UJeremiya 2:17 - IsiZulu 2020

¹⁷ Akunguwe yini oziholele amanzi ngomsele, ngokushiya uSimakade uNkulunkulu wakho ngesikhathi ekuhola endleleni na?

IBHAYIBHELI ELINGCWELE

¹⁷ Awuzenzeli lokhu wena ngokushiya kwakho uJehova uNkulunkulu wakho, lapho ekuhola endleleni, na?

Contemporary Zulu Bible 2024

¹⁷ Awuzenzelanga lokho ngokushiya uJehova uNkulunkulu wakho lapho ekuhola endleleni na?

UJeremiya 2:17 Referans Kwoze

UJeremiya 4:18

“Ukuziphatha kwakho nezenzo zakho kukulethele lezi zinto; lokhu kungenxa yokukhohlakala kwakho, ngokuba umunyu ufinyelele enhliziyweni yakho.”

UJeremiya 2:19

Ububi bakho buyakukujezisa, nokuhlubuka kwakho kuyakukusola; yazi-ke, ubone ukuthi ukuhlubuka uSimakade uNkulunkulu wakho kuyinto embi nebaba kanjani; akusekho ukungesaba kuwe,” kusho iNkosi uSimakade Wamabandla.

UJeremiya 2:13

“Ngokuba abantu bami benzile okubi okubili: bangishiyile, Mina mthombo wamanzi aphilileyo; bazigubhela imithombokwakhiwa, imithombokwakhiwa evuzayo, engenakuwagcina amanzi.

Hoseya 13:9

Uzakubhujiswa, Israyeli, ngokuba umelene nami, umsizi wakho.

AmaHubo 107:7

Wabahola ngendlela eqondileyo ukuze baye emzini ababezohlala kuwo.

AmaHubo 77:20

Abantu bakho wabahola njengezimvu ngesandla sikaMose no-Aroni.

U-Isaya 1:4

Maye kuwe, sizwe esonayo, bantu abasindwa ngukona, nzalo yezonakali, bantwana abonakeleyo! Bamshiyile uSimakade, bamdelela oNgcwele ka-Israyeli, bahlehlile bamfulathela.

AmaHubo 136:16

owahola abantu bakhe ehlane, ngokuba umusa wakhe umi phakade;

UJobe 4:8

Ngibabonile abahlwanyela inkohlakalo, nabalima inkathazo, bavuna inhlupheko.

1 iziKronike 28:9

“Wena Solomoni, ndodana yami, mazi uNkulunkulu kayihlo, umkhonze ngenhliziyo epheleleyo nangomphefumulo ovumayo, ngokuba uSimakade uhlola zonke izinhliziyo, uqonda zonke izizindlo zemicabango. Uma umfuna, uyakufunyanwa nguye, kodwa uma umshiya uyakukulahla kuze kube phakade.

UDuteronomi 32:19

“USimakade wakubona lokho, wanengwa ngukuchukuluzwa ngamadodana namadodakazi akhe.

UDuteronomi 32:10

“Wamthola ezweni eliyihlane, nasoqwathuleni lomkhulungwane kwahlongasibi, wamzungeza, wamnakekela, wamgcina njengenhlamvu yeso lakhe.

UNumeri 32:23

“Kepha uma ningeyukwenza kanjalo, niyobe nonile kuSimakade, futhi yazini ukuthi niyoba nesono.

UJeremiya 5:25

Ububi benu buzibalekisile lezi zinto, nezono zenu zakuvimba okuhle kini.

UJeremiya 13:22

Uyakuthi enhliziyweni yakho: “Zingehleleleni lezi zinto na?” Ngobukhulu bokona kwakho, isidwaba sakho siphenyiwe, nomzimba wakho wahlukunyezwa.

UJeremiya 19:4

Ngokuba bangihlubukile, baphatha le ndawo njengeyabezizwe, bashisela abanye onkulunkulu impepho kuyo, ababengabazi, bona nokhokho babo, namakhosi akwaJuda, bagcwalisa le ndawo ngegazi labangenacala.

UJeremiya 44:3

ngenxa yobubi babo ababenzayo, bachukuluza ulaka lwami, ngokuhamba bayoshisa impepho, bakhonza abanye onkulunkulu abangazange babazi bona, nani, nokhokho benu.

UHezekeli 39:24

Ngenza kubo njengokungcola kwabo nanjengezeqo zabo, ngabusitheza ubuso bami kubo.

2 iziKronike 15:2

u-Azariya waphuma waya ku-Asa, wathi kuye: “Ngilaleleni, wena Asa noJuda wonke, noBhenjamini; uSimakade unani, uma ninaye, uma nimfuna niyakumfumana, kodwa uma nimshiya, naye uyakunishiya.

UJobe 34:27

ngokuba bachezuka ekumlandeleni, abaze banaka neyodwa yezindlela zakhe.

IzAga 15:10

Kunesijeziso esibuhlungu kulowo oshiya indlela; lowo ozonda ukusolwa uyakufa.

U-Isaya 59:13

Sonile, samphika uSimakade; sihlubukile, asamlandela uNkulunkulu wethu; sikhulume ngokucindezela, nangokwambuka, sicabangile, sakhuluma amanga asenhliziyweni.

UMikha 1:5

Konke lokhu kungenxa yesiphambeko sikaJakobe, nangenxa yezono zendlu ka-Israyeli. Ngubani owaphambukisa uJakobe? Akusilo yini iSamariya na? Ngubani izindawo eziphakemeyo zakwaJuda? Akusilo yini iJerusalema na?