UJeremiya 36:21 - IsiZulu 2020

²¹ Inkosi yayisimthuma uJehudi ukuba awulande umqulu; wawulanda ekamelweni lika-Elishama, umbhali. UJehudi wawufunda, inkosi nazo zonke izikhulu ezazimi ngasenkosini zilalele.

IBHAYIBHELI ELINGCWELE

²¹ Inkosi yayisimthuma uJehudi ukuba awulande umqulu; wawukhipha ekamelweni lika-Elishama umbhali. UJehudi wawufunda ezindlebeni zenkosi nasezindlebeni zazo zonke izikhulu ezazimi ngasenkosini.

Contemporary Zulu Bible 2024

²¹ Inkosi yayisithuma uJehudi ukuba awuthathe umqulu, wawuthatha ekamelweni lika-Elishama umbhali. UJehudi wayifunda ezindlebeni zenkosi nasezindlebeni zazo zonke izikhulu ezazimi eceleni kwenkosi.

UJeremiya 36:21 Referans Kwoze

2 AmaKhosi 22:10

UShafani, umbhali, wabika enkosini, ukuthi: “UHilikiya, umphristi, unginike incwadi.” UShafani wayeseyifunda phambi kwenkosi.

2 iziKronike 34:18

UShafani, umbhali, wayibikela inkosi, wathi: “UHilikiya, umphristi, unginike incwadi.” UShafani wayeseyifundela inkosi.

UJeremiya 36:15

Zathi kuye: “Ake uhlale phansi, usifundele wona, silalele.” UBharukhi wayesezifundela wona zilalele.

UJeremiya 26:2

“Usho kanje uSimakade, uthi: yima egcekeni lendlu kaSimakade, ukhulume kuyo yonke imizi yakwaJuda eza izokhuleka endlini kaSimakade, wonke amazwi engikuyale ukuba uwakhulume kubo, ungagodli nalinye izwi.

UJeremiya 23:28

Umphrofethi onephupho makalande ngalo iphupho, kepha onezwi lami makalikhulume izwi lami ngeqiniso. Amakhoba ayini kukusanhlamvu na?” kusho uSimakade.

UJeremiya 36:14

Zonke izikhulu zathuma uJehudi, indodana kaNethaniya kaShelemiya kaKhushi kuBharukhi, zathi: “Umqulu owufundele abantu belalele wuthathe ngesandla sakho, uze nawo.” UBharukhi, indodana kaNeriya, wawuthatha umqulu ngesandla sakhe, waya kuzo.