IzAga 21:8 - IsiZulu 2020

⁸ Indlela yonecala igwegwile, kodwa inkambo yolungileyo iqondile.

IBHAYIBHELI ELINGCWELE

⁸ Indlela yothweswe icala iyinsongensonge, kepha ohlanzekileyo, isenzo sakhe silungile.

Contemporary Zulu Bible 2024

⁸ Indlela yomuntu ayilungile futhi iyinqaba, kepha ohlanzekileyo umsebenzi wakhe ulungile.

IzAga 21:8 Referans Kwoze

IzAga 2:15

abandlela zabo zigwegwile, nemikhondo yabo imazombezombe.

1 kaJohane 3:3

Bonke abanalelo themba kuye, bayazihlambulula, njengokuba Yena ehlambulukile.

1 kaJohane 2:29

Uma nazi ukuthi Yena ulungile, yazini-ke futhi ukuthi yilowo nalowo owenza ukulunga uzelwe nguye.

KuThithu 3:5

wasisindisa; hhayi ngemisebenzi yokulunga esayenza, kodwa ngokwesihawu sakhe, ngokugezwa kokuphindu kuzalwa, ngokuba senziwe basha ngoMoya oNgcwele,

KuThithu 3:3

Ngokuba nathi kade sasiyiziwula, singalaleli, sidukiswa, siyizigqila zezinkanuko nokutamasa okunhlobonhlobo, siphila ebubini, sinomona, sizondwa futhi sizondana.

KuThithu 1:15

Kwabahlanzekileyo konke kuhlanzekile, kepha kwabangcolileyo nabangakholwayo akukho lutho oluhlanzekileyo, kodwa kungcole ingqondo nonembeza wabo.

1 kwabaseKorinte 3:3

ngokuba niphila ngokwenkambiso yabantu. Uma nje kusekhona kini umhawu nokuphikisana, anisibo yini abenyama? Anihambisi yini okwabantu na?

IzEnzo 15:9

Akenzanga mehluko phakathi kwethu nabo, ehlambulula izinhliziyo zabo ngokukholwa.

Mathewu 12:33

“Kuphakathi kokuba nithi umuthi muhle, nesithelo sawo sibe sihle; noma nithi mubi, nesithelo sawo sibe sibi; ngokuba umuthi waziwa ngesithelo sawo.

Mathewu 5:8

Babusisiwe abanenhliziyo ehlanzekileyo, ngokuba bayakumbona uNkulunkulu.

UDaniyeli 12:10

Bayakuzihlanza, bazenze mhlophe, abaningi bayakucwengisiswa, kepha ababi bayakwenza kabi, akukho noyedwa omubi oyakuba nokuqonda; abahlakaniphileyo bayakuqonda.

UmShumayeli 9:3

Nabu ububi obukukho konke okwenzeka phansi komthunzi welanga: bonke behlelwa yinto efanayo; izinhliziyo zabo bonke abantu zigcwele ububi, ukuhlanya kukuzo besaphila, emuva kwalokho baya kwabafileyo.

UmShumayeli 7:29

Yilokhu kodwa engakuthola, ukuthi uNkulunkulu wabenza abantu baba qotho, kodwa bona bazisungulela amaqhinga amaningi.”

IzAga 30:12

Lesi yisizukulwane esizibona simsulwa emehlweni aso, esingahlanzwanga insila yaso.

IzAga 15:26

Amacebo omubi ayisinengiso kuSimakade, kepha amazwi amnene ayamenamisa.

UGenesise 6:12

UNkulunkulu wabona ukuthi umhlaba wonakele, ngokuba bonke abantu babeziphethe kabi emhlabeni.

KuThithu 2:14

owazinikela ngenxa yethu, ukuze asihlenge ebubini bonke, azihlambululele isizwe esingesakhe, esinokushisekela imisebenzi emihle.

IzAga 21:9

Kungcono ukukhosela ekhoneni lophahla, kunokuhlala ndlininye nowesifazane onothuthuva.

U-Isaya 26:7

Indlela yabalungileyo iqondile, Wena Olungileyo uyenza ibe bushelelezi indlela yoqotho.

U-Isaya 59:8

Indlela yokuthula abayazi, nobulungiswa abukho emikhondweni yabo; bazenzele izindlela eziyizigwegwe, bonke abahamba ngazo abakwazi ukuthula.