Hoseya 6:5 - IsiZulu 2020

⁵ Ngakho-ke ngibaqobaqoba babe zicubu ngabaphrofethi, ngibabulale ngamazwi omlomo wami, ukwehlulela kwami kuphume njengokukhanya.

IBHAYIBHELI ELINGCWELE

⁵ Ngalokho ngiyabashaya ngabaprofethi, ngibabulale ngamazwi omlomo wami, ukwahlulelwa kwakho kuqhame ekukhanyeni.

Contemporary Zulu Bible 2024

⁵ Ngakho ngababulala ngabaprofethi; Ngibabulele ngamazwi omlomo wami, nezahlulelo zakho zinjengokukhanya okuphumayo.

Hoseya 6:5 Referans Kwoze

UJeremiya 23:29

“Izwi lami alinjengomlilo yini, nanjengesando esiqhekeza idwala na?” kusho uSimakade.

UJeremiya 1:10

Bheka, ngiyakujuba namuhla phezu kwezizwe nemibuso, ukusiphula nokudiliza, ukuchitha nokubhubhisa, ukwakha nokutshala.”

UJeremiya 5:14

Ngakho-ke, usho kanje uSimakade uNkulunkulu Wamabandla, uthi: “Ngokuba nikhulume leli lizwi, amazwi ami, ngiyakuwenza amazwi ami emlonyeni wenu, abe ngumlilo laba bantu babe yizinkuni, ubadle.

KumaHeberu 4:12

Phela izwi likaNkulunkulu liphilile, linamandla, libukhali kunezinkemba zonke ezisika nganhlangothi zombili, lihlaba kuze kuhlukaniswe umphefumulo nomoya, amalunga nomnkantsha, lehlulela imicabango, nezizindlo zenhliziyo.

KwabaseRoma 2:5

Kepha ngenxa yobulukhuni bakho, nenhliziyo engaphendukiyo, uziqongelelela ulaka ngosuku lwentukuthelo nolokwambulwa kokwehlulela okuqotho kukaNkulunkulu,

IsAmbulo 9:21

Abaphendukanga futhi ekubulaleni, ekuthakatheni, ebufebeni, nasekwebeni kwabo.

IsAmbulo 9:15

Izingelosi ezine ezazilungiselwe ihora, usuku, inyanga, nonyaka, zakhululwa ukuba zibulale okwesithathu kwabantu.

IsAmbulo 2:16

Ngakho-ke phendukani, uma kungenjalo, ngizoza kini ngokuphazima kweso, ngilwe nabo ngenkemba yomlomo wami.

IsAmbulo 1:16

Wayephethe esandleni sakhe sokunene izinkanyezi eziyisikhombisa, emlonyeni wakhe kwaphuma inkemba ebukhali nhlangothi zombili, ubuso bakhe bukhazimula njengelanga likhanya bha.

IzEnzo 7:31

UMose ewubona lowo mbono wamangala. Kwathi esondela ukuba abhekisise, wezwa izwi leNkosi lithi:

UZefaniya 3:5

USimakade ulungile kuwo, akakwenzi okungalungile. Njalo ekuseni ukhipha isehlulelo sakhe ekukhanyeni, akehluleki, kepha abangalungile abalazi ihlazo.

UHezekeli 43:3

Isimo sombono engawubonayo sasifana nombono engangiwubone ngesikhathi ngiza ngizobhubhisa umuzi. Imibono yayinjengombono engangiwubone ngasemfuleni iKhebhari; ngase ngiwa ngobuso, ngathi mbo emhlabathini.

UHezekeli 3:9

Ngilenze ibunzi lakho lalukhuni njengedayimani, lalukhuni ukwedlula insengetsha. Ungabesabi, ungapheli amandla ngenxa yabo, ngokuba bayindlu ehlubukayo.”

UJeremiya 13:13

Uyokuthi kubo: ‘Usho kanje uSimakade, uthi: Bheka, ngizakuzigcwalisa ngokudakwa, zonke izakhamuzi zakuleli lizwe; amakhosi ahlala esihlalweni sobukhosi sikaDavide, abaphristi, abaphrofethi, nabo bonke abakhileyo eJerusalema.

UJeremiya 1:18

Ngokuba namuhla ngikubekile ukuba ube ngumuzi obiyelweyo, insika yensimbi, izingange zethusi kulo lonke izwe, emakhosini akwaJuda nezikhulu zakhona, abaphristi bakhona nakubantu bezwe.

U-Isaya 58:1

“Memeza, ungazibambi, liphakamise izwi lakho njengecilongo, batshele abantu bami iziphambeko zabo, nendlu kaJakobe izono zayo.

