1 kaPetru 2:24 - IsiZulu 2020

²⁴ owathwala izono zethu emzimbeni wakhe, emthini, ukuze kuthi sesifile ezonweni, siphile ekulungeni. Ngemivimbo yakhe naphiliswa,

IBHAYIBHELI ELINGCWELE

²⁴ yena owathwala izono zethu emzimbeni wakhe emthini, ukuze kuthi sesifile ezonweni siphile ekulungeni, oyena imivimbo yakhe naphulukiswa ngayo;

Baasraak Zulu New Testament Bible

²⁴ yena owathwala izono zethu emzimbeni wakhe emthini, ukuze thina sesifile ezonweni siphile ekulungeni, omivimbo yakhe naphulukiswa ngayo.

Contemporary Zulu Bible 2024

²⁴ Yena owathwala izono zethu emzimbeni wakhe emthini, ukuze thina sesifile ezonweni siphile ekulungeni, omivimbo yakhe naphulukiswa ngayo.

1 kaPetru 2:24 Referans Kwoze

Mathewu 8:17

ukuze kugcwaliseke okwakhulunywa ngo-Isaya umphrofethi, ukuthi: “Yena wabetshatha ubuthakathaka bethu, wazithwala izifo zethu.”

KwabaseRoma 6:11

Kanjalo nani zishoni ukuthi ningabafileyo maqondana nesono, kodwa niphilele uNkulunkulu kuKhristu uJesu.

IsAmbulo 22:2

Phakathi komgwaqo wawo nomfula kuleli cala, ngakwelinye kukhona umuthi wokuphila, owawuthela izithelo ezili-12, izithelo zawo uzithela nyanga zonke, amacembe omuthi angawokuphilisa izizwe.

1 kaJohane 2:29

Uma nazi ukuthi Yena ulungile, yazini-ke futhi ukuthi yilowo nalowo owenza ukulunga uzelwe nguye.

EkaJakobe 5:16

Ngakho-ke vumani izono omunye komunye, nikhulekelane ukuze niphulukiswe. Umkhuleko wolungileyo unamandla kakhulu.

KumaHeberu 9:28

kanjalo noKhristu, wanikelwa kwaba kanye ukuba athwale izono zabaningi, uyakubonakala ngokwesibili engenasono, kulabo abamlindele ngokulangazelela, kube ngukusindiswa.

KwabaseGalathiya 3:13

UKhristu wasihlenga esiqalekisweni somthetho ngokwenziwa abe yisiqalekiso ngenxa yethu, ngokuba kulotshiwe ukuthi: “Baqalekisiwe bonke abalengiswa emthini,”

KwabaseRoma 6:2

Phinde, neze. Thina esafa maqondana nesono singabuye siphile kanjani kuso na?

U-Isaya 53:11

Ekuhluphekeni kwayo iyakukubona, yaneliswe. Ngokwazi kwayo inceku yami elungileyo, iyakulungisisa abaningi, ithwale izono zabo.

KwabaseKolose 3:3

Ngokuba nafa, ukuphila kwenu kufihlwe noKhristu kuNkulunkulu,

KwabaseRoma 6:13

futhi ninganikeli ngezitho zenu esonweni, ukuba zibe yizikhali zokungalungi, kodwa zinikeleni nina kuNkulunkulu njengabaphilayo, abavukile kwabafileyo; nezitho zenu nizinikeleni kuNkulunkulu, zibe yizikhali zokulunga,

Johane 1:29

Ngakusasa uJohane wabona uJesu eza kuye, wayesethi: “Bheka, iWundlu likaNkulunkulu elisusa isono somhlaba.

KwabaseRoma 7:6

Kepha manje sikhululiwe emthethweni, sifile maqondana nalokho okwakusithiya ukuba sikhonze emoyeni omusha, hhayi ngendlela endala yomthetho.

1 kaJohane 3:7

Bantwanyana, maningadukiswa muntu. Umuntu owenza ukulunga, ulungile, njengokuba Yena elungile.

AmaHubo 147:3

Welapha abanhliziyo zephukile, abophe izilonda zabo.

KwabaseRoma 6:7

ngokuba ofileyo ukhululiwe.

KwabaseRoma 6:16

Anazi yini ukuthi lowo enizinikela kuye ukuba nibe yizinceku ezimthobelayo, niyizinceku zalowo enimthobelayo; noma ezesono esiholela ekufeni, noma ezokuthobeka kube ngukulunga na?

2 kwabaseKorinte 6:17

Ngakho-ke: “Phumani phakathi kwabo, nehlukane nabo,” kusho iNkosi. “Ningathinti okungcolileyo; khona ngiyakunamukela,

IzEnzo 5:30

UNkulunkulu wokhokho bethu wamvusa uJesu enambulala nina ngokumphanyeka emthini.

