UGenesise 25:24 - IsiZulu 2020

²⁴ Kwathi sesifikile isikhathi sokubeletha, wazibula ngamawele.

IBHAYIBHELI ELINGCWELE

²⁴ Kwathi seziphelele izinsuku zakhe zokubeletha, bheka, kwakukhona amawele esiswini sakhe.

Contemporary Zulu Bible 2024

²⁴ Kwathi seziphelele izinsuku zakhe zokubeletha, kwakukhona amawele esizalweni sakhe.

UGenesise 25:24 Referans Kwoze

UGenesise 25:23

USimakade wathi kuye: “Esibelethweni sakho kukhona izizwe ezimbili; izinhlobo ezimbili zabantu ozozizala. Ziyakwehlukana ezibilini zakho; esinye isizwe siyakwehlula esinye, omkhulu akhonze omncane.”

UGenesise 25:25

Owabona ilanga kuqala wayenomzimba ompofu ngebala, ephuphuzela uboya bunjengobesiphuku, lona wamqamba igama wathi ngu-Esawu.

UGenesise 38:27

Esebeletha, kwatholakala ukuthi ukhulelwe amawele.

UDuteronomi 23:7

“Unganengwa ngowakwa-Edomi, ngokuba ungumfowenu; awuyukunengwa ngowaseGibhithe, ngokuba wawungumfokazi ezweni lakubo.

UGenesise 36:1

Nanku umlando wezizukulwane zika-Esawu obuye abizwe ngo-Edomi.

UJoshuwa 24:4

U-Isaka ngamnika uJakobe no-Esawu. Ngamnika u-Esawu elezintaba kuze kube seSeyiri ukuba alidle libe yifa lakhe, kodwa uJakobe nabantwana bakhe behlela eGibhithe.

1 iziKronike 1:34

U-Abhrahama wazala u-Isaka. Amadodana ka-Isaka: u-Esawu no-Israyeli.