UJeremiya 23:36 - IsiZulu 2020

³⁶ Kepha maningaqhubeki, nithi: ‘Umthwalo kaSimakade,’ ngokuba oyoqhubeka asho njalo, umthwalo kuyoba ngowakhe, ngoba uyobe ephendulele amazwi kaNkulunkulu ophilayo, uSimakade Wamabandla, uNkulunkulu wethu.

IBHAYIBHELI ELINGCWELE

³⁶ Indaba kaJehova anisayikuyikhumbula, ngokuba izwi lalowo nalowo muntu liyakuba yindaba yakhe, lokhu niwahlanekezele amazwi kaNkulunkulu ophilayo, uJehova Sebawoti, uNkulunkulu wethu.

Contemporary Zulu Bible 2024

³⁶ Ningabe nisakhuluma ngomthwalo kaJehova, ngokuba izwi lawo wonke umuntu liyakuba ngumthwalo wakhe; ngoba niwahlanekezele amazwi kaNkulunkulu ophilayo, kaJehova Sebawoti, uNkulunkulu wethu.

UJeremiya 23:36 Referans Kwoze

2 kaPetru 3:16

Kanjalo futhi nasezincwadini zakhe zonke uyakhuluma ngalezi zinto, okukho nakuzo okunzima ukuba kuqondakale, okuthe abangenalwazi nabantekenteke bakuhlanekezela, njengalokhu benze kanjalo nangezinye izincwadi, bazidonsela ukubhujiswa.

U-Isaya 3:8

IJerusalema likhubekile, noJuda uwile, ngokuba abakushoyo nabakwenzayo kuphambene noSimakade, kwedelela ubukhona benkazimulo yakhe.

UJeremiya 10:10

Kepha uSimakade unguNkulunkulu weqiniso, uNkulunkulu ophilayo neNkosi yaphakade; ngentukuthelo yakhe, umhlaba uyazamazama; izizwe azinakumelana nolaka lwakhe.

AmaHubo 120:3

Uyoklonyeliswa ngani, uyokwenezelelwani wena lulimi lwenkohliso na?

AmaHubo 64:8

Bayakuwiswa, bahilwe lulimi lwabo, bonke abababonayo bayonikina amakhanda.

2 AmaKhosi 19:4

Mhlawumbe uSimakade uNkulunkulu wakho uwezwile wonke amazwi kaRabi Shake othunywe yinkosi yakhe, inkosi yase-Asiriya, ukuzokwedelela ngawo uNkulunkulu ophilayo. USimakade uNkulunkulu wakho athi angawezwa, awasole lawo mazwi, bese kuthi ngenxa yensali, awuzwe umkhuleko wakho.’ ”

1 kwabaseThesalonika 1:9

Ngokuba bona luqobo babika ngathi ukuthi nasemukela kanjani, nokuthi naphendukela kanjani kuNkulunkulu nashiya izithombe, ukuze nikhonze uNkulunkulu ophilayo noweqiniso;

KwabaseGalathiya 6:5

Ngokuba yilowo nalowo muntu uyakuthwala umthwalo wakhe.

IzEnzo 14:15

bathi: “Madoda, nikwenzelani lokhu na? Nathi singabantu njengani ngemvelo, sinishumayeza ivangeli ukuba niphenduke kulokho okuyize, niphendukele kuNkulunkulu ophilayo, owadala izulu nomhlaba nolwandle, nakho konke okukukho,

NgokukaLuka 19:22

“Wathi kuyo: ‘Ngizakwehlulela ngamazwi akho, wena nceku embi. Ubuwazi kahle ukuthi ngingumuntu olukhuni: ngithatha engingazange ngikubeke, ngivune engingakuhlwanyelanga.

Mathewu 12:36

Kepha ngithi kini: amazwi wonke ayize akhulunywa ngabantu, bayakulanda ngawo ngomhla wokwehlulelwa.

U-Isaya 28:22

Manje maningedeleli funa izibopho zenu ziqiniswe, ngokuba ngisizwile isimemezelo sokubhubhisa wonke umhlaba, siqhamuka eNkosini uSimakade Wamabandla.

IzAga 17:20

Onenhliziyo ephambeneyo akakufumani okuhle; onolimi oluphambeneyo uwela engozini.

AmaHubo 149:9

ukuze babajezise ngesijeziso esilotshiweyo. Kuludumo kubo bonke abathembekileyo bakhe. Haleluya!

AmaHubo 12:3

Sengathi uSimakade angazinquma izindebe ezithophayo, ulimi olukhuluma amazwi okuziqhayisa.

1 Samuweli 17:36

Inceku yakho yehlula ingonyama nebhele, nalo mFilisti ongasokile uyakuba njengenye yalokho, ngokuba weyise impi kaNkulunkulu ophilayo.”

1 Samuweli 17:26

UDavide wakhuluma kubantu ababemi naye, wathi: “Uyokwenzelwani umuntu oyobulala lowo mFilisti, asuse ihlazo kwa-Israyeli na? Ungubani nje lowo mFilisti ongasokile ukuba ayeyise kanje impi kaNkulunkulu ophilayo?”

UDuteronomi 5:26

ngokuba ngubani kubantu owake wezwa izwi likaNkulunkulu ophilayo njengathi, likhuluma livela emlilweni, waphila, na?

UJeremiya 23:37

Ngalokho uyakusho kanje kumphrofethi, uthi: ‘USimakade ukuphendule wathini?’ nokuthi: ‘USimakade utheni na?’

IsiLilo 2:14

Abaphrofethi bakho bakutshele imibono engamanga newubuwula, abakuvezanga obala ukuphambuka kwakho ukuze uphenduke, ungayi ekuthunjweni. Bakutshele imibono engamanga neyinkohliso.