UJeremiya 12:12 - IsiZulu 2020

¹² Ababhubhisi batheleke bevela kuzo zonke izindawo eziphakemeyo, ezingamaqwaqwasi ehlane; inkemba kaSimakade iyabhubhisa, kusukela kulo mkhawulo womhlaba kuya komunye, akukho ukuthula kubantu.

IBHAYIBHELI ELINGCWELE

¹² Abaphangi bafikele onke amaduli angenalutho, ngokuba inkemba kaJehova iyadla, kusukela komunye umkhawulo womhlaba kuze kufike komunye, nenyama enokuthula ayikho.

Contemporary Zulu Bible 2024

¹² Abachithi sebefikile ezindaweni zonke eziphakemeyo ehlane, ngokuba inkemba kaJehova iyakuqeda kusukela komunye umkhawulo wezwe kuze kube komunye umkhawulo wezwe; akukho nyama eyoba nokuthula.

UJeremiya 12:12 Referans Kwoze

U-Amose 9:4

Noma bangathunjwa yizitha zabo, nakhona lapho ngiyakujuba inkemba ukuba ibabhuqabhuqe, iso lami liyakuthi njo kubo, kube kubi, kungabi kuhle.”

UJeremiya 47:6

“Awu wena nkemba kaSimakade, kuyoze kube nini ungathuli na? Buyela emgodleni wakho, uthule, uzole.

UHezekeli 14:17

“Nakuba ngehlisela inkemba ezweni, ngithi: ‘Inkemba mayidabule ezweni,’ ngibulale kulo abantu nezilwane,

U-Isaya 34:6

USimakade unenkemba; igcwele igazi, izinonisile ngamanoni egazi lezimvana nelezimbuzi, nangamanoni ezinso zezinqama, ngokuba uSimakade uyanikela umhlatshelo eseBhozira, uyazihlabela kakhulu kwa-Edomi.

IsAmbulo 6:4

Kwase kuphuma elinye ihhashi elibomvu, nogibele kulo wanikwa ukuba ayoqeda ukuthula emhlabeni, ukuze abantu babulalane; wanikwa futhi nenkemba enkulu.

UZefaniya 2:12

“Nani futhi maKhushe, niyakubulawa ngenkemba yami.”

UHezekeli 5:2

Ingxenye yokuthathu uyakuyishisa ngomlilo phakathi komuzi, lapho seziphelile izinsuku zokuvinjezelwa; uyothatha ingxenye yokuthathu elandelayo, uyigalele ngenkemba nxazonke; kuthi ingxenye yokuthathu yokugcina, uyihlakaze emoyeni. Mina ngizohosha inkemba emva kwabo.

UJeremiya 48:2

Udumo lukaMowabi luphelile; iHeshibhoni bacebe okubi ngalo, bathi: wozani sisiqede nya lesi sizwe. Nawe Madimeni uyakuthuliswa; inkemba iyakukuxosha.

UJeremiya 34:17

“Ngakho-ke usho kanje uSimakade, uthi: nina aningilalelanga ukuba nimemezele ukukhululeka, kube yilowo nalowo kumfowabo nakumakhelwane wakhe. Bhekani, ngizakumemezela ukukhululeka kini, kusho uSimakade. Ngizokhulula inkemba, ubhubhane nendlala; nginenze nihlupheke emibusweni yonke yomhlaba.

UJeremiya 15:2

Kuyakuthi lapho bethi kuwe: ‘Sizoya kuphi na?’ Uyobatshela uthi: ‘Usho kanje uSimakade, uthi: “ ‘Abanqunyelwe ukufa, bayokufa; abanqunyelwe inkemba, inkemba; nabendlala, indlala; nabokuthunjwa, ukuthunjwa.’

UJeremiya 3:2

“Phakamisela amehlo akho emadulini angamaqwaqwasi, ubone, kukuphi lapho ongazinikelanga kwalalwa khona nawe na? Ubahlalele ngasezindleleni, ubufana nomArabhi ehlane, walingcolisa izwe ngobufebe nangobubi bakho.

U-Isaya 57:21

“Akukho ukuthula ezikhohlakalini,” kusho uNkulunkulu wami.

ULevitikusi 26:33

Nina ngiyakunihlakazela phakathi kwezizwe, ngithumele inkemba emva kwenu, izwe lakini liyakuba yincithakalo, nemizi yenu ibe ngamabibi.

UDuteronomi 32:42

“Imicibisholo yami ngiyoyidakisa ngegazi, inkemba yami idle abantu, ngegazi lababuleweyo nabathunjiweyo, kuqala enhlokweni yabaholi bezitha.

UJeremiya 3:21

Izwi liyezwakala emadulini angamaqwaqwasi, likhala, linxusela abantu bakwa-Israyeli, ngokuba bayihlanekezele indlela yabo, bamkhohlwa uSimakade uNkulunkulu wabo.

UJeremiya 4:27

Ngokuba usho kanje uSimakade, uthi: “Izwe lonke liyakuba yincithakalo, kepha angiyukuliqeda liphele nya.

UJeremiya 16:5

Usho kanje uSimakade, uthi: “Ungangeni endlini okulilwa kuyo, ungayi ukuyolila, ungabakhombisi uzwelo, ngokuba ngikususile ukuthula kwami kulaba bantu, kanye nomusa, nobubele bami,” kusho uSimakade.

UJeremiya 25:11

Izwe lonke leli liyakuba yincithakalo, lezi zizwe ziyakuyikhonza inkosi yaseBhabhele iminyaka engama-70.

UJeremiya 30:5

“Ngokuba usho kanje uSimakade, uthi: “ ‘Sizwile izwi lokwesaba, nelengebhe futhi akukho ukuthula.

UJeremiya 46:10

Lolu lusuku lweNkosi uSimakade Wamabandla; usuku lokuphindisela, nolokuziphindiselela ezitheni zakhe. Inkemba iyakudla yesuthe, iyakuzanelisa ngegazi labo, ngokuba iNkosi uSimakade Wamabandla inomhlatshelo enyakatho, ngasemfuleni iYufrathe.

IsiLilo 3:17

Ungemuke ukuthula, angisakwazi ukujabula, nezinto ezinhle azisekho.

UHezekeli 21:4

Ngakho-ke inkemba yami iyakuphuma emgodleni wayo, iphumele abantu bonke kusukela eningizimu kuya enyakatho.

UHezekeli 21:28

“Wena ndodana yomuntu, phrofetha uthi: ‘Isho kanje iNkosi uNkulunkulu ngabakwa-Amoni nangehlazo labo, ithi: wena batshele, uthi: “ ‘ “Inkemba, inkemba ihoshiwe, yamenyezeliselwa ukuba ibulale, futhi iqothule njengonyazi,

UJeremiya 8:15

Besilindele ukuthula, kodwa akukho okuhle; nesikhathi sokuphiliswa, kepha bheka, luvalo lodwa.

UHezekeli 21:8

Izwi likaSimakade lafika kimi, lathi:

UHezekeli 21:9

“Ndodana yomuntu, phrofetha uthi: ‘Isho kanje iNkosi, ithi: “ ‘ “Inkemba, inkemba iloliwe, yamenyezeliswa.