EkaJakobe 1:26 - IsiZulu 2020

²⁶ Uma umuntu ethi uyakholwa, kodwa engabophi ulimi lwakhe kube sengathi ngetomu, kodwa ezikhohlisa enhliziyweni yakhe, ukukholwa kwalowo kuyize.

IBHAYIBHELI ELINGCWELE

²⁶ Uma umuntu esho ukuthi uyikholwa, engabophi ulimi lwakhe kungathi ngetomu kodwa ekhohlisa inhliziyo yakhe, ukukhonza kwalowo kuyize.

Baasraak Zulu New Testament Bible

²⁶ Uma umuntu phakathi kwenu ecabanga ukuthi unokholo, engalubambi ngetomu ulimi lwakhe, ekhohlisa eyakhe inhliziyo, ukukholwa kwalowo kuyize.

Contemporary Zulu Bible 2024

²⁶ Uma umuntu phakathi kwenu ecabanga ukuthi unokholo, engalubambi ngetomu ulimi lwakhe, ekhohlisa eyakhe inhliziyo, ukukholwa kwalowo kuyize.

EkaJakobe 1:26 Referans Kwoze

Kwabase-Efesu 4:29

Makungaphumi emlonyeni wenu nalinye izwi elibolileyo, kodwa kube ngelilungele ukwakha njengokuba kudingeka, ukuze libaphe umusa abezwayo.

AmaHubo 141:3

Simakade, bekela umlomo wami umlindi, ugcine umnyango wezindebe zami.

1 kaPetru 3:10

Umbhalo uthi: “Lowo othanda ukuphila nokubona izinsuku ezinhle makanqande ulimi lwakhe kokubi, nezindebe zakhe zingakhulumi inkohliso.

Kwabase-Efesu 5:4

kanjalo nehlazo, nokubheda, nokulawula, okuyizinto ezingafanele; kodwa kunalokho, makube ngukubonga.

IzAga 19:1

Ungcono umuntu ompofu ohamba ngobuqotho, kunesiwula esikhuluma okuphambene ngezindebe zaso.

AmaHubo 34:13

Londa ulimi lwakho kokubi, nezindebe zakho ekukhulumeni inkohliso.

IzAga 10:31

Umlomo wolungileyo ukhuluma ukuhlakanipha, kodwa ulimi oluphambeneyo luyanqunywa.

IzAga 10:19

Lapho kunokukhuluma okuningi akupheli ukona; othiba ulimi lwakhe uhlakaniphile.

KwabaseKolose 4:6

Ukukhuluma kwenu makube nomusa njalo, kuyoliswe ngosawoti, ukuze nazi enifanele ukubaphendula ngakho bonke abantu.

EkaJakobe 1:22

Yibani ngabalenzayo izwi, ningabi ngabalizwayo nje kuphela, nizikhohlisa.

EkaJakobe 1:19

Yazini lokhu, bazalwane bami abathandekayo, ukuthi: makube yilowo nalowo muntu asheshe ukuzwa, aphuze ukukhuluma, aphuze nokuthukuthela.

IzAga 16:25

Kukhona indlela ebonakala sengathi ilungile kumuntu, kepha ukuphela kwayo kuyindlela yokufa.

NgokukaLuka 8:18

Ngakho-ke qaphelani ukuthi nizwa kanjani, ngokuba yilowo nalowo onakho, uyakuphiwa, kodwa lowo ongenakho, uyakwemukwa nalokho anakho.”

KwabaseGalathiya 6:3

Ngokuba uma kukhona ozishaya utho abe engelutho, uyazikhohlisa.

IzAga 14:12

Kukhona indlela ebonakala sengathi ilungile kumuntu, kepha ukuphela kwayo kuyindlela yokufa.

UDuteronomi 11:16

“Qaphelani funa inhliziyo yenu ikhohliseke, niphambuke, nikhonze abanye onkulunkulu, nibakhothamele,

KwabaseGalathiya 2:6

Kodwa kulabo abacabanga ukuthi bawutho, nokuthi babe yini, kwakungelutho lokho kimi, ngokuba uNkulunkulu akakhethi buso bamuntu, ngokuba kimi labo abazibona beqavile, abanezelelanga lutho.

NgokukaMarku 7:7

bangikhonza ngeze, bafundisa izifundiso eziyimiyalo yabantu.’

U-Isaya 44:20

Udla umlotha, inhliziyo ekhohlisiweyo imdukisile; akanakuwusindisa umphefumulo wakhe, nokuba athi: “Akukho yini amanga kwesokunene sami na?”

IzAga 21:26

Onomhobholo ufisa usuku lonke, kepha olungileyo uyapha, angagodli lutho.

1 kwabaseKorinte 15:2

enisindiswa ngalo uma nibambelela ezwini enganishumayeza lona, ngaphandle kokuba ukukholwa kwenu kwaba yize.

Mathewu 15:9

kodwa bangikhonza ngeze, befundisa izifundiso eziyimiyalo yabantu.’ ”

UMalaki 3:14

“Nithe: ‘Akusizi ngalutho ukukhonza uNkulunkulu; sizuzeni ngokugcina imiyalo yakhe nokuthi sihambe silila phambi kukaSimakade Wamabandla na?

U-Isaya 1:13

Khawulani ukungilethela iminikelo engasho lutho; impepho iyisinengiso kimi. Imikhosi yenu yokwethwasa kwenyanga namasabatha, nokubiza imihlangano; anginakuyibekezelela imihlangano yenu emibi.

1 kwabaseKorinte 15:15

Yebo, sifunyanwa singofakazi bamanga ngoNkulunkulu, ngokuba sifakaze ngoNkulunkulu ukuthi wamvusa uKhristu, angamvusanga uma kanti abafileyo bengavuswa.

IzAga 16:10

Izimpendulo zikaNkulunkulu zisezindebeni zenkosi; umlomo wayo awuyukuphambuka ekwehluleleni.

IzAga 15:2

Ulimi lwabahlakaniphileyo lukhombisa ulwazi oluhle, kodwa umlomo weziwula uphafuza ubuwula.

AmaHubo 32:9

Ungafani nehhashi nomnyuzi okungenakuqonda, okukhalinywa ngetomu nomkhala ukuze kuhambe kuqonde, kungenjalo akuyukuwulalela umthetho wakho.

EkaJakobe 2:20

Siwula ndini, uyathanda yini ukwazi ukuthi ukukholwa okungenayo imisebenzi kuyize na?

KwabaseGalathiya 3:4

Nahlushwa ngazo zonke lezi zinto ngeze na? Phela lokho impela kungabe kwakuyize.

KwabaseGalathiya 2:9

Lapho bebona umusa engiwuphiweyo, uJakobe, noKhefase, noJohane: labo ababaziwa ngokuthi bayizinsika, banginika mina noBharnabha isandla sokunene sobudlelwano, ukuba thina sisebenze kwabezizwe, kodwa bona basebenze kwabasokileyo,

1 kwabaseKorinte 3:18

Makungabi bikho ozikhohlisayo: uma kukhona umuntu phakathi kwenu othi uhlakaniphile kulesi sikhathi, makabe yisiwula, ukuze ahlakaniphe.

UJobe 15:13

bese ubhokela uNkulunkulu ngolaka, ukhulume amazwi anje ngomlomo wakho na?

UJobe 30:11

Ngokuba uNkulunkulu ungishiye ngingavikelekile, wangithobisa, sebenza noma yini abayifisayo kimi.