UGenesise 10:5 - IsiZulu 2020

⁵ Kulaba kwadabuka izizwe ezisemazweni agudle ulwandle, zehlukana ngolimi, ngemindeni, nangezizwe.

IBHAYIBHELI ELINGCWELE

⁵ Kuvela kulabo iziqhingi zabezizwe zahlukaniselwa amazwe abo, kwaba yilelo nalelo ngolimi lwalo, nangemindeni yalo, nangezizwe zalo.

Contemporary Zulu Bible 2024

⁵ Ngalokhu iziqhingi zabeZizwe zahlukaniselwa amazwe abo; yilowo nalowo ngokolimi lwakhe, ngemindeni yabo, ngokwezizwe zabo.

UGenesise 10:5 Referans Kwoze

UZefaniya 2:11

USimakade uyakwesabeka kubo, ngokuba uyakushabalalisa bonke onkulunkulu bomhlaba. Bayakukhuleka kuye, kube yilowo nalowo esendaweni yakhe, kuzo zonke iziqhingi zezizwe.

UJeremiya 2:10

Welelani eziqhingini eKhithimi, nibone, thumelani eKhedari, niqonde kahle, nibone ukuthi yake yenzeka yini into enjengalena na?

UJeremiya 25:22

wonke amakhosi aseThire, wonke amakhosi aseSidoni, amakhosi aseziqhingini ezingaphesheya kolwandle;

U-Isaya 42:4

Akayukudangala, aphele amandla, aze amise ubulungiswa emhlabeni; neziqhingi ziyolindela ukuyala kwakhe.”

UGenesise 10:20

Yilawa amadodana kaHamu ngokwemindeni nangezilimi, emazweni nasezizweni zawo:

U-Isaya 60:9

Iziqhingi ziyakungilindela, imikhumbi yaseTharishishi iyoba ngeyokuqala ukuletha amadodana akho evela kude, ephethe isiliva negolide lawo, ekulethe egameni likaSimakade uNkulunkulu wakho, nakoNgcwele ka-Israyeli, okudumisile.

U-Isaya 59:18

Uyoziphindiselela kubo njengokwezenzo zabo, ulaka ezitheni zakhe, nenkokhelo efanele kwabamelene naye, nabaseziqhingini bayothola inkokhelo efanele izenzo zazo.

U-Isaya 51:5

Ukulunga kwami sekusondele, insindiso yami isiphumile, izingalo zami ziyokwehlulela izizwe; iziqhingi ziyongilindela zethembele engalweni yami.

U-Isaya 49:1

Ngilaleleni nina ziqhingi, niqaphele nina bantu abakude; uSimakade ungibizile kwasesibelethweni, wangiqamba igama kwasesiswini sikamame.

U-Isaya 42:10

Mhubeleni uSimakade ihubo elisha, indumiso yakhe kusukela emikhawulweni yomhlaba, nina enehlela olwandle nakho konke okukulo, nina ziqhingi nabakhileyo kuzo.

U-Isaya 41:5

Iziqhingi zibonile, ziyesaba; imikhawulo yomhlaba iyathuthumela, iyasondela, futhi isifikile.

U-Isaya 40:15

Impela, izizwe zinjengethonsi esitsheni, zifana nothuli esikalini; uyakuphakamisa iziqhingi njengothuli olucolisekileyo.

U-Isaya 24:15

Ngakho-ke empumalanga mdumiseni uSimakade, emazweni asogwini likhazimuliseni igama likaSimakade uNkulunkulu ka-Israyeli.

AmaHubo 72:10

Amakhosi aseTharishishi nawaseziqhingini ayakuletha izipho. Amakhosi aseShebha naseSebha ayoletha izipho.

UGenesise 10:25

U-Ebhere wazala amadodana amabili. Enye yawo kwakuthiwa nguPhelegi, ngoba ngesikhathi sakhe izwe ladatshulwa izifunda. Enye kwakuthiwa uJokithani.

UGenesise 10:4

Amadodana kaJavani kwakungu-Elisha, uTharishishi, uKhithimi, noDodanimi.

UGenesise 10:6

Amadodana kaHamu kwakunguKhushe, uMizirayimi, uPhuthi, noKhanani.

UHezekeli 26:15

“Isho kanje iNkosi uSimakade kulo iThire, ithi: ‘Iziqhingi aziyukuzamazama yini ngenxa yomsindo wokuwa kwakho, lapho abanamanxeba bebubula, nabafayo bebulawelwa kuwe na?

UHezekeli 26:18

Manje iziqhingi ziyazamazama ngosuku lokuwa kwakho; ziyazamazama iziqhingi ezisolwandle ngokubhubha kwakho.” ’ ”

UDaniyeli 11:18

Uyakuphendulela ubuso bakhe eziqhingini, adle eziningi, kepha isikhulu siyakuqeda ihlazo elenziwa nguye, futhi sibuyisele ihlazo lakhe kuye.

UGenesise 9:19

Kulawa madodana kaNowa amathathu kwavela kuwo abantu abasabalala nomhlaba wonke.

UGenesise 10:32

Yileyo-ke imindeni yamadodana kaNowa ngokozalo lwawo nangokwezizwe zawo. Kuwo kwavela izizwe ezasabalala nomhlaba wonke emveni kukazamcolo.

UDuteronomi 32:8

OPhezukonke lapho abela izizwe ifa lazo, lapho ehlukanisela abantwana babantu, wamisa imingcele yezizwe ngokwenani labantu bakwa-Israyeli.

Esteri 10:1

Inkosi u-Ahasheveroshi yathelisa intela izwe nababeseziqhingini zolwandle.

U-Isaya 11:11

Kuyothi ngalolo lusuku, iNkosi ibuye yelule isandla sayo okwesibili ukubutha insali yabantu bayo e-Asiriya, eGibhithe, ePhathirosi, eKhushe, e-Elamu, eShineyari, eHamathi, naseziqhingini ezisolwandle.