UHezekeli 7:4 - IsiZulu 2020

⁴ Angiyukukubheka ngesihawu, angiyukuba naluzwelo kuwe; ngiyakuphindisela kuwe ngokuziphatha kwakho, izinengiso zakho zibe phakathi kwakho; niyakukwazi ukuthi Mina nginguSimakade.’

IBHAYIBHELI ELINGCWELE

⁴ Iso lami aliyikukuhawukela, ngingabi nabubele; ngiyakwehlisela izindlela zakho phezu kwakho, izinengiso zakho zibe phakathi kwakho; niyakwazi ukuthi nginguJehova.

Contemporary Zulu Bible 2024

⁴ Iso lami aliyikukuhawukela, futhi angiyikuba nesihe; ngiyakwehlisela izindlela zakho phezu kwakho, nezinengiso zakho zibe phakathi kwakho; nizokwazi ukuthi nginguJehova.

UHezekeli 7:4 Referans Kwoze

UHezekeli 6:7

Ababuleweyo bayowa phakathi kwenu, niyokwazi ukuthi Mina nginguSimakade.

UHezekeli 11:21

Kepha labo abanhliziyo zabo zilandela okunyanyekayo nokunengekayo kwabo, ngiyakwehlisela phezu kwamakhanda abo lokho abakwenzileyo, kusho iNkosi uSimakade.”

UHezekeli 5:11

Ngalokho-ke ngifunga ngiyagomela, kusho iNkosi uSimakade, ngenxa yokuba ungcolise indawo yami engcwele ngakho konke okwenyanyekayo kwakho, nangazo zonke izinengiso zakho. Nami impela, ngiyakukunciphisa, iso lami aliyukuba nasihawu, futhi Mina, angiyukuba nabubele kuwe.

Hoseya 12:2

USimakade uthwesa uJuda icala, uyakumjezisa uJakobe ngokwezindlela zakhe, akhokhise kuye ngokwezenzo zakhe.

Hoseya 9:7

Sezifikile izinsuku zokujeziswa, izinsuku zokuphindisela, u-Israyeli makakwazi lokho. Umphrofethi uyisiwula, umuntu onomoya uyahlanya ngenxa yeziphambeko zakho eziningi nangobutha obukhulu.

UHezekeli 16:43

“ ‘ “Ngenxa yokuthi awuzikhumbulanga izinsuku zobusha bakho, kodwa ungithukuthelisile ngakho konke lokhu, nami-ke ngizokwehlisela phezu kwekhanda lakho konke okwenzileyo, ukuze ungabe usazikhanukela zonke ezinye izinengiso zakho,” ’ ” kusho iNkosi uSimakade.

UHezekeli 9:10

“Nami-ke, iso lami aliyukubabheka ngesihawu, angiyukubanaso isisa kubo, kodwa ngiyakwehlisela lokho abakwenzileyo phezu kwamakhanda abo.”

UHezekeli 7:27

Inkosi iyakulila, isikhulu sembathe incithakalo, nezandla zabantu bezwe ziyakuqhaqhazela. Ngiyakubaphatha njengokuziphatha kwabo, ngibehlulele ngokwemithetho yabo, bayakukwazi ukuthi Mina nginguSimakade.’ ”

UHezekeli 6:14

Ngiyakwelula isandla sami ngimelane nabo, izwe ngilenze libe yincithakalo nokuyize ukwedlula ihlane eDibhila, nakuzo zonke izindawo zabo abahlala kuzo. Bayakukwazi ukuthi Mina nginguSimakade.’ ”

KumaHeberu 10:30

Ngokuba siyamazi owathi: “Ingeyami impindiselo, ngiyakuphindisela,” futhi-ke: “INkosi iyakubehlulela abantu bayo.”

UZakariya 11:6

Angisayukuzizwela futhi izakhamuzi zezwe,” kusho uSimakade. “Kodwa bheka nje, ngiyakunikela abantu kube yilowo nalowo esandleni somakhelwane wakhe, esandleni senkosi yakhe. Bayakulicindezela izwe, kepha angiyukubahlenga esandleni sabo.”

UHezekeli 24:14

“ ‘Mina Simakade ngikukhulumile lokho; kuyakwenzeka, ngiyakukwenza; angiyukukuyeka, angiyukuhawukela, angiyukuzisola. Uyakwehlulelwa njengokuziphatha kwakho nangezenzo zakho,’ ” kusho iNkosi uSimakade.

UHezekeli 23:49

Bayakukuphindisela kini ukukhanuka kwenu, nizithwale nina izono zezithombe zenu, niyakukwazi ukuthi Mina ngiyiNkosi uSimakade.’ ”

UHezekeli 23:31

Uhambe ngendlela kadadewenu, ngalokho-ke ngiyakunikela indebe yakhe esandleni sakho.’

UHezekeli 22:31

Ngase ngithululela ulaka lwami phezu kwabo, ngabaqeda nya ngomlilo wentukuthelo yami, kwathi konke abakwenzileyo ngakuthela phezu kwamakhanda abo,” kusho iNkosi uSimakade.

UHezekeli 12:20

Imizi okuhlalwa kuyo iyakubhujiswa, izwe libe yincithakalo, niyakukwazi ukuthi Mina nginguSimakade.” ’ ”

UHezekeli 8:18

Ngakho-ke ngizomelana nabo ngokuthukuthela kwami, iso lami aliyukubabheka ngesihawu, angiyukuba nasisa kubo, ngisho bangakhala, bamemeze ezindlebeni zami ngezwi elikhulu, angiyukubezwa.”

UHezekeli 7:9

Iso lami aliyukukubheka ngesihawu, angiyukuba naluzwelo; ngiyakuphindisela kuwe ngokwezindlela zakho, izinengiso zakho ziyokuba phakathi kwakho; niyakukwazi ukuthi Mina Simakade ngiyashaya.

UJeremiya 25:14

Ngokuba bayakugqilazwa nabo yizizwe eziningi nangamakhosi amakhulu, ngiyakuphindisela kubo ngokwezenzo zabo nangokwemisebenzi yezandla zabo.”

UJeremiya 16:18

Ngizoqala ngokubashaya ngokuphindiwe ngenxa yobubi babo nezono zabo, ngokuba balingcolisile izwe lami ngezidumbu zezinto ezinengekayo, ifa lami baligcwalisile ngezinengiso zabo.”

UJeremiya 13:14

Ngiyobaphahlaza; omunye kumfowabo, oyise nezingane kanyekanye,’ ” kusho uSimakade. “Angiyukubahawukela, angiyukuba nasisa, angiyukuba nasihe kubo, ukuba ngingababhubhisi.”

UHezekeli 7:3

Manje, ukuphela sekuphezu kwakho; ngiyakuthumela ulaka lwami kuwe, ngikwehlulele njengezindlela zakho, ngiphindisele kuwe zonke izinengiso zakho.

U-Amose 7:8

USimakade wathi kimi: “Amose, ubonani na?” Ngathi: “Intambo yomthofu yokulinganisa.” INkosi yayisithi: “Uyabona-ke, sengizobeka intambo yomthofu yokulinganisa phakathi kwabantu bami u-Israyeli angisayukubaxolela.

UHezekeli 33:29

Kulapho-ke bayakungazi khona ukuthi nginguSimakade, lapho izwe sengilenze laba yincithakalo neze, ngenxa yazo zonke izinengiso zabo abazenzileyo.” ’