AmaHubo 4:2 - IsiZulu 2020

² Madodana abantu, kuyoze kube nini nithunaza isithunzi sami na? Kuyoze kube nini nithanda okuyize, nifuna okungamanga na? Sela

IBHAYIBHELI ELINGCWELE

² Madodana abantu, koze kube nini ubukhosi bami budunyazwa na? Koze kube nini nithanda okuyize, nifuna amanga, na? Sela*

Contemporary Zulu Bible 2024

² O bantwana babantu, koze kube nini inkazimulo yami ihlazekile? Koze kube nini nithanda okuyize nifuna inkokhelo na? Sela.

AmaHubo 4:2 Referans Kwoze

IzAga 1:22

“Kuyoze kube nini ziwula ndini nithanda ubuwula, nani zedeleli, nithokoziswa ngukweyisa, nani ziwula nizonda ulwazi na?

Hoseya 4:7

Njengoba banda nje, kanjalo kuyanda nokona kwabo kimi. Ngiyakuguqula ukuhlonishwa kwabo kube yihlazo.

AmaHubo 3:3

Kepha Wena Simakade uyisihlangu kimi, uludumo lwami nophakamisa ikhanda lami.

UJeremiya 2:11

Isizwe sake sabalahla yini onkulunkulu baso, noma bengesibo onkulunkulu na? Kepha isizwe sami silulahlile udumo lwaso ngokungenanzuzo.

AmaHubo 106:20

Baguqula inkazimulo kaNkulunkulu, bayifanisa nenkabi edla utshani.

AmaHubo 5:6

Uyababhubhisa bonke abakhuluma amanga; uSimakade uyabenyanya abachitha igazi nabakhohlisi.

Kwabase-Efesu 4:25

Ngakho-ke hlukanani namanga, nikhulume iqiniso, kube yilowo nalowo nomakhelwane wakhe, ngokuba singamalungu omunye elomunye.

UmShumayeli 8:11

Ngenxa yobubi obenziwa bungehlulelwa masinyane, izinhliziyo zabantu ngaphakathi zigcwele ukwenza okubi.

1 Samuweli 12:21

Yebo, ningaphambuki nilandele izinto eziyize ezingenakunisiza nezingeke zanikhulula, ngokuba ziyize.

UJona 2:8

Labo abakhonza izithombe eziyize, bamfulathele uNkulunkulu othembekileyo.

UJeremiya 9:3

“Bagobisele umnsalo wolimi emangeni, abaqinanga eqinisweni ezweni, ngokuba basuka kulobu bubi bedlulele kobunye; abangazi Mina,” kusho uSimakade.

U-Isaya 59:4

Akekho omemeza ngokulunga, akekho nowehlulela ngeqiniso; bethembela kokuyize, bakhuluma amanga; bakhulelwe ububi, bazala inkohlakalo.

U-Isaya 45:17

Kepha u-Israyeli usindisiwe nguSimakade, ngokusindiswa okuphakade; aniyukujabha, aniyukuba namahloni kuze kube phakade.

U-Isaya 20:5

Bayophela amandla, babe namahloni ngeKhushe, ithemba labo, nangeGibhithe abazigabisa ngalo.

AmaHubo 63:11

Kepha inkosi izothokoza ngoNkulunkulu, bonke abafunga Yena bayomdumisa, ngokuba imilomo yabakhuluma amanga izovalwa.

AmaHubo 58:3

Ababi bahlubuka kwasesibelethweni, abaqamba amanga baduka kwasesiswini.

AmaHubo 58:1

Kungabe impela nikhuluma ukulunga nobuqotho na? Madodana abantu, ngabe nehlulela ngobuqotho na?

AmaHubo 57:4

Umphefumulo wami uphakathi kwamabhubesi, ngilele phakathi kwabakhafula umlilo, ngisho nabantwana babantu, abamazinyo ayimikhonto nemicibisholo, abalulimi luyinkemba ebukhali.

AmaHubo 31:6

Ngiyabazonda labo abakhonza onkulunkulu abayize, kodwa mina ngethembele kuSimakade.

AmaHubo 14:6

Niyaliphambanisa icebo lohluphekileyo, kodwa uSimakade uyisiphephelo sakhe.

AmaHubo 2:1

Kungani abezizwe benza ugobe, nabantu beceba okuyize na?

UmShumayeli 9:3

Nabu ububi obukukho konke okwenzeka phansi komthunzi welanga: bonke behlelwa yinto efanayo; izinhliziyo zabo bonke abantu zigcwele ububi, ukuhlanya kukuzo besaphila, emuva kwalokho baya kwabafileyo.

AmaHubo 72:2

Iyokwehlulela isizwe sakho ngeqiniso, nabampofu bakho, ngobulungiswa.

UNumeri 14:11

USimakade wayesekhuluma kuMose, wathi: “Kuyoze kube nini laba bantu bengedelela na? Kuyoze kube nini bengakholwa yimi nayizibonakaliso zonke engizenze phakathi kwabo na?

UEksodusi 10:3

UMose no-Aroni baya kuFaro, bathi kuye: “Usho kanje uSimakade uNkulunkulu wamaHebheru uthi: ‘Kuyoze kube nini wenqaba ukuzithoba phambi kwami na? Vumela abantu bami ukuba bahambe, ukuze bayongikhonza.

1 kwabaseKorinte 1:31

ukuba kube njengalokhu kulotshiwe ukuthi: “Ozibongayo makazibonge eNkosini.”

UJeremiya 2:5

Usho kanje uSimakade, uthi: “Bubi buni oyihlo ababufumana kimi, ukuba baze badede babe kude nami, balandele okuyize, baphenduke ize nabo na?

AmaHubo 50:15

ngibize ngosuku lwenhlupheko, ngiyakukukhulula, wena uyakungidumisa.”

IzEnzo 24:9

NabaJuda bakuvuma lokho, bathi kunjalo.