UEksodusi 12:28 - IsiZulu 2020

²⁸ Abantu bakwa-Israyeli bahamba njengoba uSimakade ebayalile oMose no-Aroni.

IBHAYIBHELI ELINGCWELE

²⁸ Abantwana bakwa-Israyeli basuka, benze njalo; njengalokho uJehova ebayalile oMose no-Aroni, benze njalo-ke.

Contemporary Zulu Bible 2024

²⁸ Abantwana bakwa-Israyeli basuka, benza njengalokho uJehova ebayalile oMose no-Aroni, benze njalo-ke.

UEksodusi 12:28 Referans Kwoze

KumaHeberu 11:28

Ngokukholwa, wamisa iPhasika nokufafaza ngegazi, ukuze umbhubhisi angawathinti amazibulo abo.

UEksodusi 12:27

Niyothi: ‘Ngumhlatshelo wephasika likaSimakade, ngokuba wazedlula izindlu zabakwa-Israyeli eGibhithe, mzukwane ebulala abaseGibhithe, kodwa wazeqa izindlu zethu.’ ” Abantu bakhothama badumisa.

UEksodusi 12:29

Phakathi kwamabili uSimakade wabhubhisa wonke amazibulo abaseGibhithe, kusukela ezibulweni likaFaro owayehleli esihlalweni sakhe sobukhosi ngaleso sikhathi, kuya ezibulweni lesiboshwa esisejele, nawo wonke amazibulo emfuyo.

UEksodusi 7:6

UMose no-Aroni benza njengalokhu uSimakade ayebayalile.

UEksodusi 7:10

UMose no-Aroni baya kuFaro benza njengalokhu uSimakade ebayalile; u-Aroni wayiphonsa phansi induku yakhe phambi kukaFaro nezikhulu zakhe, yaphenduka inyoka.

UEksodusi 12:35

Abantu bakwa-Israyeli benza njengoba uMose ayebatshelile; bacela kwabaseGibhithe ubucwebecwebe besiliva, igolide, nezimpahla zokugqoka.

UEksodusi 14:4

“Ngiyakuyenza lukhuni inhliziyo kaFaro, uyakubalandela, ukuze ngithole udumo ngoFaro nangempi yakhe yonke; abaseGibhithe bayakukwazi ukuthi nginguSimakade.” Benza kanjalo.

UEksodusi 36:1

“UBhezaleli no-Oholiyabhe bayosebenza nabo bonke abanekhono, uSimakade abeke kubo ukuhlakanipha, ukuqonda nokwazi ukwenza wonke umsebenzi wokwakha indawo engcwele, ngendlela uSimakade ayale ngayo.”

UEksodusi 39:32

Waphothulwa kanjalo-ke wonke umsebenzi wethabanakeli lethende lokuhlangana; abantu bakwa-Israyeli benza njengakho konke uSimakade ayemyale ngakho uMose.

UEksodusi 39:42

Abantu bakwa-Israyeli bawenza wonke umsebenzi njengalokhu uSimakade ayemyalile uMose.

UEksodusi 39:43

UMose wawuhlola wonke umsebenzi, wawubona ukuthi wenziwe njengalokhu uSimakade ayemyalile, ngakho-ke uMose wababusisa.

ULevitikusi 24:23

UMose wakhuluma nabantu bakwa-Israyeli; bamkhiphela ngaphandle kwenkambu lowo othukileyo, bamkhanda ngamatshe. Abakwa-Israyeli benza njengalokhu uSimakade ayemyalile uMose.

UNumeri 1:54

Abakwa-Israyeli benza konke njengalokhu uSimakade ayemyalile uMose.

UNumeri 5:4

Abantu bakwa-Israyeli benza kanjalo, babakhiphela ngaphandle kwenkambu; njengalokhu uSimakade ayekhulume noMose, benza kanjalo-ke abantu bakwa-Israyeli.

UNumeri 31:31

UMose no-Eleyazare, umphristi, benza njengalokhu uSimakade ayemyalile uMose.

UNumeri 31:41

UMose wanika u-Eleyazare, umphristi, intela eyayingumnikelo kaSimakade, njengalokhu uSimakade ayemyalile uMose.

UNumeri 31:47

Engxenyeni eyatholwa ngu-Israyeli uMose, wathatha okukodwa kubantu nasezilwaneni wakunika abaLevi ababenakekela ithabanakeli likaSimakade, njengalokhu uSimakade ayemyalile uMose.

UDuteronomi 34:9

UJoshuwa, indodana kaNuni, wayegcwele umoya nokuhlakanipha, ngokuba uMose wayebeke izandla kuye; abantu bakwa-Israyeli bamlalela, benza njengalokhu uSimakade ayemyalile uMose.

UJoshuwa 2:21

Wathi: “Makube njengoba nisho.” Wayesewakhulula aqhubeka nohambo lwawo. Yena wabophela intambo ebomvu efasiteleni.

UJoshuwa 4:8

Abantu bakwa-Israyeli benza njengoba uJoshuwa wayebayalile; bathatha amatshe ali-12 phakathi neJordani njengalokhu uSimakade ayeshilo kuJoshuwa, njengokwezizwe zakwa-Israyeli; bawathwala bawela nawo, baya endaweni lapho babezolala khona, base bewabeka phansi lapho.

UJoshuwa 14:5

Abakwa-Israyeli benza njengoba uSimakade ayemyalile uMose; balehlukanisa izwe.

2 Samuweli 5:25

UDavide wenza njengalokhu uSimakade ayemyalile, wawabhubhisa amaFilisti kusukela eGebha kuze kuyofika eGezeri.

1 AmaKhosi 17:5

Wahamba, wenza njengalokhu izwi likaSimakade limyalile; wahamba wahlala ngasemfudlaneni iKherithi ophambi kweJordani.