U-Isaya 11:4

Kepha uyakwehlulela abampofu ngokulunga, alunqume ngokufaneleyo udaba lwabathobekileyo bomhlaba, uyakushaya umhlaba ngentonga yomlomo wakhe, ababulale ababi ngokuphefumula kwezindebe zakhe.

AmaHubo 119:120

Umzimba wami uyathuthumela ngenxa yokukwesaba, ngiyazesaba izehlulelo zakho.

AmaHubo 37:6

Ukulunga kwakho kukhanye njengelanga; nobulungiswa njengemini.

UJobe 34:10

“Ngalokho ngizweni, nina bantu abanokuqonda, makube kude noNkulunkulu ukuba enze inkohlakalo, nakuSomandla ukuba enze okungalungile.

2 iziKronike 21:12

Umphrofethi u-Eliya wamthumelela incwadi, ethi: “Usho kanje uSimakade uNkulunkulu kaDavide ukhokho wakho, uthi: ‘Ngenxa yokuba awuhambanga ngezindlela zikaJehoshafathi, uyihlo, nangezindlela zika-Asa, inkosi yakwaJuda,

2 AmaKhosi 1:16

Wathi kuyo: “Usho kanje uSimakade: ‘Lokhu uthumele izithunywa ukuyohlola kuBhali Zebhubhi, unkulunkulu wase-Ekhroni, yingoba kungekho Nkulunkulu yini kwa-Israyeli ukuba ubuze izwi lakhe na? Ngakho-ke, umbhede olele kuwo ngeke usehla kuwo, kodwa uzokufa nokufa.’ ”

1 AmaKhosi 19:17

Kuyokuthi obalekela inkemba kaHazayeli, abulawe nguJehu, obalekela inkemba kaJehu, abulawe ngu-Elisha.

1 AmaKhosi 18:17

Kwathi u-Ahabi ebona u-Eliya, u-Ahabi wathi kuye: “Ngabe nguwe yini lo, mhluphi ka-Israyeli na?”

1 AmaKhosi 17:1

U-Eliya, umThishibhi owayengomunye wababegogobele kwaGileyadi, wathi ku-Ahabi: “Ngifunga ngiyagomela phambi kukaNkulunkulu ka-Israyeli engimi phambi kwakhe, akuyukuba khona mazolo namvula kule minyaka, kuze kusho mina.”

1 AmaKhosi 14:6

Kwathi lapho u-Ahiya ezwa izigi zezinyawo zakhe engena emnyango, wathi: “Ngena mkaJerobhowamu; uzishayelani sengathi ungomunye umuntu? Mina ngithunywe kuwe udaba olulukhuni.

1 Samuweli 15:22

USamuweli wathi: “USimakade uyayenamela yini iminikelo yokushiswa nemihlatshelo, njengalokhu enamele ukulalelwa kwezwi likaSimakade na? Bheka, ukulalela kuhle kunomhlatshelo, nokuqaphela kuhle kunamanoni ezinqama.

1 Samuweli 13:13

USamuweli wathi kuSawule: “Wenze ubuwula, awuwugcinanga umyalo kaSimakade uNkulunkulu wakho akuyale ngawo. USimakade ubezowuqinisa umbuso wakho kwa-Israyeli kuze kube phakade,

UGenesise 18:25

Impela mazingafi ngamvunye, abalungileyo nababi. Makube kude nawe ukwenza into efana naleyo. UMehluleli womhlaba wonke angakwenza kanjani okungalungile na?”

Kwabase-Efesu 6:17

namukele futhi isigqoko sensindiso, nenkemba kaMoya eyizwi likaNkulunkulu,

1 Samuweli 15:32

USamuweli wayesethi: “Mletheni kimi u-Agagi, inkosi yama-Amaleki.” U-Agagi wafika kuye eboshiwe. U-Agagi wathi: “Impela umunyu wokufa usudlulile.”

1 Samuweli 15:33

USamuweli wathi: “Njengalokhu inkemba yakho ibaphucile abesifazane abantwana, kanjalo unyoko uyakwaphucwa abantwana njengabanye.” USamuweli wayesemhlahlela u-Agagi phambi kukaSimakade, eGiligali.

UHezekeli 32:18

“Ndodana yomuntu, lilela isixuku saseGibhithe, usehlisele phansi komhlaba, namadodakazi ezizwe ezinamandla, nalabo abehlela egodini.

UJobe 15:30

Akayukusuka ebumnyameni, ilangabi liyakubunisa amagatsha akhe, apheshulwe ngukuphefumula komlomo wakhe.

UHezekeli 11:4

“Ngakho-ke phrofetha kubo; phrofetha ndodana yomuntu.”