AmaHubo 29:11 - IsiZulu 2020

¹¹ USimakade uzokupha abantu bakhe amandla. USimakade uzobusisa isizwe sakhe ngokuthula.

IBHAYIBHELI ELINGCWELE

¹¹ UJehova uzakunika abantu bakhe amandla; uJehova uzakubusisa abantu bakhe ngokuthula.

Contemporary Zulu Bible 2024

¹¹ UJehova uyakunika abantu bakhe amandla; uJehova uyakubusisa abantu bakhe ngokuthula.

AmaHubo 29:11 Referans Kwoze

U-Isaya 40:31

kepha abamethembayo uSimakade bayakuthola amandla amasha, bayakukhuphuka ngamaphiko njengezinkozi, bagijime bengakhathali, bahambe bengapheli amandla.

2 kwabaseThesalonika 3:16

Sengathi iNkosi yokuthula uqobo inganipha ukuthula ngezikhathi zonke nangezindlela zonke. INkosi mayibe nani nonke.

U-Isaya 41:10

Ungesabi, ngokuba Mina nginawe; ungabi naluvalo, ngokuba Mina nginguNkulunkulu wakho; ngiyakuqinisa, futhi ngiyakusiza, yebo, ngiyakusekela ngesandla sokunene sokulunga kwami.

Johane 16:33

“Lokho ngikukhulume kini ukuba nibe nokuthula ngami. Emhlabeni niyakuba lusizi, kodwa yimani isibindi, Mina ngiwunqobile umhlaba.”

U-Isaya 40:29

Nguye opha oyethileyo amandla, andise izikhwepha kongenamandla.

AmaHubo 68:35

Nkulunkulu, uyesabeka ezindaweni zakho ezingcwele, uNkulunkulu ka-Israyeli abantu bakhe ubapha amandla nezikhwepha. Makadunyiswe uNkulunkulu.

AmaHubo 37:11

Kepha abathobekileyo bazokudla ifa lezwe, bathokozele ukuthula okukhulu.

1 kwabaseKorinte 1:3

makube kini umusa nokuthula okuvela kuNkulunkulu uBaba wethu naseNkosini uJesu Khristu.

KwabaseRoma 14:17

Ngokuba umbuso kaNkulunkulu awusikho ukudla nokuphuza, kodwa ungukulunga, ukuthula, nokuthokoza kuMoya oNgcwele;

Johane 14:27

“Ukuthula ngikushiya kini, ukuthula kwami nginipha khona. Ukunipha kwami akufani nokupha kwezwe. Inhliziyo yenu mayingakhathazeki, futhi ingesabi.

UZakariya 10:12

Ngiyakubaqinisa kuSimakade; bahambe egameni lakhe,” kusho uSimakade Wamabandla.

Kwabase-Efesu 3:16

ukuba ngokwengcebo yenkazimulo yakhe aninike ukuba niqiniswe emandleni kumuntu wangaphakathi ngoMoya wakhe.

AmaHubo 138:3

Ngosuku engakhala ngalo, wangiphendula; waqinisa umoya wami, ngaba namandla.

UZakariya 10:6

“Ngiyakuqinisa abendlu yakwaJuda, ngihlenge abendlu yakwaJosefa, ngibabuyise, ngokuba ngiyabazwela. Kuyakuba sengathi angikaze ngibalahle, ngokuba Mina Simakade uNkulunkulu wabo ngiyakubaphendula.

AmaHubo 72:3

Izintaba ziyakuletha impumelelo kubantu, namagquma, ukulunga.

Kwabase-Efesu 2:17

Weza washumayela ivangeli lokuthula kini enanikude, yebo, ukuthula nakubo abaseduze.

AmaHubo 85:8

Ngizokuzwa lokho uNkulunkulu uSimakade azokusho, uzosho ukuthula kubantu bakhe, nakulabo abamesabayo. Mabangabuyeli ebuwuleni!

AmaHubo 84:7

Baqhubeka emandleni, baze babonakale phambi kukaNkulunkulu eZiyoni.

IsAmbulo 1:4

UJohane, kuwo amabandla ayisikhombisa ase-Asiya: makube kinina umusa nokuthula okuvela kuye okhona, nowayekhona nozayo, nakoMoya abayisikhombisa abaphambi kwesihlalo sakhe sobukhosi,

AmaHubo 85:10

Kuyakuhlangabezana umusa neqiniso, kwangane ukulunga nokuthula.

2 kuThimothewu 4:17

Kepha iNkosi yangimela, yangipha amandla ukuba intshumayelo ipheleliswe ngami, kuthi bonke abezizwe bayizwe, futhi ngakhululwa emlonyeni wengonyama.

AmaHubo 72:7

Ezinsukwini zayo olungileyo uyakuqhakaza, kuvame ukuthula, ize ingabi bikho inyanga.

U-Isaya 26:12

Simakade, uzosenzela ukuthula, ngokuba yonke imisebenzi yethu siyenzelwe nguwe.