyo, abalumbi, nosomlingo baseGibhithe, nabo benza okufanayo ngemilingo yabo.

IzEnzo 15:20

Kepha masibalobele ukuba bayeke amanyala ezithombe, nawobufebe, nawokudla inyama yesilwane esiklinyiwe, nokusenegazi.

UGenesise 9:4

Kepha ningalokothi nidle inyama enegazi, ngokuba umphefumulo usegazini layo.

UGenesise 44:5

Akusiyo yini le indebe yenkosi yami ephuza ngayo, ibuye ibhule ngayo na? Enikwenzileyo kubi kakhulu.’ ”

ULevitikusi 19:25

Ngonyaka wesihlanu niyokudla izithelo zayo, ukuze ithele kakhulu; nginguSimakade uNkulunkulu wenu.

UDuteronomi 12:16

Igazi kuphela eningayikulidla, kodwa niyakulichitha emhlabathini njengamanzi.

UDuteronomi 15:23

Igazi lalo kuphela ongeyukulidla; uyolithela emhlabathini njengamanzi.”

1 Samuweli 14:32

Bayithelekela impango: bathatha izimvu, izinkabi namankonyane, bakuhlaba, bakudla kusenegazi.

1 Samuweli 14:33

Abanye base bembikela uSawule, bathi: “Uyabona-ke, abantu sebonile kuSimakade badla okunegazi.” Wathi uSawule: “Nenze kabi, ngakho-ke namuhla gingqelani kimi itshe elikhulu.”