UJeremiya 24:5 - IsiZulu 2020

⁵ “Usho kanje uSimakade uNkulunkulu ka-Israyeli, uthi: ‘Njengalawa makhiwane amahle ngiyakubabheka kanjalo abathunjwa bakwaJuda, engibasusile kule ndawo, baya ezweni lamaKhaledi.

IBHAYIBHELI ELINGCWELE

⁵ “Usho kanje uJehova uNkulunkulu ka-Israyeli, uthi: ‘Njengalawa makhiwane amahle ngiyakubheka kanjalo abathunjiweyo bakwaJuda, engibamukisile kule ndawo baya ezweni lamaKaledi, kube kuhle.

Contemporary Zulu Bible 2024

⁵ Usho kanje uJehova, uNkulunkulu ka-Israyeli; Njengalawa makhiwane amahle, kanjalo ngiyakubabona abathunjwa bakwaJuda, engabasusa kule ndawo, babayisa ezweni lamaKaledi, kube kuhle kubo.

UJeremiya 24:5 Referans Kwoze

UZakariya 13:9

Ngiyakufaka ingxenye yesithathu emlilweni, ngibacwengisise njengokucwengisiswa kwesiliva, ngibavivinye njengokuvivinywa kwegolide. Bayakubiza igama lami, ngiyakubaphendula, ngithi: ‘Bangabantu bami!’ Bona bayakuthi: ‘USimakade unguNkulunkulu wami.’ ”

UNahume 1:7

USimakade muhle, uyinqaba ngosuku lwenhlupheko, uyabazi labo abaphephela kuye.

IsAmbulo 3:19

“ ‘Bonke engibathandayo ngiyabasola, ngibayale. Ngakho-ke yiba ngoshisayo, uphenduke.

2 kuThimothewu 2:19

Nokho isisekelo esiqinileyo sikaNkulunkulu simi siqinile, sinalolu phawu oluthi: “INkosi iyabazi abangabayo,” nokuthi: “Yilowo nalowo ophatha igama likaKhristu makadede kukho ukungalungi.”

KwabaseGalathiya 4:9

Lokhu manje seniyamazi uNkulunkulu noma seniyaziwa nguNkulunkulu, kungani pho seniphindela ezintweni ezingelutho, senifuna futhi ukuba yizigqila zazo na?

1 kwabaseKorinte 8:3

Kepha uma umuntu ethanda uNkulunkulu, lowo-ke uyaziwa nguye.

KwabaseRoma 8:28

Siyazi ukuthi kwabamthandayo uNkulunkulu, konke kusebenzelana kube ngokuhle, kulabo ababiziweyo ngokwecebo lakhe.

Johane 10:27

Izimvu zami ziyalizwa iphimbo lami; ngiyazazi, ziyangilandela.

Mathewu 25:12

“Kepha umyeni waphendula, wathi: ‘Ngiqinisile ngithi kini, anginazi.’

AmaHubo 119:71

Kwaba kuhle kimi ukuba ngihlushwe, ukuze ngifunde izimiso zakho.

AmaHubo 119:67

Ngingakahlupheki ngaduka, kepha manje sengiyaligcina izwi lakho.

UDuteronomi 8:16

Wakupha imana ehlane, okhokho bakho ababengayazi, ukuze akuthobise, akuvivinye, kuthi ekugcineni akwenzele okuhle.

UJeremiya 24:4

Izwi likaSimakade lafika kimi, lathi:

UJeremiya 29:4

Usho kanje uSimakade Wamabandla, uNkulunkulu ka-Israyeli, kubo bonke abathunjwa engabathumela ekuthunjweni eBhabhele besuka eJerusalema, uthi:

UJeremiya 29:20

Kepha manje yizwani izwi likaSimakade, nina nonke bathunjwa, enganithumela eBhabhele nisuka eJerusalema.

UHezekeli 11:17

“Ngakho-ke wothi: ‘Isho kanje iNkosi uSimakade, ithi: “Ngiyakuniqoqa ezizweni, nginiqoqe emazweni enihlakazelwe kuwo, futhi ngininike izwe lakwa-Israyeli.” ’ ”

ULevitikusi 26:44

Kepha nalapho besesezweni lezitha zabo angiyukubalahla, angiyukunengwa yibo ukuba ngingaze ngibaqothule, ngephule isivumelwano sami nabo, ngokuba nginguSimakade uNkulunkulu wabo.

UJeremiya 29:11

Ngokuba Mina ngiyawazi amacebo enginawo ngani,” kusho uSimakade, “amacebo okuba nibe nenhlalakahle, hhayi awokunilimaza, awokuninika ikusasa nethemba.

UHezekeli 11:20

ukuze bahambe ngokwezimiso zami, bagcine izehlulelo zami, bazenze. Bayakuba ngabantu bami, Mina ngibe nguNkulunkulu wabo.