UGenesise 28:16 - IsiZulu 2020

¹⁶ UJakobe waphaphama ebuthongweni, wathi: “Nembala uNkulunkulu ukule ndawo, bengingazi.”

IBHAYIBHELI ELINGCWELE

¹⁶ Wayesephaphama uJakobe ebuthongweni bakhe, wathi: “Imbala uJehova ukule ndawo, mina-ke bengingakwazi.”

Contemporary Zulu Bible 2024

¹⁶ UJakobe waphaphama ebuthongweni bakhe, wathi: “Impela uJehova ukhona kule ndawo; futhi bengingakwazi.

UGenesise 28:16 Referans Kwoze

UJoshuwa 5:15

Umkhuzi wempi kaSimakade wathi kuJoshuwa: “Khumula izimbadada zakho ezinyaweni ngokuba indawo omi kuyo ingcwele.” UJoshuwa wenza kanjalo.

UEksodusi 15:11

“Ngubani onjengawe Simakade phakathi konkulunkulu na? Ngubani onjengawe ngobukhosi nangobungcwele, omangalisayo ngendumiso, owenza izimangaliso na?

UEksodusi 3:5

UNkulunkulu wathi: “Ungasondeli lapha; khumula izimbadada ezinyaweni zakho, ngokuba indawo omi kuyo ingumhlabathi ongcwele.”

UJobe 33:14

Empeleni, uNkulunkulu ukhuluma ngendlela eyodwa, noma ezimbili, nokho umuntu akakunaki lokho.

UJobe 9:11

Bheka, uyedlula ngakimi, ngingaboni, uyedlula, kodwa ngingamuzwa.

U-Isaya 8:13

USimakade Wamabandla, mungcweliseni, nimesabe, kube nguye kuphela eninovalo ngaye.

AmaHubo 68:35

Nkulunkulu, uyesabeka ezindaweni zakho ezingcwele, uNkulunkulu ka-Israyeli abantu bakhe ubapha amandla nezikhwepha. Makadunyiswe uNkulunkulu.

UEksodusi 3:4

Lapho uSimakade ebona ukuthi uchezukile ukuyobheka, uNkulunkulu wambiza esesihlahleni, wathi: “Mose, Mose!” Yena wathi: “Ngilapha.”

UJoshuwa 5:13

Kuthe uJoshuwa eseseduze kwaseJerikho, wathi ebheka, wabona indoda imi phambi kwakhe, iphethe inkemba esandleni. UJoshuwa waya kuyo, wathi: “Ungomunye wethu noma ungomunye wezitha zethu, na?”

1 AmaKhosi 3:15

USolomoni wayesephaphama; lokho kwakuyiphupho; wasuka lapho wabuyela eJerusalema. Wafike wema phambi komphongolo wesivumelwano sikaSimakade, wanikela ngeminikelo yokushiswa, nangeminikelo yokuthula, wenzela izinceku zakhe zonke idili.

AmaHubo 139:7

Ngiyakuya kuphi, ngisuke eMoyeni wakho na? Ngiyakubalekelaphi, ngisuke phambi kwakho na?

UJeremiya 31:26

Ngase ngiphaphama, ngabheka; ngangikade ngilele obumnandi ubuthongo.

UNumeri 12:6

Wayesethi: “Yizwani manje amazwi ami: uma kukhona umphrofethi phakathi kwenu, Mina Simakade ngiyakuzibonakalisa kuye ngombono, ngikhulume naye ngephupho.