UJeremiya 27:10 - IsiZulu 2020

¹⁰ ngokuba baphrofetha kini amanga, ukuze nisuswe ezweni lakini, niyiswe kude; ngiyakunixosha, niphele nya.

IBHAYIBHELI ELINGCWELE

¹⁰ ngokuba baprofetha amanga kini ukuba nisuswe kude nezwe lakini, nginixoshe, niphele.

Contemporary Zulu Bible 2024

¹⁰ Ngokuba baprofetha amanga kini ukuba nikude nezwe lakini; nokuthi bengiyakunixosha, nibhubhe.

UJeremiya 27:10 Referans Kwoze

UJeremiya 32:31

Lo muzi uvuse intukuthelo yami nolaka lwami, kusukela osukwini abawakha ngalo kuze kube namuhla, yingakho ngizowususa nje phambi kwami,

IsiLilo 2:14

Abaphrofethi bakho bakutshele imibono engamanga newubuwula, abakuvezanga obala ukuphambuka kwakho ukuze uphenduke, ungayi ekuthunjweni. Bakutshele imibono engamanga neyinkohliso.

UJeremiya 28:16

Ngakho-ke usho kanje uSimakade, uthi: ‘Uyabona-ke, ngiyakukuxosha ebusweni bomhlaba, futhi uzakufa kuwo lo nyaka ngokuba ukhulume ngokuthi abantu bahlubuke kuSimakade.’ ”

UJeremiya 27:14

Ningawalaleli amazwi abaphrofethi abakhuluma kini, bethi: ‘Aniyukuyikhonza inkosi yaseBhabhele,’ ngoba baphrofetha amanga kini.

UJeremiya 23:25

“Ngizwile ukuthi bathini abaphrofethi abaphrofetha amanga egameni lami, bethi: ‘Ngiphuphile, ngiphuphile.’

UEksodusi 22:18

“Awuyukumvumela umlumbikazi aphile.

UDuteronomi 18:10

Makungafunyanwa muntu phakathi kwenu onikela ngendodana yakhe noma ngendodakazi yakhe ngokuyidabulisa emlilweni, noma umbhuli, ohlola imihlola, owenza imilingo, noma umlumbi,

UJeremiya 8:19

Kuyezwakala izwi lokukhala kwendodakazi yabantu bami, livela ezweni elikude, lithi: “USimakade akekho yini eZiyoni na? Inkosi yalo ayikho yini kulo na?” “Bangichukuluzeleni ngezithombe zabo ezibaziweyo, nangokuyize kwabezizwe na?”

UJeremiya 14:14

USimakade wayesethi kimi: “Abaphrofethi baphrofetha amanga egameni lami. Angibathumanga, angibamisanga futhi angikhulumanga kubo. Baphrofetha kini imibono engamanga, nokubhula, nokuyize, nenkohliso yezingqondo zabo.

UJeremiya 23:16

Usho kanje uSimakade Wamabandla, uthi: “Ningawalaleli amazwi abaphrofethi abaphrofetha kini; bayanikhohlisa, bakhuluma umbono wenhliziyo yabo, hhayi okuphuma emlonyeni kaSimakade.

UJeremiya 27:15

‘Angibathumanga. Baphrofetha amanga egameni lami,’ kusho uSimakade. ‘Ngakho-ke ngizonixosha, niphele nya, nina nabaphrofethi abaphrofetha kini.’ ”

UJeremiya 27:16

Ngase ngikhuluma kubaphristi nakubo bonke abantu ngithi usho kanje uSimakade, uthi: “Ningawalaleli amazwi abaphrofethi benu abaphrofetha kini, bethi: ‘Bhekani, izitsha zendlu kaSimakade ziyakubuyiswa eBhabhele masinyane.’ Ngokuba baphrofetha amanga kini.

UJeremiya 28:11

UHananiya wakhuluma phambi kwabo bonke abantu, wathi: “Usho kanje uSimakade, uthi: ‘Ngizolephula kanjalo-ke ijoka likaNebukhadinezari, inkosi yaseBhabhele, entanyeni yezizwe zonke, ingakapheli iminyaka emibili.’ ” Kepha umphrofethi uJeremiya wabamba eyakhe indlela.

UDaniyeli 4:7

Kwase kufika izanusi, abathwebulayo, amaKhaledi, nabahlola imihlola, ngabatshela iphupho, kodwa bahluleka ukungichazela lona.

UMalaki 3:5

“Ngiyakusondela kini ukuzokwehlulela. Ngiyakushesha ngifakaze ngimelane nabalumbi, iziphingi, abafunga amanga, nababamba umholo womqashwa ngokungafanele, bacindezele abafelokazi nezintandane, babaphathe kabi abafokazi, futhi nami bangangesabi,” kusho uSimakade Wamabandla.

UZakariya 10:2

Ngokuba amatherafi akhulume inkohliso, ababhuli babona imibono eyedukisayo, bakhuluma ngamaphupho angamanga, baduduza ngokuyize. Ngakho-ke bazulazula njengezimvu, bayahlupheka, ngokuba bengenamelusi.