UEksodusi 34:10 - IsiZulu 2020

¹⁰ Wathi kuMose: “Bheka, ngenza isivumelwano phambi kwabo bonke abantu bakho. Ngiyokwenza izimangaliso phambi kwabo bonke abantu bakho, ezingakaze zenziwe emhlabeni wonke, naphakathi kwezizwe zonke. Bonke abantu enihlala phakathi kwabo bayokuwubona umsebenzi kaSimakade, ngokuba kuyinto eyesabekayo lokhu engizokwenza ngawe.

IBHAYIBHELI ELINGCWELE

¹⁰ Wayesethi: “Bheka, ngiyenza isivumelwano; phambi kwabantu bonke bakho ngiyakuzenza izimangaliso ezingazange zenziwe emhlabeni wonke nakusiphi isizwe; bonke abantu okhona phakathi kwabo bayakuwubona umsebenzi kaJehova, ngokuba kuyesabeka lokhu engikwenza kuwe.

Contemporary Zulu Bible 2024

¹⁰ Wathi: “Bheka, ngenza isivumelwano: phambi kwabantu bonke bakho ngiyakwenza izimangaliso ezingazange zenziwe emhlabeni wonke nakusiphi isizwe; zonke izizwe onazo ziyakwenza umsebenzi kaJehova, ngokuba kuyinto embi engizoyenza kuwe.

UEksodusi 34:10 Referans Kwoze

UDuteronomi 10:21

Uludumo lwakho, unguNkulunkulu wakho okwenzele lezi zinto ezinkulu nezesabekayo ozibonile ngamehlo akho.

AmaHubo 77:14

Wena unguNkulunkulu owenza izimangaliso, amandla akho uwazisile ezizweni.

U-Isaya 64:3

Lapho wenza izinto ezimangalisayo esasingazilindele, wehla; izintaba zathuthumela phambi kwakho.

AmaHubo 66:5

Wozani nibone ukuthi uNkulunkulu wenzeni, akwenzayo kuyesabeka phakathi kwabantu.

UJeremiya 32:21

Wabakhipha abantu bakho u-Israyeli, eGibhithe, ngezibonakaliso nangezimangaliso, ngesandla esinamandla, ngezikhwepha, nangokwesabeka okukhulu.

2 Samuweli 7:23

Yisiphi isizwe esisodwa nje emhlabeni esinjengabantu bakho, u-Israyeli, uNkulunkulu ayakuzihlengela sona ukuba sibe ngabantu bakhe, azenzele igama, anenzele nina izinto ezinkulu, alenzele izwe lakini izinto ezesabekayo phambi kwabantu bakho, owazihlengela bona eGibhithe ezizweni nakonkulunkulu bazo na?

AmaHubo 78:12

Izimangaliso wazenza phambi koyisemkhulu eGibhithe, eZowani.

AmaHubo 66:3

Yishoni kuNkulunkulu, nithi: “Yeka ubukhulu bemisebenzi yakho! Ngenxa yobukhulu bamandla akho, izitha zakho ziyothoba phansi kwakho.

UDuteronomi 32:30

Oyedwa angayixosha kanjani inkulungwane, ababili bahubhe izinkulungwane ezilishumi, uma idwala labo belingathengisanga ngabo, uSimakade ebengabanikelanga, na?

UJoshuwa 6:20

Abantu bamemeza kakhulu, kwakhala amacilongo. Kwathi ukuba abantu bezwe ukukhala kwamacilongo, bamemeza kakhulu, lwawa udonga, ngakho-ke abantu bawuthelekela, bawudla umuzi.

UEksodusi 34:27

USimakade wathi kuMose: “Zibhalele lawa mazwi, ngokuba ngalawa mazwi ngenzile isivumelwano nawe no-Israyeli.”

AmaHubo 145:6

Abantu bayakukhuluma ngamandla ezenzo zakho ezesabekayo, ubukhulu bakho ngiyakubumemezela.

AmaHubo 106:22

izimangaliso ezweni lika-Hamu, nokwesabekayo ngasoLwandle Lomhlanga.

AmaHubo 76:12

Unquma umoya wezikhulu, uyesabeka emakhosini omhlaba.

AmaHubo 65:5

Uyakusiphendula ngezenzo ezesabekayo ekulungeni, Nkulunkulu wensindiso yethu. Wena uyithemba lemikhawulo yonke yomhlaba nelolwandle olukude,

AmaHubo 147:20

Asikho isizwe ake wenza kanjalo kuso, azizazi izehlulelo zakhe. Haleluya!

UDuteronomi 4:13

Wamemezela kini isivumelwano sakhe aniyala ngaso ukuba nisigcine, imiyalelo elishumi ayiloba ezibhebheni ezimbili zamatshe.

AmaHubo 68:35

Nkulunkulu, uyesabeka ezindaweni zakho ezingcwele, uNkulunkulu ka-Israyeli abantu bakhe ubapha amandla nezikhwepha. Makadunyiswe uNkulunkulu.

UEksodusi 34:28

Wahlala lapho noSimakade izinsuku ezingama-40, nobusuku obungama-40, akadlanga lutho, futhi akaphuzanga manzi. Wabhala ezibhebheni amazwi esivumelwano, imiyalelo elishumi.

UDuteronomi 9:19

Nakuba ngangilwesaba ulaka nentukuthelo uSimakade ayenithukuthelele ngakho ukuba anibhubhise, nokho uSimakade wangizwa futhi nangaleso sikhathi.

AmaHubo 72:18

Makabongwe uSimakade uNkulunkulu, uNkulunkulu ka-Israyeli, okunguYena kuphela owenza izimangaliso.

AmaHubo 136:4

yona yodwa eyenza izimangaliso ezinkulu, ngokuba umusa wakhe umi phakade;

UMikha 7:15

“Njengasemihleni yokuphuma kwakho eGibhithe ngiyakubabonisa izimangaliso.”