AmaHubo 27:1 - IsiZulu 2020

¹ USimakade ungukukhanya kwami nensindiso yami. Ngubani engingamesaba na? USimakade uyinqaba yokuphila kwami. Ngubani engingaba novalo ngaye na?

IBHAYIBHELI ELINGCWELE

¹ UJehova ungukukhanya kwami nensindiso yami; ngizakwesaba bani na? UJehova uyinqaba yokuphila kwami; ngizakuba novalo ngobani na?

Contemporary Zulu Bible 2024

¹ Ihubo likaDavide. UJehova ungukukhanya kwami nensindiso yami; ngizakwesaba bani? uJehova ungamandla okuphila kwami; ngizosaba bani?

AmaHubo 27:1 Referans Kwoze

KumaHeberu 13:6

ukuze sisho ngesibindi, sithi: “INkosi ingumsizi wami, angiyukwesaba; umuntu angangenzani na?”

AmaHubo 118:6

USimakade ungakimi, angiyukwesaba, umuntu angangenzani na?

UEksodusi 15:2

USimakade ungamandla ami nesivikelo sami, uyinsindiso yami, lona nguNkulunkulu wami, ngizokumtusa, nguNkulunkulu kababa, ngizokumphakamisa.

2 kwabaseKorinte 12:9

Kodwa yathi kimi: “Umusa wami ukwanele, ngokuba amandla ami ayapheleliswa ebuthakathakeni.” Ngakho-ke kunalokho ngiyakujabulela ukuzigabisa ngobuthakathaka bami, ukuze amandla kaKhristu ahlale phezu kwami.

AmaHubo 84:11

Ngokuba uSimakade uNkulunkulu, uyilanga nesihlangu, uSimakade uyakupha umusa nodumo, akayukubenqabela okuhle abahamba ngobuqotho.

KwabaseRoma 8:31

Sesiyakuthini ngalokho na? Uma uNkulunkulu emi ngakithi, ngubani ongamelana nathi na?

Johane 8:12

Ngakho uJesu wabuye wakhuluma kubo, wathi: “Mina ngingukukhanya kwezwe. Ongilandelayo kasoze ahamba ebumnyameni, kodwa uyakuba nokukhanya kokuphila.”

U-Isaya 12:2

UNkulunkulu uyinsindiso yami; ngiyakumethemba, angiyukwesaba, ngokuba uSimakade, Yena ungamandla ami nezikhwepha zami; uyinsindiso yami.”

U-Isaya 61:10

Ngiyothokoza kakhulu ngoSimakade, umphefumulo wami wename ngoNkulunkulu wami, ngokuba ungembathise izingubo zensindiso, wangisibekela ngesembatho sokulunga, okomyeni ethwele umshuqulu njengomphristi, nanjengomakoti ezihlobise ngemvunulo.

AmaHubo 62:6

NguYena kuphela oyidwala lami, nensindiso yami, nenqaba yami; angiyukunyakaziswa.

AmaHubo 18:28

USimakade uNkulunkulu wami, ukhanyisa isibani sami, akhanyise ubumnyama bami.

UJobe 29:3

lapho isibani sakhe sasikhanya phezu kwekhanda lami, ngihamba ebumnyameni ngokukhanya kwakhe,

KwabaseFilipi 4:13

Ngingakwenza konke ngaye ongiqinisayo.

AmaHubo 118:21

Ngiyakukudumisa, ngokuba ungizwile, ube yinsindiso yami.

AmaHubo 19:14

Amazwi omlomo wami, nezizindlo zenhliziyo yami, makwemukeleke kuwe Simakade; dwala lami nomhlengi wami.

IsAmbulo 21:23

Umuzi awudingi ilanga nenyanga ukuze kuwukhanyise, ngokuba inkazimulo kaNkulunkulu iyawukhanyisa, nesibani sawo yiWundlu.

AmaHubo 62:2

NguYena kuphela oyidwala lami nensindiso yami; inqaba yami, angisoze nganyakaziswa.

UMalaki 4:2

“Kodwa kini enilesabayo iGama lami, kuyakuphuma ilanga lokulunga, linokuphilisa emaphikweni alo. Niyakuphuma, nitshakadule njengamathole esibayeni.

U-Isaya 2:5

Wena ndlu kaJakobe, woza sihambe ekukhanyeni kukaSimakade.

AmaHubo 18:46

USimakade uyaphila, malidunyiswe idwala lami. Makaphakanyiswe uNkulunkulu wensindiso yami.

IsAmbulo 22:5

Ubusuku abusayukuba bikho, abasakudingi ukukhanya kwesibani nokukhanya kwelanga, ngokuba iNkosi uNkulunkulu iyakubakhanyisela. Bayakubusa kuze kube phakade naphakade.

Johane 1:9

Kwakungukukhanya kweqiniso, okukhanyisa bonke abantu, okwase kuza ezweni.

IsAmbulo 7:10

Samemeza ngezwi elikhulu, sathi: “Insindiso ingekaNkulunkulu wethu ohlezi esihlalweni sobukhosi, neyeWundlu!”

NgokukaLuka 2:30

ngokuba amehlo ami ayibonile insindiso yakho

AmaHubo 11:1

Ngiphephela kuwe Simakade; uyisiphephelo sami. Kungani pho nithi kimi: “Balekela ezintabeni njengenyoni.

AmaHubo 3:8

Insindiso ingekaSimakade; isibusiso sakho masibe kubantu bakho. Sela

NgokukaLuka 3:6

abantu bonke bazakuyibona insindiso kaNkulunkulu.’ ”

Mathewu 8:26

UJesu wayesethi kubo: “Yini nesabe kangaka, nina eninokukholwa okuncane na?” Wavuka wayesewukhuza umoya nolwandle, kwaba nokuthula okukhulu.

U-Isaya 45:24

Kuyothiwa ngami: ‘KukuSimakade kuphela ukulunga namandla.’ ” Bonke ababemthukuthelele bayakufika kuye, bajabhe.

AmaHubo 43:2

Ngokuba Wena Nkulunkulu uyisiphephelo sami, ungilahleleni na? Kungani ngihamba ngilila ngenxa yokucindezelwa yisitha na?

UDuteronomi 7:18

ungazesabi, kodwa khumbula lokho uSimakade uNkulunkulu wakho akwenza kuFaro nakulo lonke iGibhithe:

UDuteronomi 7:21

Ngalokho-ke ungazesabi, ngokuba uSimakade uNkulunkulu wakho, uNkulunkulu omkhulu nowesabekayo, uphakathi kwakho.

AmaHubo 18:29

Ngokuba ngawe ngingahlasela impi, ngoNkulunkulu wami, ngingeqa ugange.

UJeremiya 20:11

Kepha uSimakade unami njengeqhawe elinamandla, ngakho-ke abangizingelayo bayakukhubeka, abayukungehlula; bayakuba namahloni amakhulu, ngokuba abayukuphumelela, nehlazo labo eliphakade aliyukulibaleka.