IzAga 4:19 - IsiZulu 2020

¹⁹ Indlela yezikhohlakali injengobumnyama; abazi nokuthi bakhutshwa yini.

IBHAYIBHELI ELINGCWELE

¹⁹ Indlela yababi injengobumnyama; abazi ukuthi bakhubeka ngani.

Contemporary Zulu Bible 2024

¹⁹ Indlela yababi injengobumnyama; abazi ukuthi bakhubeka ngani.

IzAga 4:19 Referans Kwoze

Johane 12:35

UJesu wayesethi kubo: “Kuseyisikhashana ukukhanya kukhona phakathi kwenu. Hambani nisenokukhanya, ukuze ningaficwa ngubumnyama. Ohamba ebumnyameni, akazi ukuthi uya kuphi.

UJeremiya 23:12

“Ngakho-ke indlela yabo iyakuba bushelelezi kubo; bayakududulelwa ebumnyameni, bawe kubo; ngiyobehlisela inhlekelele ngonyaka engiyobajezisa ngawo,” kusho uSimakade.

1 Samuweli 2:9

“Uyakugcina izinyawo zabathembekileyo bakhe, kodwa izikhohlakali ziyakubhujiswa ebumnyameni, ngokuba akukho muntu oyakuphumelela ngamandla akhe odwa.

UJeremiya 13:16

Mnikeni uSimakade uNkulunkulu wenu udumo, engakabulethi ubumnyama, zingakakhubeki izinyawo zenu ezintabeni zokuhwalala, niyokuthi nisabheke ukukhanya akuphendule ithunzi lokufa, akwenze kube yisigayegaye sobumnyama.

Johane 11:10

Kepha uma ehamba ebusuku uyakhubeka, ngokuba kungekho ukukhanya kuye.”

Mathewu 15:14

Bayekeni; bangabaholi abayizimpumputhe. Kepha uma impumputhe ihola enye impumputhe, zombili ziyakukhalakathela emgodini.”

Mathewu 7:23

Khona ngiyakubatshela emehlweni, ngithi: ‘Angizange nginazi; sukani kimi nina benzi bokubi.’

IzAga 2:13

abadela izindlela zobuqotho, bahambe ebumnyameni.

UJobe 18:18

Siyakuxoshwa ekukhanyeni, siyiswe ebumnyameni, sixoshwe emhlabeni.

UJobe 12:25

Baphuphutheka ebumnyameni bengenakukhanya, ubabhamazelisile njengezidakwa.”

UJobe 5:14

Bahlangabezana nobumnyama emini kwabha, baphuphutheke emini, kube sengathi kusebusuku.

1 kaJohane 2:11

Kepha ozonda umzalwane wakhe, usebumnyameni, uhamba ebumnyameni, akazi lapho eya khona, ngokuba ubumnyama buwaphuphuthekisile amehlo akhe.

AmaHubo 82:5

Kabanakwazi nakuqonda, badukuza ebumnyameni; zonke izisekelo zomhlaba ziyazamazama.

IzAga 22:5

Ameva nezingibe kusendleleni yabaphambukileyo, kodwa ogcina umphefumulo wakhe uhambela kude nakho.