AbAhluleli 15:11 - IsiZulu 2020

¹¹ Kwase kwehla amadoda akwaJuda ayizi-3 000 aya emfantwini wedwala e-Ethamu, athi kuSamsoni: “Awazi yini ukuthi amaFilisti angababusi bethu, na? Pho yini lena oyenzile kithi, na?” Waphendula wathi: “Ngenze kubo njengalokhu benzile kimi.”

IBHAYIBHELI ELINGCWELE

¹¹ Abantu abayizinkulungwane ezintathu bakwaJuda behlela ofantwini lwedwala lase-Etamu, bathi kuSamsoni: “Awukwazi yini ukuthi amaFilisti abusa phezu kwethu na? Kuyini, pho, lokho okwenzile kithina na?” Wathi kubo: “Njengalokho benza kimi, ngenze njalo kubo.”

Contemporary Zulu Bible 2024

¹¹ Base benyukela esiqongweni sedwala lase-Etamu abantu abayizinkulungwane ezintathu bakwaJuda, bathi kuSamsoni: “Awukwazi yini ukuthi amaFilisti ayabusa phezu kwethu na? yini lena osenze yona? Wathi kubo: “Njengoba benza kimi, ngenza kanjalo kubo.”

AbAhluleli 15:11 Referans Kwoze

AbAhluleli 14:4

Uyise nonina babengazi ukuthi lokhu kuvela kuSimakade, ngokuba wayefuna ithuba lokuthi alwe namaFilisti. Ngaleso sikhathi amaFilisti ayebusa phezu kuka-Israyeli.

AbAhluleli 13:1

Abakwa-Israyeli babuye benza okubi emehlweni kaSimakade; uSimakade wabanikela esandleni samaFilisti iminyaka engama-40.

UDuteronomi 28:13

USimakade uyakukwenza ube yinhloko, ungabi ngumsila; uyoba phezulu kuphela, ungabi phansi, uma ulalela imiyalo kaSimakade uNkulunkulu wakho engikuyala ngayo namuhla futhi uyigcine, uyenze.

ULevitikusi 26:25

Ngiyonehlisela inkemba yempindiselo, engiyakuziphindiselela ngayo ngenxa yesivumelwano sami. Niyobuthana ndawonye emizini yenu, ngithumele ubhubhane phakathi kwenu; ninikelwe esandleni sezitha zenu.

UDuteronomi 28:43

“Umfokazi ohlala phakathi kwenu uyodlondlobala kunawe, wena uye ngokuya wehla.

AbAhluleli 15:10

Amadoda akwaJuda athi: “Nenyukeleni ukuzolwa nathi, na?” Aphendula amaFilisti, athi: “Senyukele ukuba sizobopha uSamsoni, ukuze senze kuye njengalokhu enzile kithi.”

AbAhluleli 15:12

Athi kuye: “Sehlele ukuba sizokubopha, ukuze sikunikele esandleni samaFilisti.” USamsoni waphendula wathi: “Fungani kimi ukuthi nina uqobo anizukungihlasela.”

1 iziKronike 4:3

Nampa abazalwa ngu-Ethami: nguJizreyeli, u-Ishima, u-Idibhashi, udadewabo kunguHaseleliphoni,