UEksodusi 10:21 - IsiZulu 2020

²¹ USimakade wathi kuMose: “Yelulela isandla sakho ngasezulwini ukuze kube mnyama eGibhithe, ubumnyama obuphathekayo.”

IBHAYIBHELI ELINGCWELE

²¹ UJehova wayesethi kuMose: “Yelula isandla sakho ngasezulwini ukuba kube khona ubumnyama ezweni laseGibithe obuphatheka ngesandla.”

Contemporary Zulu Bible 2024

²¹ INkosi yasisithi kuMozisi: Yelulela isandla sakho ezulwini, ukuze kube lobumnyama phezu kwelizwe leGibhithe, yebo, ubumnyama obuphathekayo.

UEksodusi 10:21 Referans Kwoze

EkaJuda 1:6

Nezingelosi ezingayigcinanga indawo yazo yokubusa, kepha ezayishiya indawo yazo yokuhlala; uzigcine ziboshwe ngezinsinga ingunaphakade, ebumnyameni obuphakade, ukuze zehlulelwe ngosuku olukhulu.

2 kaPetru 2:17

Laba bayimithombo eshileyo nenkungu epheshulwa yisiphepho, bagcinelwe isigayegaye sobumnyama.

2 kaPetru 2:4

Uma ngempela uNkulunkulu engazange aziyeke izingelosi ezona, kodwa wazilahla kwalasha, emigodini yesigayegaye sobumnyama, ziboshwe ngamaketango, ukuze zigcinwe lapho futhi zilethwe ekwehlulelweni,

NgokukaLuka 23:44

Kwathi ngehora lesithupha kwaba mnyama ezweni lonke, kwaze kwaba yihora lesishiyagalolunye.

NgokukaMarku 15:33

Ngehora lesithupha kwaba mnyama ezweni lonke, kwaze kwaba yihora lesishiyagalolunye.

Mathewu 27:45

Kusukela ngehora lesithupha, kwaba mnyama ezweni lonke, kwaze kwaba yihora lesishiyagalolunye.

IzAga 4:19

Indlela yezikhohlakali injengobumnyama; abazi nokuthi bakhutshwa yini.

AmaHubo 105:28

Wabehlisela ngobumnyama, kwaba mnyama ezweni, kepha baphambana namazwi akhe.

UDuteronomi 28:29

Uyophuphutheka emini njengempumputhe iphuphutheka ebumnyameni. Awuyukuphumelela ezindleleni zakho, uyakucindezelwa kuphela, uphangwe; akuyukuba bikho muntu oyokuhlenga.

UEksodusi 9:22

USimakade wathi kuMose: “Yelulela isandla sakho ngasezulwini, ukuze isichotho sehlele kulo lonke iGibhithe, kubantu, ezilwaneni, nakuzo zonke izitshalo ezisemasimini eGibhithe.”

EkaJuda 1:13

Bakhefuza amahlazo abo njengamaza adlangalalayo, bayantunta njengezinkanyezi ezigcinelwe ubumnyama baphakade.

UmShumayeli 6:4

ngokuba kufikela ezeni, kuye ebumnyameni, ubumnyama buyaligqiba igama lakho.

UmShumayeli 2:14

Umuntu ohlakaniphile uyabona ukuthi uyaphi, kodwa isiwula sidukuza ebumnyameni. Kodwa ngabona ukuthi siyafana isiphetho sabo bobabili.

AmaHubo 78:49

Ukuvutha kolaka lwakhe wakuthululela phezu kwabo, ulaka, ukufutheka nokuhlupheka, ngokuthuma izithunywa zobubi.

AmaHubo 35:6

Indlela yabo mayibe mnyama, ishelele, ingelosi kaSimakade ibahubhe.

IsAmbulo 8:12

Ingelosi yesine yayisibetha icilongo; kwashaya ingxenye yokwesithathu kwelanga, okwesithathu kwenyanga, okwesithathu kwezinkanyezi, ukuze okwesithathu kokukhanya kwakho kube mnyama nokwesithathu kwemini kungakhanyi, kanjalo nobusuku.

UEksodusi 7:19

USimakade wathi kuMose: “Yisho ku-Aroni uthi: ‘Thatha induku yakho uyelulele phezu kwamanzi aseGibhithe, phezu kwemithombo, naphezu kwemifula, phezu kwamaxhaphozi, namachibi, ukuze amanzi aphenduke igazi. Kuyoba negazi kulona lonke iGibhithe, ngisho nasezitsheni zokhuni nezitsha zamatshe.’ ”

UHezekeli 32:7

Kuyakuthi lapho sengiqeda nya ngawe, ngisibekele amazulu, ngenze izinkanyezi zawo zibe mnyama, ngilemboze ngefu ilanga, nenyanga ingakhanyisi ngokukhanya kwayo.

UDuteronomi 1:30

USimakade uNkulunkulu wenu ohamba phambi kwenu uyonilwela, njengoba enza kini eGibhithe nibuka.

UDuteronomi 4:34

Ukhona yini unkulunkulu owake walinga ukuza azithathele isizwe phakathi kwesinye isizwe ngezilingo, ngezibonakaliso, ngezimangaliso, ngempi, ngesandla esinamandla, ngengalo eyeluliweyo, nangengebhe enkulu njengakho konke uSimakade uNkulunkulu wenu anenzela khona eGibhithe, nizibonela ngawenu, na?

UJobe 5:14

Bahlangabezana nobumnyama emini kwabha, baphuphutheke emini, kube sengathi kusebusuku.