AmaHubo 66:12 - IsiZulu 2020

¹² Abantu wabavumela ukuba bakhwele phezu kwamakhanda ethu. Sadabula emlilweni nasemanzini, kodwa wasikhiphela endaweni ebanzi.

IBHAYIBHELI ELINGCWELE

¹² Wavumela abantu ukuba bakhwele phezu kwamakhanda ethu; sangena emlilweni nasemanzini; kepha wasikhiphela ekubuseni.

Contemporary Zulu Bible 2024

¹² Uvumele abantu bakhwele phezu kwamakhanda ethu; sidabule emlilweni nasemanzini, kepha wasikhipha wasiyisa endaweni enothile.

AmaHubo 66:12 Referans Kwoze

U-Isaya 51:23

Ngiyoyibeka esandleni sabakuhluphayo, abathi kuwe: ‘Khothama, sihambe phezu kwakho;’ abenze umhlane wakho waba njengomhlabathi, nanjengomgwaqo kulabo abedlulayo.”

EkaJakobe 5:11

Niyazi ukuthi babusisiwe labo ababekezelile. Nizwile ngokubekezela kukaJobe, futhi nibonile isiphetho esilethwe yiNkosi, ukuthi iNkosi inesihe esikhulu nesihawu.

IzEnzo 14:22

beqinisa imiphefumulo yabafundi, bebagqugquzela ukuba beme ekukholweni, bethi: “Simelwe ukungena embusweni kaNkulunkulu ngezinhlupheko eziningi.”

UJobe 36:16

“Impela uyakukukhulula osizini, akubeke endaweni ebanzi, lapho kungekho ukunyinyeka khona, kubekwe okunonile etafuleni lakho.

AmaHubo 33:19

ukukhulula umphefumulo wabo ekufeni, nokubagcina bephilile endlaleni.

NgokukaLuka 16:25

“Kepha u-Abhrahama wathi: ‘Ndodana, khumbula ukuthi wamukela okuhle kwakho ngesikhathi usaphila, noLazaru ngokunjalo wamukela okubi, kodwa manje uyaduduzwa yena lapha, wena usuyahlupheka.

2 Samuweli 15:17

Yaphuma-ke inkosi, bonke abantu beyilandela; bama ngasendlini yokugcina.

UJobe 5:19

Uyokuhlenga ezinhluphekweni eziyisithupha, yebo, nakweziyisikhombisa awuyukuthintwa wububi.

UDaniyeli 3:26

Wayesesondela uNebukhadinezari emnyango wesithando somlilo ovuthayo; wakhuluma wathi: “Shadirakhi, Meshakhi, no-Abhedi Nego, nina zinceku zikaNkulunkulu oPhezukonke, phumani nize lapha.” Base bephuma oShadirakhi, noMeshakhi, no-Abhedi Nego phakathi komlilo.