UDuteronomi 28:4 - IsiZulu 2020

⁴ “Siyakubusiswa isithelo sesibeletho sakho, nesomhlaba wakho, nesemfuyo yakho, kwande amankonyane ezinkomo zakho namazinyane ezimvu zakho.

IBHAYIBHELI ELINGCWELE

⁴ “Iyakubusiswa inzalo yesisu sakho, nezithelo zomhlaba wakho, nenzalo yezilwane zakho, nesanda sezinkomo zakho, namazinyane ezimvu zakho.

Contemporary Zulu Bible 2024

⁴ Iyakubusiswa inzalo yesisu sakho, nenzalo yezwe lakho, nenzalo yezinkomo zakho, nesanda sezinkomo zakho, nezimvu zezimvu zakho.

UDuteronomi 28:4 Referans Kwoze

IzAga 10:22

Isibusiso sikaSimakade siyacebisa; akenezeleli usizi kuso.

UDuteronomi 7:13

Uyakukuthanda, akubusise, akwandise, abusise nesithelo sesibeletho sakho, isithelo somhlabathi wakho, okusanhlamvu kwakho, iwayini lakho, amafutha akho, inzalo yezinkomo zakho, nezimvu zakho zande ezweni afunga ngalo kokhokho bakho ukukunika lona.

UGenesise 49:25

ngoNkulunkulu kayihlo ozokusiza, ngoSomandla ozokubusisa ngezibusiso zasezulwini phezulu, nezibusiso zasemajukujukwini omhlaba, nangezibusiso zamabele nezesibeletho.

AmaHubo 128:3

Umkakho uyakuba njengomvini othelayo emzini wakho, abantwana bakho babe njengezithombo zomnqumo, bahlale bazungeze itafula lakho.

UDuteronomi 28:11

USimakade uyakukwandisela okuhle: isithelo sesibeletho sakho, esemfuyo yakho, nesomhlabathi wakho, ezweni uSimakade afunga kokhokho bakho ukukunika lona.

AmaHubo 107:38

Wababusisa, banda kakhulu, akaze ayinciphisa imfuyo yabo.

ULevitikusi 26:9

“ ‘Ngiyonenzela umusa, nginenze nichume kakhulu, nginandise, ngiqinise isivumelwano sami nani.

IzAga 13:22

Olungileyo ushiyela abantwana babantwana bakhe ifa, kepha ingcebo yesoni ibekelelwa olungileyo.

UGenesise 22:17

ngizokubusisa impela, ngiyokwenza izizukulwane zakho zibe ziningi njengezinkanyezi esibhakabhakeni, nanjengesihlabathi ogwini lolwandle. Izizukulwane zakho ziyakunqoba izitha zazo, zidle nemizi yazo,

IzAga 20:7

Olungileyo uhamba ngobuqotho; babusisiwe abantwana bakhe.

1 kuThimothewu 4:8

ngokuba ukuvocavoca umzimba kusiza kancane, kodwa ukwesaba uNkulunkulu kusiza ezintweni zonke, futhi kunesithembiso kulokhu kuphila nakulokho okuzayo.

AmaHubo 127:3

Bheka, abantwana bayifa elivela kuSimakade, isithelo sesibeletho singumklomelo.

UGenesise 39:5

Kusukela ngaleso sikhathi eyambeka ngaso, waba ngumphathi wendlu yayo, nakho konke eyayinakho; uSimakade wawubusisa umuzi walowo mGibhithe, nakho konke ayenakho. Isibusiso sikaSimakade sasiphezu kwakho konke uPotifari ayenakho endlini nasemasimini.

UDuteronomi 28:3

“Uyakubusiswa emzini, ubusiswe nasensimini.

UDuteronomi 28:5

“Kuyakubusiswa iqoma lakho, nomkhombe wakho wokuxovela isinkwa.

UDuteronomi 28:18

“Isithelo sesibeletho sakho, isithelo somhlabathi wakho, amankonyane ezinkomo zakho, namazinyane ezimvu zakho, kuyakuqalekiswa.