AmaHubo 39:6 - IsiZulu 2020

⁶ “Impela umuntu uhamba njengesithunzi nje, impela uzikhathaza ngokuyize nje; unqwabela imfuyo, kepha akazi ukuthi ngubani ozakuyibutha.

IBHAYIBHELI ELINGCWELE

⁶ “Impela umuntu uhamba njengesithunzi nje; impela uzikhathaza ngokuyize nje; unqwabela imfuyo, kepha akazi ukuthi ngubani ozakuyibutha.

Contemporary Zulu Bible 2024

⁶ Ngempela, wonke umuntu uhamba ngomlayezo oyize; impela bahlukunyezwa ngeze; ubutha ingcebo, akazi ukuthi ngubani oyibuthelayo.

AmaHubo 39:6 Referans Kwoze

UmShumayeli 2:26

Ngokuba uNkulunkulu umupha ukuhlakanipha, nokuqonda nentokozo umuntu omthokozisayo, kodwa isoni usinika umsebenzi wokuqokelela nokumbondela, ukuze siwunike lowo othokozisa uNkulunkulu. Nalokho kuyize, kufana nokubamba utalagu.

EkaJakobe 4:14

Kepha anilazi ikusasa ukuthi liniphatheleni nokuthi impilo yenu iyakuba yini na? Ngokuba niyinkungu ebonakala isikhashana bese iyanyamalala.

1 kwabaseKorinte 7:31

nabasebenzisa leli lizwe mababe njengabangalisebenzisi, ngokuba isimo saleli lizwe siyadlula.

UmShumayeli 12:13

Nasi isiphetho sendaba, lapho konke sekuzwakele: mesabe uNkulunkulu, ugcine imiyalelo yakhe, ngokuba lokho kungokwabantu bonke.

UmShumayeli 5:14

Lowo mcebo walahleka ngendlela embi, ngisho nendodana ayizalayo ayangathola lutho.

1 kaPetru 5:7

niphonse izinkathazo zenu zonke phezu kwakhe, ngokuba uyanikhathalela.

NgokukaLuka 12:29

Ningafuni ukuthi niyakudlani nokuthi niyakuphuzani; ningakhathazeki ngalokho.

U-Isaya 55:2

Niyichithelani imali kukho okungesiso isinkwa, nenzuzo yenu kukho okungenelisiyo na? Ngilaleleni nokungilalela, nidle okuhle, umphefumulo wenu ujabule ngamanoni.

UmShumayeli 12:8

“Yize leze, konke kuyize,” kusho uMshumayeli.

UmShumayeli 2:8

Ngaziqongelelela isiliva, negolide, nengcebo yamakhosi neyezifundazwe. Ngaqoqa abahlabeleli besilisa nabesifazane, nalokho okuthokozisa amadodana abantu, nezancinza eziningi.

UmShumayeli 1:14

Ngiyibone yonke imisebenzi eyenziwa phansi komthunzi welanga; impela konke kufana nokubamba utalagu!

IzAga 13:22

Olungileyo ushiyela abantwana babantwana bakhe ifa, kepha ingcebo yesoni ibekelelwa olungileyo.

AmaHubo 127:2

Kuyize kini ukuba nivuke ekuseni, nephuze ukuphumula, nidle isinkwa sezinhlupheko, ngokuba uyamupha othandiweyo wakhe esalele.

1 kaPetru 1:24

ngokuba: “Yonke inyama injengotshani, nobuhle bayo bonke bunjengembali yotshani. Utshani buyabuna, nembali ivuthuluke. Kepha izwi leNkosi limi kuze kube phakade.”

EkaJakobe 5:3

Igolide lenu nesiliva kugqwalile, nokugqwala kwakho kuzakuba ngubufakazi obumelene nani, kuyakudla inyama yenu njengomlilo. Niqongelele ingcebo ngezinsuku zokugcina.

IzAga 27:24

Ngokuba ingcebo ayiyukuhlala kuze kube phakade; nomqhele uyakuhlala yini izizukulwane ngezizukulwane na?

IzAga 23:5

Usathi phayiphayi amehlo, akusekho, ngokushesha sekumile amaphiko njengokhozi, kwajubalalela emazulwini.

UJobe 7:7

Khumbula ukuthi ukuphila kwami kungumoya, iso lami aliyukubuye likubone okuhle.

UJobe 7:16

Ngiyakuzonda ukuphila kwami, angiyukuhlala njalo, ngiyeke, ngokuba imihla yami iyize.

UJobe 14:1

“Umuntu ozelwe ngowesifazane imihla yakhe mifushane, igcwele inkathazo.

AmaHubo 89:48

Ngubani oyophila angakuboni ukufa, akhulule umphefumulo wakhe emandleni endawo yabafileyo na? Sela

AmaHubo 144:4

Umuntu ufana nomoya; izinsuku zakhe zinjengethunzi elidlulayo.

UmShumayeli 11:10

Susa ukungeneliseki engqondweni yakho, uxoshe ubuhlungu emzimbeni wakho, ngokuba ubusha nokuqala kokuphila kuyize.

NgokukaLuka 12:26

Ngakho-ke njengokuba ningenamandla okwenza nokuncane nje, pho nizikhathazelani ngalokhu okunye na?