IsiLilo 1:22 - IsiZulu 2020

²² “Bonke ububi bazo mabufinyelele ebusweni bakho, nakuzo yenza njengoba wenze kimi, ngenxa yazo zonke iziphambeko zami, ngokuba kukhulu ukububula kwami; idangele nenhliziyo yami.”

IBHAYIBHELI ELINGCWELE

²² “Mabufike bonke ububi bazo ebusweni bakho, wenze kuzo njengokwenza kwakho kimi ngenxa yazo zonke iziphambeko zami, ngokuba ukububula kwami kukhulu, nenhliziyo idangele.”

Contemporary Zulu Bible 2024

²² Mabufike bonke ububi babo phambi kwakho; wenze kubo njengalokho wenzile kimi ngenxa yazo zonke iziphambeko zami, ngokuba ukububula kwami kuningi, nenhliziyo yami ibuthuntu.

IsiLilo 1:22 Referans Kwoze

UJeremiya 8:18

Akukho ukududuzeka ngosizi lwami, inhliziyo yami idangele.

IsAmbulo 6:10

Bamemeza ngezwi elikhulu, bathi: “Kuyoze kube nini, Mbusi ongcwele noqinisileyo, ungehluleli, uphindiselele igazi lethu kulaba abakhileyo emhlabeni na?”

Kwabase-Efesu 3:13

Ngakho-ke ngiyaninxusa ukuba ningadangali ngezinhlupheko engikuzo ngenxa yenu, eziwudumo kini.

NgokukaLuka 23:31

“Ngokuba uma benza lokho emthini oluhlaza, kuyakuba njani-ke kowomileyo na?”

IsiLilo 5:17

Ngalokho-ke inhliziyo yethu idangele; ngenxa yalezo zinto, amehlo ethu afiphele.

IsiLilo 1:13

“Uthumele umlilo wakhe ekweliphezulu, wangena emathanjeni ami, wawehlula; unekele izinyawo zami inethi, wangiqumba phansi; ngalala amankeyane. Ungishiye ngiyincithakalo, ngiphelelwe ngamandla usuku lonke.

UJeremiya 51:35

“Ubudlova obenziwe kimi nakubantu bakithi, mabube phezu kweBhabhele;” makasho kanjalo owakhileyo eZiyoni. “Igazi lami malibe phezu kwabakhileyo eKhalideya;” malisho kanjalo iJerusalema.

UJeremiya 18:23

Kepha Wena Simakade uyawazi wonke amacebo abo okungibulala; ungabuthetheleli ububi babo, nesono sabo ungasesuli phambi kwakho, mabathelwe phansi phambi kwakho, ubajezise ngesikhathi usathukuthele.

UJeremiya 10:25

Thululela ulaka lwakho phezu kwabezizwe abangakwaziyo, naphezu kwemindeni engalibizi igama lakho, ngokuba bamdlile uJakobe; yebo, bamdlile bamqeda nya, balenza incithakalo ikhaya lakhe.

U-Isaya 13:7

Ngalokho zonke izandla ziyakuba ntekenteke, nezinhliziyo ziphele amandla.

AmaHubo 143:7

Simakade, shesha ungiphendule, umphefumulo wami udangele, ungangifihleli ubuso bakho, funa ngifane nabashona egodini.

AmaHubo 79:10

Kungani abeziwe bethi phambi kwamehlo ethu: “Ukuphi uNkulunkulu wabo na?” Ukuphindiselelwa kwegazi lezinceku zakho elichithekileyo makwaziwe kwabezizwe.

UJeremiya 30:16

“ ‘Ngalokho bonke abakudlayo nabo bayakudliwa, zonke izitha zakho ngothi lwazo ziyakuthunjwa, nalabo abakuphangayo bayakuphangwa, nabo bonke abakuqhwagayo ngiyakubenza impango.