UEksodusi 4:18 - IsiZulu 2020

¹⁸ UMose wahamba wabuyela kumukhwe wakhe uJethro, wathi kuye: “Ngiyakucela, ngivumele ngihambe, ngibuyele kubahlobo bami abaseGibhithe, ngiyobona ukuthi basaphila yini.” UJethro wathi kuMose: “Hamba ngokuthula.”

IBHAYIBHELI ELINGCWELE

¹⁸ Wayesehamba uMose, wabuyela kuJetiro umukhwe wakhe, wathi kuye: “Ake ngihambe, ngibuyele kubafowethu abaseGibithe, ngize ngibone ukuthi basekhona yini.” UJetiro wathi kuMose: “Hamba nokuthula.”

Contemporary Zulu Bible 2024

¹⁸ Wayesehamba uMose, wabuyela kuJetiro umukhwe wakhe, wathi kuye: “Ngivumele ngibuyele kubafowethu abaseGibhithe, ngibone ukuthi basaphila yini. UJetro wathi kuMose: “Hamba ngokuthula.”

UEksodusi 4:18 Referans Kwoze

UEksodusi 3:1

UMose wayelusa umhlambi womukhwe wakhe uJethro, umphristi wakwaMidiyani. Wawuqhuba wedlula ehlane, waze wayofika eHorebhe entabeni kaNkulunkulu.

1 kuThimothewu 6:1

Bonke abaphansi kwejoka lobugqila mababazise abanumzane babo njengabafanelwe yinhlonipho yonke, ukuze igama likaNkulunkulu nemfundiso kungahlanjalazwa.

IzEnzo 16:36

Umgciniziboshwa wabikela uPawula lawa mazwi, wathi: “Izinduna zithumele ukuba nikhululwe. Ngakho-ke phumani khona manje, nihambe ngokuthula.”

IzEnzo 15:36

Kwathi sekwedlule izinsuku ezithile, uPawula wayesethi kuBharnabha: “Ake sibuyele emuva, sihambele abazalwane kuyo yonke imizi ngamunye esesishumayele kuyo izwi leNkosi, sibone ukuthi bahlezi kanjani.”

NgokukaLuka 7:50

Kepha wathi kowesifazane: “Ukukholwa kwakho kukusindisile. Hamba, ngokuthula.”

1 Samuweli 1:17

Wayesephendula u-Eli wathi: “Hamba ngokuthula; uNkulunkulu ka-Israyeli makakunike okucelileyo kuye.”

UGenesise 45:3

UJosefa wathi kubafowabo: “NginguJosefa. Ubaba usaphila na?” Abafowabo abakwazanga ukumphendula, ngoba babethuke kakhulu.

UEksodusi 2:21

UMose wavuma ukuhlala nalowo muntu. Waganisela uMose indodakazi yakhe uZiphora.

2 AmaKhosi 5:19

Wathi kuye: “Hamba ngokuthula.” Wahamba, wasuka kuye ibangana.

AbAhluleli 18:6

Umphristi wathi kuwo: “Hambani ngokuthula. Uhambo eniluthathile luphansi kweso likaSimakade.”

2 AmaKhosi 5:10

U-Elisha wathumela isithunywa kuye, wathi: “Hamba ugeze kasikhombisa eJordani; inyama yakho izobuyela esimweni sayo, uhlambuluke.”