IsiHlabelelo seziHlabelelo 5:16 - IsiZulu 2020

¹⁶ Okuphuma emlonyeni wakhe kumnandi, konke ayikho kuyanxaneleka. Yilowo othandiweyo wami, yilowo-ke ongumngani wami, madodakazi aseJerusalema.

IBHAYIBHELI ELINGCWELE

¹⁶ Umlomo wakhe umnandi, uyanxaneleka wonke; yilowo ongothandiweyo wami, yilowo ongumngane wami, nina madodakazi aseJerusalema.

Contemporary Zulu Bible 2024

¹⁶ Umlomo wakhe umnandi; yebo, uthandeka ngokuphelele. Lo ungothandiweyo wami, lo ngumngane wami, madodakazi aseJerusalema.

IsiHlabelelo seziHlabelelo 5:16 Referans Kwoze

AmaHubo 45:2

Wena umuhle kunabo bonke abantu, umusa uthululelwe ezindebeni zakho. Ngakho-ke uNkulunkulu ukubusisile kuze kube phakade.

IsiHlabelelo seziHlabelelo 7:9

nolwanga lwakho lufane newayini elihle, elehla kabushelelezi kothandiweyo wami, lewuka ezindebeni nasemazinyweni.

EkaJakobe 4:4

Ziphingi, anazi yini ukuthi ukuthanda izwe kungubutha kuNkulunkulu na? Ngakho-ke lowo othanda ukuba ngumngani wezwe, uzenza isitha sikaNkulunkulu.

EkaJakobe 2:23

Kwagcwaliseka umbhalo othi: “U-Abhrahama wakholwa nguNkulunkulu, kwabalelwa kuye ukuthi kungukulunga.” Wayesebizwa ngokuthi ungumngani kaNkulunkulu.

KwabaseFilipi 3:8

Yebo impela, ngikushaya indiva ngenxa yobukhulu bokumazi uKhristu uJesu iNkosi yami, engilahlekelwe yikho konke ngenxa yakhe, ngikushaya izibi ukuze ngizuze uKhristu,

KwabaseGalathiya 2:20

Ngiyaphila, kodwa akuseyimi ophilayo, kepha uKhristu ophila kimi, ngakho-ke ukuphila engikuphilayo manje enyameni, ngikuphila ngokukholwa yiNdodana kaNkulunkulu eyangithanda, yazinikela ngenxa yami.

Hoseya 3:1

USimakade wathi kimi: “Hamba futhi, umthande owesifazane osethandwa ngomunye, nakuba ephingile. Mthande njengalokhu uSimakade ethanda abantu bakwa-Israyeli, noma sebephendukele kwabanye onkulunkulu, bathanda amakhekhe anamagilebhisi omisiwe.”

UJeremiya 15:16

Amazwi akho afunyanwa, ngawadla; amazwi akho aba ngukujabula kimi, nokuthokoza kwenhliziyo yami, ngokuba ngibizwa ngegama lakho, Simakade Nkulunkulu Wamabandla.

UJeremiya 3:20

Impela njengomfazi ekhohlisa umyeni, kanjalo ningikhohlisile nina ndlu ka-Israyeli,” kusho uSimakade.

IsiHlabelelo seziHlabelelo 6:3

Mina ngingowothandiweyo wami, nothandiweyo wami ungowami. Welusela phakathi kweminduze.

IsiHlabelelo seziHlabelelo 2:16

Othandiweyo wami ungowami, nami ngingowakhe; welusela phakathi kweminduze.

IsiHlabelelo seziHlabelelo 2:3

Njengesihlahla samahhabhula phakathi kwezihlahla ehlathini, unjalo othandiweyo wami phakathi kwezinsizwa. Emthunzini wakhe, ngahlala phansi ngokwenama, isithelo sakhe sasimnandi emlonyeni wami.

IsiHlabelelo seziHlabelelo 2:1

Ngiyimbali yaseSharoni, nomnduze wezimfunda.

IsiHlabelelo seziHlabelelo 1:16

Bheka, umuhle, wena othandiweyo wami, yebo, uyathokozisa. Indawo esicambalala kuyo iluhlaza.

IsiHlabelelo seziHlabelelo 1:2

Makangiqabule ngokuqabula komlomo wakhe! Uthando lwakho lumnandi kunewayini.

AmaHubo 148:13

Manidumise igama likaSimakade, ngokuba ngelakhe lodwa igama eliphakemeyo, inkazimulo yakhe iphezu komhlaba nezulu.

AmaHubo 119:103

Anambitheka kamnandi amazwi akho, adlula uju emlonyeni wami.

AmaHubo 89:6

Ngubani osemafini ongalinganiswa noSimakade na? Ngubani phakathi kwamadodana kaNkulunkulu ongafaniswa noSimakade na?

AmaHubo 19:10

Zinxanelekile kunegolide, ngisho nenqwaba yegolide elicwengekileyo. Zimnandi ukwedlula uju oluconsa emakhekhebeni.

2 Samuweli 1:23

“USawule noJonathani babethandeka, beyigugu; ekuphileni nasekufeni kwabo kabehlukaniswanga; babenejubane kunezinkozi, benamandla kunezingonyama.

IsiHlabelelo seziHlabelelo 1:5

Madodakazi aseJerusalema, ngimnyama kodwa ngimuhle. Nginjengamathende akwaKhedari, nanjengamakhethini kaSolomoni.

IsiHlabelelo seziHlabelelo 4:3

Izindebe zomlomo wakho zifana nomucu obomvu, umlomo wakho muhle, ufana nocezu lwehananadi, ngale kwemvakazi yakho.