AmaHubo 132:9 - IsiZulu 2020

⁹ Abaphristi bakho mabembeswe ukulunga, abethembekileyo bakho bathokoze.”

IBHAYIBHELI ELINGCWELE

⁹ Abapristi bakho mabembeswe ukulunga, abangcwele bakho bethabe.”

Contemporary Zulu Bible 2024

⁹ Abapristi bakho mabembeswe ukulunga; futhi abangcwele bakho mabajabule.

AmaHubo 132:9 Referans Kwoze

UJobe 29:14

Ngembatha ukulunga, kwaba njengesembatho kimi, ubulungiswa kimi baba njengengubo nomqhele.

IsAmbulo 19:8

Wanikwa ukuba embathe ilineni elicolekileyo, elikhazimulayo nelihlanzekileyo.” Ngokuba ilineni elicolekileyo liyizenzo zabangcwele ezilungileyo.

1 kaPetru 5:5

Kanjalo nani zinsizwa, thobelani amalunga, kodwa nonke yembathani ukuthobeka, nithobelane, ngokuba uNkulunkulu umelene nabazidlayo, kodwa abathobekileyo ubapha umusa.

UZakariya 9:9

Thokoza kakhulu ndodakazi yaseZiyoni, hlokoma ngenjabulo ndodakazi yaseJerusalema. Uyabona-ke, iNkosi yakho iza kuwe, ilungile, inqobile, ithobekile, igibele imbongolo, ithole, inkonyane yembongolokazi.

U-Isaya 61:10

Ngiyothokoza kakhulu ngoSimakade, umphefumulo wami wename ngoNkulunkulu wami, ngokuba ungembathise izingubo zensindiso, wangisibekela ngesembatho sokulunga, okomyeni ethwele umshuqulu njengomphristi, nanjengomakoti ezihlobise ngemvunulo.

AmaHubo 132:16

Abaphristi ngiyobembesa insindiso, abethembekileyo bayohlokoma ngenjabulo.

AmaHubo 104:1

Mbonge uSimakade, mphefumulo wami, Simakade Nkulunkulu wami, umkhulu, wembethe udumo nobukhosi,

AmaHubo 93:1

USimakade uyiNkosi, wembethe ubukhosi, uSimakade uvunule, ubhince amandla. Izwe ulimise laqina, alinakunyakaziswa.

KwabaseRoma 13:14

Kepha yembathani iNkosi uJesu Khristu, ninganakekeli inyama yenu, kuvuswe izinkanuko.

UZefaniya 3:14

Hlokoma ngentokozo ndodakazi yaseZiyoni, umemeze, Israyeli, uthokoze, futhi ujabule ngenhliziyo yonke, ndodakazi yaseJerusalema.

U-Isaya 65:14

bhekani, izinceku zami ziyakumemeza ngokujabula nangokwenama kwenhliziyo, kepha nina niyakukhala ngokudabuka kwenhliziyo yenu, nilile ngobuhlungu emphefumulweni.

AmaHubo 149:5

Abathembekileyo mabathokoze ngokunqoba, mabahlabelele ngentokozo.

AmaHubo 70:4

Bonke abakufunayo mabajabule, bethabe kuwe. Nalabo abathanda insindiso yakho, bahlale njalo bethi: “UNkulunkulu mkhulu.”

AmaHubo 68:3

Kepha abalungileyo mabajabule, bethabe phambi kukaNkulunkulu, bathokoze nokuthokoza.

AmaHubo 47:1

Zizwe zonke, shayani izandla, hlokomani ngezwi lokuhalalisa kuNkulunkulu.

AbAhluleli 5:31

“Simakade, sengathi zingabhubha zonke izitha zakho! Kodwa abakuthandayo mabafane nelanga liphuma ngamandla alo.” Izwe lalinokuthula iminyaka engama-40.

2 iziKronike 6:41

“Manje, sukuma Simakade Nkulunkulu, uze endaweni yakho yokuphumula Wena nomphongolo wakho wamandla. Abaphristi bakho Simakade Nkulunkulu, abaphristi bakho mabembathiswe insindiso, nabathembekile bakho bathokoze ngokuhle.