AmaHubo 119:32 - IsiZulu 2020

³² Ngiyakugijima ngendlela yemiyalo yakho, ngokuba uyakungivumela ukuba ngenze kanjalo.

IBHAYIBHELI ELINGCWELE

³² Ngiyakugijima ngendlela yemiyalo yakho, ngokuba uyakwandisa inhliziyo yami.

Contemporary Zulu Bible 2024

³² Ngizohamba ngendlela yemiyalo yakho, uma uyenza banzi inhliziyo yami.

AmaHubo 119:32 Referans Kwoze

1 AmaKhosi 4:29

UNkulunkulu wamnika uSolomoni ukuhlakanipha nokuqonda okukhulu kakhulu, nengqondo esabalele okwesihlabathi esisogwini lolwandle.

KumaHeberu 12:1

Ngakho-ke nathi, njengalokhu sinefu elingaka lawofakazi abasihaqileyo, masilahle konke okusindayo nesono esithandela kangaka kithi, sigijime ngokubekezela kulokhu kuncintisana esikumiselweyo,

2 kwabaseKorinte 3:17

INkosi inguye uMoya, lapho kukhona khona uMoya weNkosi kunenkululeko.

2 kwabaseKorinte 6:11

Sikhuluma kini nina baseKhorinte, sikhululekile, inhliziyo yethu ivulekile kini,

Johane 8:32

niyakulazi iqiniso, neqiniso liyakunikhulula.”

U-Isaya 61:1

UMoya weNkosi uSimakade uphezu kwami, ngokuba uSimakade ungigcobile ukuba ngishumayele izindaba ezinhle kwabathotshisiweyo; ungithumele ukubopha abanhliziyo zaphukile, ukumemezela ukukhululwa kwabathunjiweyo, nokudedelwa kweziboshwa ejele.

AmaHubo 119:45

Ngizohamba ngenkululeko, ngokuba ngifuna iziyalezo zakho.

AmaHubo 18:36

Wandisile izinyathelo zami phansi kwami, namaqakala ami awabhinyikanga.

Johane 8:36

Ngakho-ke uma iNdodana inikhulula, niyakuba ngabakhululekileyo impela.

1 kaPetru 2:16

Nina ningabakhululekileyo, kodwa ningakwenzi ukukhululeka kwenu kube yisembozo sokubi, kepha ziphatheni njengezinceku zikaNkulunkulu.

U-Isaya 60:5

Khona uyakukubona lokho, uchachambe yinjabulo; inhliziyo yakho igide, ithokoze, ngokuba ingcebo yasolwandle iyakulethwa kuwe, ingcebo yezizwe ize kuwe.

U-Isaya 40:31

kepha abamethembayo uSimakade bayakuthola amandla amasha, bayakukhuphuka ngamaphiko njengezinkozi, bagijime bengakhathali, bahambe bengapheli amandla.

IsiHlabelelo seziHlabelelo 1:4

Ngidonse ngikulandele, sigijime. Inkosi isingingenisile emakamelweni ayo. Siyojabula, sithokoze ngawe; uthando lwakho siyolukhumbula ukwedlula iwayini. Abalungileyo bayakuthanda.

UGenesise 26:22

Wasuka wayokumba omunye umthombo; kulowo abambangisanga, ngakho-ke wawuqamba ngokuthi yiRehobhothi, ngokuba wathi: “Manje uSimakade usesinike indawo ebanzi, wasenza sanda ezweni.”