Mathewu 15:31 - IsiZulu 2020

³¹ Isixuku saze samangala sibona izimungulu zikhuluma, abakhubazekile besinda, izinyonga zihamba, nezimpumputhe zibona. Base bemdumisa uNkulunkulu ka-Israyeli.

IBHAYIBHELI ELINGCWELE

³¹ baze bamangala abantu bebona izimungulu zikhuluma, izilima zisindile, izinyonga zihamba, izimpumputhe zibona; bamdumisa uNkulunkulu ka-Israyeli.

Baasraak Zulu New Testament Bible

³¹ baze bamangala izixuku zibona izimungulu zikhuluma, izilima zisindile, izinyonga zihamba, nezimpumputhe zibona, bamdumisa uNkulunkulu ka-Israyeli.

Contemporary Zulu Bible 2024

³¹ baze bamangala izixuku zibona izimungulu zikhuluma, izilima zisindile, izinyonga zihamba, nezimpumputhe zibona, bamdumisa uNkulunkulu ka-Israyeli.

Mathewu 15:31 Referans Kwoze

Mathewu 9:8

Izixuku zikubona lokho zethuka, zamdumisa uNkulunkulu onike abantu igunya elinjalo.

NgokukaLuka 18:43

Yayisibona khona manjalo, yamlandela imdumisa uNkulunkulu, nabantu bonke bekubona lokho bamdumisa uNkulunkulu.

NgokukaLuka 7:16

Bonke behlelwa wukwesaba, bamdumisa uNkulunkulu, bathi: “Kufike umphrofethi omkhulu phakathi kwethu,” bathi futhi: “UNkulunkulu ubahambele abantu bakhe.”

Mathewu 18:8

Kepha uma isandla sakho sikukhubekisa noma ngabe wunyawo lwakho, kunqume, ukulahle. Kungcono kuwe ukuba ungene ekuphileni uyingini noma ulunyonga, kunokuba uphonswe emlilweni ongunaphakade unezandla zombili nezinyawo zombili.

Mathewu 9:33

Kuthe selikhishiwe idimoni, isimungulu sakhuluma. Izixuku zamangala, zathi: “Hawu, akukaze kubonwe okunje kwa-Israyeli!”

Johane 9:24

Bayibiza ngokwesibili le ndoda ebiyimpumputhe, bathi kuyo: “Mnike uNkulunkulu udumo; thina siyazi ukuthi lo muntu uyisoni.”

NgokukaLuka 14:21

“Inceku isibuyile, yayibikela inkosi yayo ngalokho. Umninindlu wathukuthela, khona wayesethi encekwini yakhe: ‘Phuthuma, uye emigwaqweni nasemihubheni yomuzi; ungenise lapha abampofu, abakhubazekile, izimpumputhe, nezinyonga.’

NgokukaLuka 14:13

Kepha uma wenza idili, mema abampofu, abakhubazekileyo, izinyonga, nezimpumputhe;

NgokukaMarku 9:43

“Uma isandla sakho sikukhubekisa, sinqume. Kungcono kuwe ukuba ungene ekuphileni uyingini kunokuba uye esihogweni, emlilweni ongacimekiyo, unezandla zombili.

NgokukaMarku 7:37

Bamangala ngokwedlulele, bathi: “Wenze konke kahle; izithulu uzenza zizwe, nezimungulu zikhulume.”

NgokukaMarku 2:12

Wayesevuka, wathatha uhlaka lwakhe masinyane, waphuma phambi kwabo bonke. Bamangala bonke, bamdumisa uNkulunkulu, bathi: “Asikaze sikubone okunje.”

Mathewu 21:14

Kwase kufika kuye izimpumputhe, nezinyonga esesethempelini, waziphulukisa.

AmaHubo 50:23

Onikela ngomnikelo wokubonga uyangidumisa, oqaphela indlela yakhe ngiyakumbonisa insindiso kaNkulunkulu.”

AmaHubo 50:15

ngibize ngosuku lwenhlupheko, ngiyakukukhulula, wena uyakungidumisa.”

UEksodusi 24:10

bambona uNkulunkulu ka-Israyeli; phansi kwezinyawo zakhe kwakukhona okwakufana nendawo egandaywe ngamatshe esafire, kungathi yizulu uqobo ngokucweba.

UGenesise 33:20

Wakha i-althare lapho, walibiza ngokuthi yi-Eli Elohe Israyeli.

UGenesise 32:28

Yayisithi kuye: “Awusezukubizwa ngokuthi unguJakobe, usuzobizwa ngokuthi ungu-Israyeli, ngokuba ulwe noNkulunkulu nabantu, wanqoba.”

Mathewu 8:10

UJesu ekuzwa lokhu wamangala, wayesethi kwababemlandela: “Ngiqinisile ngithi kini: angikaze ngikufumane kumuntu ukukholwa okungaka kwa-Israyeli.

Mathewu 9:32

Ngesikhathi ziphuma, kwalethwa kuye umuntu oyisimungulu enamadimoni.

Mathewu 15:30

Isixuku esikhulu seza kuye silethe izinyonga, izimpumputhe, izimungulu, izilima, nabanye abaningi. Bababeka ngasezinyaweni zakhe; wabaphulukisa.