AmaHubo 55:19 - IsiZulu 2020

¹⁹ UNkulunkulu esesihlalweni kwasemandulo uzongizwa, abathobise, ngokuba abaphenduki, futhi abamesabi uNkulunkulu.

IBHAYIBHELI ELINGCWELE

¹⁹ UNkulunkulu uzakuzwa, abaphendule, yena okhona kwaphakade. Sela* Yibona kambe okungekho kubo ukuphenduka, nabangamesabiyo uNkulunkulu.

Contemporary Zulu Bible 2024

¹⁹ UNkulunkulu uyakuzwa, abacindezele, yena ophila endulo. Sela. Ngenxa yokuthi abanalo ushintsho, ngakho abamesabi uNkulunkulu.

AmaHubo 55:19 Referans Kwoze

UDuteronomi 33:27

UNkulunkulu wasemandulo uyisiphephelo nangaphansi zikhona izingalo ezingunaphakade; wazixosha izitha phambi kwakho wathi: ‘Bhubhisa.’

UZefaniya 1:12

Kuyakuthi ngaleso sikhathi ngicinge eJerusalema ngezibani, ngijezise abantu abanethezeke njengewayini liyekwe nenzika, abathi ezinhliziyweni zabo: “ ‘USimakade akakwenzi okuhle, ngeke akwenze nokubi.’

UMikha 5:2

“Kepha wena Bhethlehema Efratha, nakuba ungomncinyane emindenini yakwaJuda, ngiyakuvusa oyakuvela kuwe, uyakuba ngumbusi kwa-Israyeli, ondabuko yakhe ngeyasemandulo, ezinsukwini zaphakade.”

UJeremiya 48:11

“UMowabi ubephumule kwasebusheni bakhe, ephumule njengenzika yewayini; akathululwanga esitsheni, ethululelwa kwesinye; akayanga ekuthunjweni, ngakho-ke usanambitheka njengoba enjalo, nephunga lakhe aliguquki.

UmShumayeli 8:11

Ngenxa yobubi obenziwa bungehlulelwa masinyane, izinhliziyo zabantu ngaphakathi zigcwele ukwenza okubi.

KwabaseKolose 1:17

Yona ingaphambi kwakho konke, zonke izinto zibambene zimi ezindaweni zazo ngayo.

U-Isaya 36:20

Ngobani phakathi kwabo bonke onkulunkulu balawa mazwe abake bakhulula amazwe abo esandleni sami, ukuba uSimakade angalikhulula iJerusalema esandleni sami na?”

IzAga 1:32

Ukweduka kwabangenamqondo kuyakubabulala, nokudembesela kweziwula kuyozibhubhisa.

AmaHubo 143:12

Ngomusa wakho uzishabalalise izitha zami, ubabhubhise bonke abahlupha umphefumulo wami, ngokuba ngiyinceku yakho.

AmaHubo 78:59

Ngesikhathi uNkulunkulu ekuzwa lokho wabathukuthelela, wamlahla impela u-Israyeli.

AmaHubo 65:5

Uyakusiphendula ngezenzo ezesabekayo ekulungeni, Nkulunkulu wensindiso yethu. Wena uyithemba lemikhawulo yonke yomhlaba nelolwandle olukude,