IzAga 18:21 - IsiZulu 2020

²¹ Ukufa nokuphila kusemandleni olimi, nabaluthandayo bayakudla izithelo zalo.

IBHAYIBHELI ELINGCWELE

²¹ Ukufa nokuphila kusemandleni olimi, nabaluthandayo bayakudla izithelo zalo.

Contemporary Zulu Bible 2024

²¹ Ukufa nokuphila kusemandleni olimi, nabaluthandayo bayakudla isithelo salo.

IzAga 18:21 Referans Kwoze

Kwabase-Efesu 4:29

Makungaphumi emlonyeni wenu nalinye izwi elibolileyo, kodwa kube ngelilungele ukwakha njengokuba kudingeka, ukuze libaphe umusa abezwayo.

KwabaseKolose 4:6

Ukukhuluma kwenu makube nomusa njalo, kuyoliswe ngosawoti, ukuze nazi enifanele ukubaphendula ngakho bonke abantu.

IzAga 10:31

Umlomo wolungileyo ukhuluma ukuhlakanipha, kodwa ulimi oluphambeneyo luyanqunywa.

IzAga 12:13

Omubi ubanjwa ukuphambuka kwakhe kwakusho ngomlomo wakhe, kodwa olungileyo uyaphuma enkathazweni.

U-Isaya 57:19

Ngizodala izithelo zezindebe zomlomo, ngithi: ukuthula, ukuthula kuye okude, nakuye oseduze,” kusho uSimakade; “ngiyakumphilisa.”

IzAga 11:30

Isithelo solungileyo singumuthi wokuphila, nohlakaniphileyo uyayizuza imiphefumulo.

2 kaPetru 2:18

Ngokuba bakhuluma udwadwa, kuthi ngamazwi ayize, bayenge ngezinkanuko zenyama nangamanyala adlangileyo, labo abasanda kuphunyuka kulabo abaphambukileyo.

2 kwabaseKorinte 11:15

Ngakho-ke akuyona into enkulu uma nezikhonzi zakhe ziziguqula izikhonzi zokulunga, kodwa ukuphela kwazo kuyakuba njengokwemisebenzi yazo.

2 kwabaseKorinte 2:16

Kwababhubhayo, siyiphunga lokufa kube ngukufa; kodwa kwabasindiswayo, siyiphunga lokuphila kube ngukuphila. Pho ngubani ongakwazi ukwenza lokho na?

IzAga 21:23

Ogcina umlomo wakhe nolimi lwakhe ulonda umphefumulo wakhe ezinsizini.

U-Isaya 3:10

Tshelani abalungileyo ukuthi kuyobahambela kahle, ngokuba bayokudla izithelo zezenzo zabo.

Hoseya 10:13

Nilime inkohlakalo, navuma ukungalungi, nidle isithelo senkohliso, ngokuba nethembela endleleni yenu nasebuningini bamabutho enu.

AmaHubo 12:5

Kepha Wena Simakade, uthi: “Ngenxa yabampofu abaphangwayo, nababuswezi ababubulayo, ngizakuvuka,” kusho uSimakade, “ngimbeke endaweni ephephile, ayilangazelelayo.”