UGenesise 43:18 - IsiZulu 2020

¹⁸ Bafikelwa yingebhe lapho bebona ukuthi bangeniswe endlini kaJosefa, bathi: “Kungenxa yemali eyabuyiselwa emasakeni ethu ekuqaleni, ngakho-ke silethwe kule ndawo ukuze asizume, asithathe asenze izigqila, aqhwage nezimbongolo zethu.”

IBHAYIBHELI ELINGCWELE

¹⁸ Amadoda esaba, ngokuba angeniswa endlini kaJosefa, athi: “Singeniswe lapha ngenxa yemali eyabuyiselwa emasakeni ethu kuqala ukuba asizume, asehlele, asenze izigqila kanye nezimbongolo zethu.”

Contemporary Zulu Bible 2024

¹⁸ Amadoda esaba, ngokuba angeniswa endlini kaJosefa; bathi: Ngenxa yemali eqale yabuyiselwa emaphaketheni ethu, sangeniswa; ukuze afune ithuba ngokumelene nathi futhi asehlele futhi asithathe njengezigqila nezimbongolo zethu.

UGenesise 43:18 Referans Kwoze

UGenesise 42:35

Kuthe lapho sebethulula amasaka abo, bamangala bonke lapho bebona ukuthi isikhwama semali salowo nalowo sisesakeni. Lapho bona noyise bebona ukuthi isikhwama salowo nalowo sisesakeni lakhe, bashaywa wuvalo.

KwabaseRoma 7:8

Kepha isono sathola ithuba ngomyalo, saveza kimi zonke izinhlobo zokufisa; ngokuba ngaphandle komthetho, isono sifile.

NgokukaMarku 6:16

Kepha uHerode esekuzwile lokho, wathi: “UJohane, lo engamnquma ikhanda, uvusiwe.”

U-Isaya 7:2

Kwathi lapho bezwa abendlu kaDavide, kuthiwa: “I-Aramu libambisene no-Efrayimi,” inhliziyo yakhe neyabantu bakhe yangenwa yitwetwe, banyakaza njengezihlahla zehlathi zinyakaziswa ngumoya.

AmaHubo 73:16

Kwathi ngicabanga ukuba ngikuqonde lokho, kwaba luhlupho emehlweni ami,

AmaHubo 53:5

Besaba kakhulu, kube kungekho okwesabisayo. UNkulunkulu uwasakazile amathambo alowo okuvimbezelayo. Wena uzobathela ngehlazo, ngokuba uNkulunkulu ubalahlile.

UJobe 30:14

Lungithelekela ngokungathi, kuvuleke isikhala esikhulu phakathi kwencithakalo.

UJobe 15:21

Ukunkeneneza okwesabisayo kusezindlebeni zakhe, uyothi esahlezi enethezekile, kutheleke umphangi.

AbAhluleli 14:4

Uyise nonina babengazi ukuthi lokhu kuvela kuSimakade, ngokuba wayefuna ithuba lokuthi alwe namaFilisti. Ngaleso sikhathi amaFilisti ayebusa phezu kuka-Israyeli.

AbAhluleli 13:22

UManowa wathi kumkakhe: “Impela sizokufa ngokuba sibone uNkulunkulu.”

UDuteronomi 22:17

useyisola ngezinto eziyihlazo, uthi: “Angiyitholanga indodakazi yenu iyintombi,” ngakho nabu ubufakazi bokuthi indodakazi yami ibiyintombi.’ Bayokwendlala ingubo phambi kwamalunga omuzi.

UDuteronomi 22:14

iyisole ngezinto eziyihlazo, ihlambalaze igama layo, ithi: ‘Ngamthatha lo wesifazane; kwathi ngisondela kuye, ngathola ukuthi akaseyiyo intombi,’

UGenesise 42:28

Wathi kubafowabo: “Imali yami ibuyiselwe kimi, nansi esakeni lami.” Baphelelwa ngamandla, baqhaqhazela, babukana, bathi: “Yini lena uNkulunkulu asenza yona na?”

UGenesise 42:21

Base behlanganisa amakhanda, bavumelana bathi: “Impela sinecala ngomfowethu, salubona usizi enhliziyweni yakhe, esincenga ukuba simhawukele, kodwa asimlalelanga, yingakho sivelelwa yinkathazo enje.”

UGenesise 43:17

Indoda yenza njengoba uJosefa eshilo, yabangenisa endlini yakhe.

UGenesise 43:19

Base beya enduneni eyayiphethe endlini kaJosefa eyayingasemnyango, bakhuluma nayo,

UDaniyeli 6:4

Lokho-ke kwenza ukuthi omengameli nezikhulu bafune ukuthola utho olubi ngoDaniyeli oluqondene nombuso, kepha abatholanga lutho nacala kuye, ngokuba wayethembekile; akutholakalanga siphosiso nankohlakalo kuye.

UGenesise 42:27

Omunye kuthe evula isaka lakhe esikhungweni sokulala ukuba anike imbongolo yakhe ukudla, wafica imali yakhe emlonyeni wesaka.

UGenesise 44:8

Bheka, imali esayithola emilonyeni yamasaka ethu, sabuya nayo sisuka eKhanani. Pho singaleba kanjani isiliva noma igolide endlini yenkosi yakho na?