NgokukaLuka 4:18

“UMoya weNkosi uphezu kwami, ngokuba ingigcobile ukuba ngishumayele ivangeli kwabampofu; ingithumele ukumemezela ukukhululwa kwabathunjiweyo, ukuvula amehlo ezimpumputhe, ukuhlenga abacindezelweyo,

Mathewu 5:20

Ngokuba ngithi kini: uma ukulunga kwenu kungadluli okwezazimthetho nokwabaFarisi, anisoze nangena embusweni wezulu.

UMalaki 4:2

“Kodwa kini enilesabayo iGama lami, kuyakuphuma ilanga lokulunga, linokuphilisa emaphikweni alo. Niyakuphuma, nitshakadule njengamathole esibayeni.

KumaHeberu 12:13

Nizenzele izinyawo zenu izindlela eziqondileyo ukuze okuqhugayo kungaphinyizeki, kunalokho kuphiliswe.

IzEnzo 13:29

Kwathi sebekufeze konke okwakulotshiwe ngaye, bamehlisa emthini, bambeka ethuneni.

IzEnzo 10:35

kodwa ezizweni zonke lowo omesabayo nowenza ukulunga uyemukeleka kuye.

KumaHeberu 7:26

Ngokuba umphristi omkhulu onjengaye usifanele thina; ongcwele, ongenacala, ongenasici, owehlukanisiwe kwabayizoni, owenziwe waphakama phezu kwamazulu.

KwabaseKolose 2:20

Uma nafa kanye noKhristu, nakhululwa ezimfundisweni zokucathula kwezwe, pho kungani kungathi nisaphila ngokwezwe, nithobela izimfundiso ezithi:

KwabaseRoma 6:22

Kepha manje senikhululiwe esonweni, naba ngabakhonza uNkulunkulu; seninazo izithelo enizithelayo, kube ngukungcweliswa, nesiphetho salokho ngukuphila okuphakade.

IzEnzo 10:39

“Thina singofakazi bazo zonke izinto azenzayo ezweni labaJuda naseJerusalema, Yena lo bambulala ngokumphanyeka emthini.

Mathewu 27:26

UPilatu wayesebakhululela uBharabha, kodwa eseshayiwe uJesu, wamnikela ukuba abethelwe esiphambanweni.

AmaHubo 38:4

Ngokuba iziphambeko zami zedlula ikhanda lami, zingisinda njengomthwalo onzima.

ULevitikusi 16:22

Impongo iyothwala ububi babo bonke, iye nabo kwahlongasibi, ayikhululele ehlane.

UEksodusi 28:38

Luyokuba sebunzini lika-Aroni. U-Aroni uyakuthwala icala lanoma yimuphi umnikelo ongcwele, abantu bakwa-Israyeli abawehlukanisa njengomnikelo ongcwele, luyohlala njalo ebunzini lakhe ukuze bamukeleke phambi kukaSimakade.

Kwabase-Efesu 5:9

ngokuba isithelo sokukhanya sisebuhleni bonke, ekulungeni naseqinisweni;

Johane 19:1

UPilatu wayesemthatha uJesu, wambhaxabula.

UNumeri 18:22

Abantu bakwa-Israyeli abayukusondela ethendeni lokuhlangana, funa bathwale isono, bafe.

ULevitikusi 22:9

“ ‘Ngakho-ke bayogcina umyalo wami; ukuze bangabi nesono ngenxa yawo, bese befa ngokuba bewujivazile; nginguSimakade obangcwelisayo.

KwabaseFilipi 1:11

nigcwaliswe ngezithelo zokulunga ngaye uJesu Khristu, kube yinkazimulo nodumo kuNkulunkulu.

NgokukaMarku 15:15

Khona uPilatu ethanda ukuthokozisa isixuku wasikhululela uBharabha, kepha wamshaya uJesu, wamnikela ukuba abethelwe.

IzAga 20:30

Imivimbo elimazayo ihlanza ububi, nokushaywa kuhlanza izibilini.

1 kwabaseKorinte 15:3

Ngokuba nganinika lokho okubalulekileyo kakhulu engakwamukela nami ukuthi uKhristu wafa ngenxa yezono zethu, njengokwemibhalo,

KwabaseKolose 2:14

Wayesula incwadi yecala lethu, eyayimelene nathi ngemiyalo ekuyo, wayisusa ngokuyibethela esiphambanweni.

KumaHeberu 10:5

Ngalokho-ke esezakufika emhlabeni, uthi: “Umhlatshelo nomnikelo awuwuthandanga, kodwa ungilungisele umzimba.

KumaHeberu 10:10

Ngaleyo ntando singcwelisiwe ngokunikelwa komzimba kaJesu Khristu, kwaba kanye kuphela.

UGenesise 22:6

U-Abhrahama wathatha izinkuni zomhlatshelo wokushiswa, wazethwesa u-Isaka, yena waphatha umlilo nommese ngesandla. Base besuka njalo bobabili bahamba.

UNumeri 7:15

iduna, inqama, nemvu yeduna enonyaka, ukuze kube ngumnikelo wokushiswa,