IsiLilo 1:18 - IsiZulu 2020

¹⁸ “USimakade ungijezise ngokufanele, ngokuba angililalelanga izwi lakhe. Lalelani bantu, bukani nibone ubuhlungu bami. Izintombi nezinsizwa zami zihambile, zisekuthunjiweni.

IBHAYIBHELI ELINGCWELE

¹⁸ “UJehova ulungile, ngokuba ngihlubukile izwi lakhe. Ake nizwe, bantu bonke, nibone ubuhlungu bami. Izintombi zami nezinsizwa zami ziye ekuthunjweni.

Contemporary Zulu Bible 2024

¹⁸ UJehova ulungile; ngokuba ngahlubuka emyalezweni wakhe.

IsiLilo 1:18 Referans Kwoze

UZefaniya 3:5

USimakade ulungile kuwo, akakwenzi okungalungile. Njalo ekuseni ukhipha isehlulelo sakhe ekukhanyeni, akehluleki, kepha abangalungile abalazi ihlazo.

AmaHubo 119:75

Ngiyazi Simakade, ukuthi izehlulelo zakho zilungile, nokuthi ngokwethembeka wangijezisa.

IsiLilo 1:12

Akunithinti yini nina nonke enedlula ngendlela na? Bhekani nibone ukuthi bukhona yini ubuhlungu obunjengobuhlungu obehliselwe mina, uSimakade angihluphekise ngabo ngosuku lolaka lwakhe oluvuthayo.

UJeremiya 12:1

Wena, Simakade, ulungile, noma ngikumangalela. Nokho ngiyakukhuluma nawe ngokwehlulela: kungani indlela yezikhohlakali ichuma na? Kungani banethezeke abakhohlisi boqobo na?

IsiLilo 3:42

“Sonile, sakuhlubuka, Wena Nkosi awuzithalaliselanga izono zethu.

AmaHubo 107:11

ngokuba baphambana namazwi kaNkulunkulu, basidelela iseluleko soPhezukonke.

UNehemiya 9:33

Nokho bewufanele ukusehlisela zonke lezo zinto; wenze okulungileyo, thina senza okubi.

KwabaseRoma 3:19

Kepha siyazi ukuthi lokho okushiwo ngumthetho ukukhuluma kulabo abaphansi komthetho ukuze yonke imilomo ithuliswe, umhlaba wonke ubhekane necala kuNkulunkulu.

KwabaseRoma 2:5

Kepha ngenxa yobulukhuni bakho, nenhliziyo engaphendukiyo, uziqongelelela ulaka ngosuku lwentukuthelo nolokwambulwa kokwehlulela okuqotho kukaNkulunkulu,

UDaniyeli 9:7

“Kuwena Nkosi kukhona ukulunga, kepha thina sinamahloni njenganamuhla: kubantu bakwaJuda, nezakhamuzi zaseJerusalema, nakuye wonke u-Israyeli, abaseduze nabakude, kuwo onke amazwe obahlakazele kuwo ngenxa yezeqo zabo abeqe ngazo kuwe.

UJeremiya 49:12

Ngokuba usho kanje uSimakade, uthi: “Uma labo okungafanele baphuze endebeni, bephuzile kuyo, pho kungani wena ungenakujeziswa na? Ngeke uyekwe ungajeziswa, impela nawe uyophuza kuyo.

AmaHubo 145:17

USimakade ulungile ezindleleni zakhe zonke, unomusa emisebenzini yakhe yonke.

UNehemiya 9:26

“Kodwa abalalelanga, bakuhlubuka, bawufulathela umthetho wakho. Babulala abaphrofethi bakho, ababebagqugquzela ukuba babuyele kuwe; benza amahlazo enyanyekayo.

U-Ezra 9:13

“Emuva kokuba sezisehlele zonke lezo zinto ngenxa yezenzo zethu ezimbi, necala lethu elikhulu, kodwa Wena Nkulunkulu, awusijezisanga ngokufanele iziphambeko zethu, wabuye washiya insali efana nalena,

1 AmaKhosi 13:21

wamemeza kulowo muntu kaNkulunkulu owayevele kwaJuda, wathi: “Usho kanje uSimakade, uthi: ‘Njengoba ungalalelanga izwi likaSimakade, ungawugcinanga umyalo uSimakade uNkulunkulu wakho akuyala ngawo,

1 Samuweli 15:23

Ngokuba ukwambuka kunjengesono sokubhula, nenkani ifana nobubi nokukhonza izithombe. Ngokuba ulilahlile izwi likaSimakade, naye ukulahlile, awusezukuba yinkosi.”

AbAhluleli 1:7

U-Adoni Bhezekhi, wathi: “Amakhosi angama-70 anqunywe izithupha noqukula ayevame ukucosha imvuthuluka ewa etafuleni lami, njengoba ngenzile, ngalokho uNkulunkulu uphindisele kimi.” Bamletha eJerusalema, wafela khona.

UDuteronomi 32:4

“Uyidwala, umsebenzi wakhe uphelele, zonke izindlela zakhe zingukulunga; unguNkulunkulu wokwethembeka ongenakonakala; ulungile, uqotho Yena.

UEksodusi 9:27

UFaro wathumela wabiza uMose no-Aroni, wathi kubo: “Kulokhu ngonile; uSimakade ulungile, mina nabantu bami sinecala.

AmaHubo 119:137

Wena Simakade ulungile; izehlulelo zakho ziqotho.

UJeremiya 4:17

Njengabalindi bensimu, balithelekele nxazonke, ngokuba lingihlubukile,” kusho uSimakade.

UJeremiya 32:23

Bangena balidla, kodwa kabalilalenga izwi lakho, abahambanga ngemithetho yakho, konke owawubayale ngakho ukuba bakwenze abakwenzanga; wabe-ke usuwehlisela kubo yonke inhlekelele.

UDaniyeli 9:5

sonile, siziphathe kabi, senzile okubi, sihlubukile, sachezuka emiyalweni yakho nasezahlulelweni zakho;

U-Amose 8:13

“Ngalolo lusuku izintombi ezinhle nezinsizwa ziyakuquleka ngenxa yokoma.

IsiLilo 5:16

Umqhele uwile ekhanda lethu. Maye, kithi, ngokuba sonile!

UZakariya 1:6

Kanti amazwi ami nezimiso zami engayaleza ngakho izinceku zami abaphrofethi akufinyelelanga yini kokhokho benu na? Angithi baphenduka, bathi: ‘Njengoba uSimakade Wamabandla ebehlelile ukwenza lokhu kithi ngokwezindlela zethu nangemisebenzi yethu, wenze kanjalo-ke kithi.’ ”