AbAhluleli 7:24 - IsiZulu 2020

²⁴ UGideyoni wathumela izigijimi kulo lonke elisezintabeni kwa-Efrayimi, wathi: “Yehlani nilwe nabakwaMidiyani, nithathe imithombo kuze kuyofika eBhethi Bhara naseJordani.” Wonke amadoda akwa-Efrayimi abizwa, athatha imithombo yamanzi kwaze kwayofika eBhethi Bhara naseJordani.

IBHAYIBHELI ELINGCWELE

²⁴ UGideyoni wayesethuma izithunywa ezintabeni zonke zakwa-Efrayimi, wathi: “Yehlani, nihlangabezane nabakwaMidiyani, nibavimbe emanzini kuze kube seBetha Bara naseJordani.” Onke amadoda akwa-Efrayimi ayesebuthana, abavimbela emanzini kwaze kwaba seBetha Bara naseJordani.

Contemporary Zulu Bible 2024

²⁴ UGideyoni wathuma izithunywa ezintabeni zakwa-Efrayimi, wathi: “Yehlani niye kwabakwaMidiyani, niwathumbe amanzi phambi kwabo kuze kube seBeti Bara naseJordani; Khona-ke bonke abantu bakwa-Efrayimi babuthana ndawonye, bathatha amanzi kwaze kwaba seBeti Bara naseJordani.

AbAhluleli 7:24 Referans Kwoze

KwabaseFilipi 1:27

Okubalulekile, hambani ngokufanele ivangeli likaKhristu, ukuze kuthi noma ngiza ukuzonibona noma ngizwa ngani ngingekho, ngizwe ukuthi nimi niqinile emoyeni munye, nangomphefumulo munye; nilwela inkolo yevangeli.

KwabaseRoma 15:30

Ngiyanincenga manje, bazalwane, ngenxa yeNkosi yethu uJesu Khristu nangenxa yothando lukaMoya, ukuba nibambisane nami ekungikhulekeleni kuNkulunkulu,

Johane 1:28

Konke lokhu kwenzeka eBhethani, ngaphesheya komfula iJordani, lapho uJohane wayebabhabhadisa khona.

AbAhluleli 12:5

AbakwaGileyadi badla amazibuko eJordani phambi kwabakwa-Efrayimi. Kwakuthi okhoselayo wakwa-Efrayimi uma ethi: “Mangiwele,” abantu abakwaGileyadi bathi: “Ungowakwa-Efrayimi, na?” Uma ethi: “Qha,”

UHabakuki 3:7

Ngibona amathende aseKhushani ekhungethwe wusizi, amakhethini akwaMidiyani ayathuthumela.

AbAhluleli 8:3

UNkulunkulu unikele esandleni senu abakhuzi bempi yakwaMidiyani, u-Orebhi noZebhi; yini engiyenzile engaqhathaniswa nenikwenzile, na?” Lapho esho lokhu, ulaka lwabo lwabohla.