UJeremiya 27:14 - IsiZulu 2020

¹⁴ Ningawalaleli amazwi abaphrofethi abakhuluma kini, bethi: ‘Aniyukuyikhonza inkosi yaseBhabhele,’ ngoba baphrofetha amanga kini.

IBHAYIBHELI ELINGCWELE

¹⁴ Ningawalaleli amazwi abaprofethi ababesho kini ukuthi: ‘Aniyikuyikhonza inkosi yaseBabele,’ ngokuba baprofetha amanga kini.

Contemporary Zulu Bible 2024

¹⁴ Ngakho lingawalaleli amazwi abaprofethi abakhuluma kini besithi: Kaliyikukhonza inkosi yeBhabhiloni, ngoba baprofetha amanga kini.

UJeremiya 27:14 Referans Kwoze

UJeremiya 14:14

USimakade wayesethi kimi: “Abaphrofethi baphrofetha amanga egameni lami. Angibathumanga, angibamisanga futhi angikhulumanga kubo. Baphrofetha kini imibono engamanga, nokubhula, nokuyize, nenkohliso yezingqondo zabo.

UJeremiya 23:21

Mina angibathumanga abaphrofethi, nokho bagijima; angikhulumanga kubo, kodwa baphrofetha.

1 kaJohane 4:1

Bathandekayo, ningakholwa yibo bonke omoya, kodwa bahloleni omoya ukuthi ngabe bangabakaNkulunkulu yini. Ngokuba baningi abaphrofethi bamanga abaphumele ezweni.

KwabaseFilipi 3:2

Xwayani izinja, nixwaye izisebenzi ezimbi, nixwaye nabazisika imizimba.

Mathewu 7:15

“Xwayani abaphrofethi bamanga abeza kini bembathise okwezimvu, kepha ngaphakathi beyizimpisi eziphangayo.

UMikha 2:11

Ukuba bekukhona ohamba ekhuluma udwadwa namanga, aqambe amanga athi: ‘Ngiyakuniphrofethela ngewayini nangophuzo olunamandla, ubeyakuba ngumphrofethi walaba bantu.’ ”

UJeremiya 28:15

Umphrofethi uJeremiya wayesethi kuHananiya, umphrofethi: “Ake ulalele, Hananiya, uSimakade akakuthumanga, kodwa wena usuwenze laba bantu bethembela emangeni.

UJeremiya 23:25

“Ngizwile ukuthi bathini abaphrofethi abaphrofetha amanga egameni lami, bethi: ‘Ngiphuphile, ngiphuphile.’

UJeremiya 37:19

Baphi manje abaphrofethi benu ababephrofetha, bethi: ‘Inkosi yaseBhabhele ayizukukuhlasela wena naleli lizwe na?’

UJeremiya 38:22

bheka, bonke abesifazane abasele esigodlweni senkosi yakwaJuda bayakukhishelwa ezikhulwini zenkosi yaseBhabhele. Uyabona-ke, bayakuthi: “ ‘Abahlobo bakho bakwedukisile, bakwehlula; kodwa lapho izinyawo zakho sezibishe exhaphozini, babuyela emuva.’

IsiLilo 2:14

Abaphrofethi bakho bakutshele imibono engamanga newubuwula, abakuvezanga obala ukuphambuka kwakho ukuze uphenduke, ungayi ekuthunjweni. Bakutshele imibono engamanga neyinkohliso.

UZakariya 10:2

Ngokuba amatherafi akhulume inkohliso, ababhuli babona imibono eyedukisayo, bakhuluma ngamaphupho angamanga, baduduza ngokuyize. Ngakho-ke bazulazula njengezimvu, bayahlupheka, ngokuba bengenamelusi.