UGenesise 23:11 - IsiZulu 2020

¹¹ “Qha, nkosi yami, ngicela ungizwe kahle. Ngiyakunika le nsimu, futhi ngiyakunika nomgede okuyo. Ngikunika yona phambi kwabantu bakithi, mngcwabe umkakho kuyo.”

IBHAYIBHELI ELINGCWELE

¹¹ “Cha, nkosi; ngilalele: ngiyakunika le nsimu, nomhume okuyo ngikunika wona; ebusweni bamadodana abantu bami ngikunika wona; mmbele lapho ofileyo wakho.”

Contemporary Zulu Bible 2024

¹¹ Cha, nkosi yami, ngilalele; isiqephu sezwe ngiyakukunika lona, nomhume okuso ngiyakukunika wona; phambi kwamadodana abantu bami ngiyakunika lona; ngcwaba ofileyo wakho.

UGenesise 23:11 Referans Kwoze

NgokukaLuka 19:24

“Wayesethi kwababemi lapho: ‘Mephuceni uhlamvu lwemali, nilunike onezilishumi.’

U-Isaya 32:8

Kodwa ohloniphekileyo uceba okuhloniphekileyo, futhi umi ngezinto ezihloniphekile.

URuthe 4:11

Bonke abantu ababelapho esangweni, namalunga, basho ngazwi linye bathi: “Singofakazi. Sengathi uSimakade angamenza lona wesifazane ozohlala endlini yakho abe njengoRaheli noLeya, bobabili abayakha indlu ka-Israyeli. Sengathi ungaba nempumelelo e-Efratha ube nodumo eBhethlehema.

URuthe 4:9

Wathi kumalunga nakubo bonke abantu ababelapho: “Namhlanje ningofakazi bokuthi ngikuthenge konke okuka-Elimelekhi nalokho okwakungokukaKhiliyoni noMahaloni obekusesandleni sikaNawomi.

URuthe 4:4

Ngibone ukuthi kungcono lolu daba ngikwazise lona phambi kwalawa malunga abantu bakithi, ukuze uma ufuna ukusithenga ukwenze lokho phambi kwawo. Kodwa uma ungathandi ungitshele ukuze ngazi ngoba akekho omunye ngaphandle kwakho ongasihlenga, mina ngingomncane.” Umnewabo wathi: “Kulungile, ngizosihlenga.”

URuthe 4:1

UBhowazi wenyukela esangweni, wahlala khona; uyabona-ke, kwedlula umhlengi ayekade ekhulume ngaye, wayesethi kuye: “Ake uze ngapha, mnewethu, uhlale phansi.” Waya kuye, wahlala phansi.

UDuteronomi 19:15

“Ubufakazi obuyokwethulwa ngumuntu oyedwa abunakumcindezela umuntu ngobubi, ngesono, noma nangasiphi isono one ngaso. Kodwa ngubufakazi bofakazi ababili noma abathathu obuyoyenza indaba ime iqine.

UDuteronomi 17:6

Ngobufakazi bofakazi ababili noma abathathu lowo ofanele ukufa, uyakubulawa. Kodwa ngobufakazi bomuntu oyedwa, akayukubulawa.

UNumeri 35:30

“ ‘Noma ngubani obulala umuntu, uyobulawa ngenxa yobufakazi obethulwe ngaye. Kepha akekho oyobulawa ngenxa yobufakazi bomuntu oyedwa.

UGenesise 23:18

Konke lokho kwadluliselwa ku-Abhrahama, kwaba yimpahla yakhe phambi kwamaHithi ayelapho esangweni lomuzi.

UGenesise 23:6

“Silalele nkosi yami. Wena ungowasebukhosini bukaNkulunkulu phakathi kwethu. Akekho phakathi kwethu ongenqaba nendawo yokungcwaba umkakho.”

UGenesise 23:12

U-Abhrahama wayesekhothama phambi kwabantu balelo lizwe.